ಹೊಸದಿಲ್ಲಿ: ಅಂತಾರಾಷ್ಟ್ರೀಯ ಯಾತ್ರಿಕರ ಮೇಲೆ ಕಟ್ಟುನಿಟ್ಟಿನ ನಿಗಾ ಇರಿಸುವ ಮೂಲಕ ನಿಯಂತ್ರಣ ವ್ಯವಸ್ಥೆಯನ್ನು ಮತ್ತಷ್ಟು ಬಲಗೊಳಿಸಿ. ಲಾಕ್‌ಡೌನ್‌ಗೂ ಮುನ್ನ ದೇಶ ಪ್ರವೇಶಿದವರು ಎಲ್ಲೇ ಇದ್ದರೂ ಪತ್ತೆ ಮಾಡಿ ಸೂಕ್ತ ಪರೀಕ್ಷೆಗೆ ಒಳಪಡಿಸಿ ಎಂದು ರಾಜ್ಯ ಸರಕಾರಗಳಿಗೆ ಕೇಂದ್ರ ಸಂಪುಟ ಕಾರ್ಯದರ್ಶಿ ರಾಜೀವ್‌ ಗೌಬ ಸೂಚನೆ ನೀಡಿದ್ದಾರೆ. ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳ ಮುಖ್ಯ ಕಾರ್ಯದರ್ಶಿಗಳಿಗೆ ಪತ್ರ ಬರೆದಿರುವ ಗೌಬ ಅವರು, ಕೊವಿಡ್‌-19 ಸೋಂಕಿತರು ಮತ್ತು ವಿದೇಶದಿಂದ ಭಾರತಕ್ಕೆ ಆಗಮಿಸಿರುವವರ ಪಟ್ಟಿಯ ತುಲನೆಯಲ್ಲಿ ವ್ಯತ್ಯಾಸಗಳು ಕಂಡುಬರುತ್ತಿವೆ. ಹಾಗಾಗಿ ಹಲವು ಮಂದಿ ದೇಶ ಪ್ರವೇಶಿಸಿರುವವರ ಲೆಕ್ಕ ಸಿಗುತ್ತಿಲ್ಲ. ಅಂಥವರನ್ನು ಪತ್ತೆ ಮಾಡಿ ನಿಗಾದಲ್ಲಿ ಇರಿಸುವುದು ಸದ್ಯ ನಮ್ಮ ಆದ್ಯತೆಯಾಗಬೇಕಿದೆ. 2020ರ ಜ. 18ರಿಂದ ಅಂತಾಧಿರಾಷ್ಟ್ರೀಯ ವಿಮಾನ ನಿಲ್ದಾಣಗಳಲ್ಲಿ ಸ್ಕ್ರೀನಿಂಗ್‌ ಆರಂಭಿಸಲಾಯಿತು. ಮಾ.23ರವರೆಗೆ 15 ಲಕ್ಷಕ್ಕೂ ಅಧಿಕ ಮಂದಿ ದೇಶ ಪ್ರವೇಶಿಸಿದ್ದಾರೆ ಎಂದು ಪತ್ರದಲ್ಲಿ ತಿಳಿಸಿದ್ದಾರೆ. ಜಮ್ಮು-ಕಾಶ್ಮೀರದಲ್ಲಿ 1200 ಮಂದಿ ಪತ್ತೆ: ವಿದೇಶಗಳಿಂದ ಮರಳಿ ಅಡಗಿದ್ದವರು ಮತ್ತು ತಮ್ಮ ಪ್ರಯಾಣದ ವಿವರವನ್ನು ಮರೆಮಾಚಿದ್ದ ಸುಮಾರು 1200 ಮಂದಿಯನ್ನು ಪತ್ತೆ ಮಾಡಿ ನಿಗಾ ಕೇಂದ್ರಕ್ಕೆ ಕಳುಹಿಸಲಾಗಿದೆ ಎಂದು ಜಮ್ಮು ಮತ್ತು ಕಾಶ್ಮೀರ ಡಿಜಿಪಿ ದಿಲ್‌ಬಾಗ್‌ ಸಿಂಗ್‌ ಹೇಳಿದ್ದಾರೆ. ಪ್ರಯಾಣದ ವಿವರ ಮರೆಮಾಚಿ ಮನೆಗಳಲ್ಲಿ ಅಡಗಿದ್ದವರ ಬಗ್ಗೆ ಸಾರ್ವಜನಿಕರಿಂದಲೇ ಮಾಹಿತಿ ಸಿಕ್ಕಿದೆ. ಇಲಾಖೆಗೆ ಸುಮಾರು 400 ದೂರವಾಣಿ ಕರೆಗಳು ಬಂದಿವೆ ಎಂದು ಅವರು ತಿಳಿಸಿದ್ದಾರೆ. ಉಳಿದಂತೆ ಕಠುವಾದಲ್ಲಿ ಪೊಲೀಸ್‌ ತರಬೇತಿ ಮುಗಿಸಿದ 300 ಸಿಬ್ಬಂದಿಯನ್ನು ಕೂಡ ನಿಗಾ ಕೇಂದ್ರಕ್ಕೆ ಕಳುಹಿಸಲಾಗಿದೆ. ಕಾರ್ಮಿಕರ ಸಾಮೂಹಿಕ ವಲಸೆ ತಡೆಗಟ್ಟಿ ಕೊರೊನಾ ಹರಡುವಿಕೆ ನಿಯಂತ್ರಣ ಕ್ರಮವಾಗಿ ಜನಸಂದಣಿ ತಡೆಯುವುದು ಮುಖ್ಯವಾಗಿದೆ. ಆ ನಿಟ್ಟಿನಲ್ಲಿ ರಾಜ್ಯಗಳಲ್ಲಿ ಈಗಾಗಲೇ ವರದಿಯಾಗಿರುವ ಕಾರ್ಮಿಕರ ಸಾಮೂಹಿಕ ವಲಸೆ ತಡೆಗಟ್ಟಿ, ಕೃಷಿಕರು, ಕೈಗಾರಿಕಾ ಸಿಬ್ಬಂದಿ ಮತ್ತು ಅಸಂಘಟಿತ ವಲಯದ ಕಾರ್ಮಿಕರು ಜೀವನ ಅರಸಿ ಭಾರಿ ಪ್ರಮಾಣದಲ್ಲಿ ವಲಸೆ ಹೋಗುತ್ತಿದ್ದಾರೆ. ಸ್ಥಳೀಯವಾಗಿ ಕೊರೊನಾ ಹರಡುವಿಕೆಗೆ ಇದು ದಾರಿ ಮಾಡಿಕೊಡಬಹುದು ಎಂದು ಗೃಹ ಸಚಿವಾಲಯ ಎಚ್ಚರಿಸಿದೆ. ರಾಷ್ಟ್ರಾದ್ಯಂತ ಕೊರೊನಾ ಅಂಕಿಅಂಶ ಕೊರೊನಾ ಪೀಡಿತರು: 885 ಸಾವು: 20 ಗುಣಮುಖರಾದವರು: 67 ರಾಜ್ಯಾದ್ಯಾಂತ ಕೊರೊನಾ ಅಂಕಿಅಂಶ ಕೊರೊನಾ ಪೀಡಿತರು: 64 ಸಾವು: 3
from India & World News in Kannada | VK Polls https://ift.tt/33RIrIY
