ಸಿಡ್ನಿ: ಸೋಂಕು ಪ್ರಕರಣ ವ್ಯಾಪಕವಾಗಿ ಹರಡುತ್ತಿದ್ದು, ಬಹುತೇಕ ಇಡೀ ವಿಶ್ವವೇ ಸ್ತಬ್ಧಗೊಂಡಿದೆ. ಅತ್ತ ಆಸ್ಟ್ರೇಲಿಯಾ ಆಟಗಾರರು ಯಾವುದೇ ಕ್ರಿಕೆಟ್ ಚಟುವಟಿಕೆಗಳಿಲ್ಲದೆ ಮನೆಯಲ್ಲೇ ಕಾಲ ಕಳೆಯುವಂತಾಗಿದೆ. ಈ ಮಧ್ಯೆ ಆಟಗಾರರೆಲ್ಲ ಸಾಮಾಜಿಕ ಜಾಲತಾಣಗಳಲ್ಲಿ ಅಭಿಮಾನಿಗಳ ಪ್ರಶ್ನೆಗಳಿಗೆ ಉತ್ತರ ನೀಡುತ್ತಾ ತಮ್ಮ ಕ್ರಿಕೆಟ್ ಅನುಭವಗಳನ್ನು ಹಂಚಿಕೊಳ್ಳುತ್ತಿದ್ದಾರೆ. ಈ ಪೈಕಿ ಆಸ್ಟ್ರೇಲಿಯಾ ಸೀಮಿತ ಓವರ್‌ಗಳ ತಂಡದ ನಾಯಕ , ಮೈಕ್ರೋ ಬ್ಲಾಗಿಂಗ್ ವೆಬ್‌ಸೈಟ್ ಟ್ವಿಟರ್‌ನಲ್ಲಿ ಅಭಿಮಾನಿಗಳ ಪ್ರಶ್ನೆಗೆ ಉತ್ತರ ನೀಡಿದ್ದಾರೆ. ಲಂಡನ್‌ನಲ್ಲಿ ಮೆರಿಲಿಬೋನ್ ಕ್ರಿಕೆಟ್ ಕ್ಲಬ್ ಹಾಗೂ ರೆಸ್ಟ್ ಆಫ್ ವರ್ಲ್ಡ್ ಇಲೆವೆನ್ ನಡುವಣ ಪಂದ್ಯದ ವೇಳೆಯಲ್ಲಿ ಆ್ಯರೋನ್ ಫಿಂಚ್‌ಗೆ ಜೊತೆಗೆ ಇನ್ನಿಂಗ್ಸ್ ಆರಂಭಿಸುವ ಅದೃಷ್ಟ ದೊರಕಿತ್ತು. 'ತಮ್ಮ ಪಾಲಿಗಿದು ಕನಸಾಗಿದ್ದು, ಶ್ರೇಷ್ಠ ಕ್ರಿಕೆಟ್ ನೆನಪುಗಳಲ್ಲಿ ಒಂದಾಗಿದೆ' ಎಂದು ಆ್ಯರೋನ್ ಫಿಂಚ್ ನೆನಪಿಸಿದ್ದಾರೆ. ಸಚಿನ್ ಜೊತೆಗೆ ವೆಸ್ಟ್‌ಇಂಡೀಸ್ ಮಾಜಿ ದಿಗ್ಗಜ ಬ್ರಿಯಾನ್ ಲಾರಾ ಜೊತೆಗೆ ಬ್ಯಾಟಿಂಗ್ ಹಂಚಿರುವ ಫಿಂಚ್ 181 ರನ್‌ಗಳ ಬೃಹತ್ ಇನ್ನಿಂಗ್ಸ್ ಕಟ್ಟಿದರು. ಈ ಮಧ್ಯೆ ಭಾರತೀಯ ವೇಗದ ಬೌಲರ್ ಅನೇಕ ಬಾರಿ ಕಾಡುತ್ತಲೇ ಬಂದಿದ್ದಾರೆ. ಅಲ್ಲದೆ ಬಹುಬೇಗನೇ ಔಟ್ ಮಾಡುವಲ್ಲಿ ಸಫಲವಾಗಿದ್ದಾರೆ. ಈ ಬಗ್ಗೆ ಅನೇಕ ಬಾರಿ ತುಟಿ ಬಿಚ್ಚಿರುವ ಫಿಂಚ್, ನಿದ್ರೆಯಿಲ್ಲದ ರಾತ್ರಿಯನ್ನು ಕಳೆದಿರುವುದಾಗಿ ತಿಳಿಸಿದ್ದರು. ರಾತ್ರಿಯೆಲ್ಲ ಭುವಿ ಬಂದು ಕಾಡುತ್ತಿದ್ದರು ಎಂದು ಭಯಾನಕ ನೆನಪುಗಳನ್ನು ಬಿಚ್ಚಿಟ್ಟಿದ್ದರು. ಕಳೆದ ವರ್ಷ ಆಸ್ಟ್ರೇಲಿಯಾ ಪ್ರವಾಸದ ವೇಳೆಯಲ್ಲಿ ಅಂತಿಮ ಏಕದಿನ ವೇಳೆಯಲ್ಲಿ ಭುವಿ, ಕ್ರೀಸಿಗಿಂತಲೂ ಬಹಳ ಹಿಂದಿನಿಂದ ದಾಳಿ ನಡೆಸಿದ್ದರು. ಆದರೆ ಏನು ಮಾಡಬೇಕೆಂದು ತಿಳಿಯದ ಫಿಂಚ್, ಕ್ರೀಸ್ ಬಿಟ್ಟು ತೆರಳಿದ್ದರು. ಪರಿಣಾಮ ಅಂಪೈರ್ ಡೆಡ್ ಬಾಲ್ ಘೋಷಿಸಿದರು. ಆದರೆ ಬಳಿಕದ ಎಸೆತದಲ್ಲಿ ಇನ್ ಸ್ವಿಂಗ್ ದಾಳಿಯಲ್ಲಿ ಎಲ್‌ಬಿಡಬ್ಲ್ಯುಗೆ ಬಲಿಯಾಗಿದ್ದರು. ಈ ಮೂಲಕ ವೈಫಲ್ಯ ಅನುಭವಿಸಿದರು. ಈ ಬಗ್ಗೆ ಕೇಳಿದಾಗ 'ಏನು ಮಾಡಬೇಕೆಂದು ಗೊತ್ತಿರಲಿಲ್ಲ. ನಾನು ಹಿಂದಕ್ಕೆ ಸರಿಯಬಾರದಿತ್ತು. ಓವರ್‌ನ ಅಂತಿಮ ಎಸೆತವಾಗಿತ್ತು' ಎಂದು ಕೊರಗಿದ್ದಾರೆ. ಬಹುಶ: ಭುವಿ ಕ್ರೀಸ್ ಹಿಂದಿನಿಂದ ದಾಳಿ ಮಾಡಿದಾಗ ಆ ಎಸೆತವನ್ನು ಎದುರಿಸಿದ್ದರೆ ಫಿಂಚ್, ಬಳಿಕದ ಎಸೆತದಲ್ಲಿ ಔಟಾಗುತ್ತಿರಲಿಲ್ಲ. ಏಕೆಂದರೆ ಓವರ್‌ನ ಅಂತಿಮ ಎಸೆತವಾಗಿದ್ದರಿಂದ ಅಲ್ಲಿಗೆ ಓವರ್ ಕೊನೆಗೊಳ್ಳುತ್ತಿತ್ತು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2UGJZRX
