ಮುಂಬೈ: ನಮ್ಮ ದೇಶದಲ್ಲಿ ಕಾನೂನು ಅಂದ್ರೆ ಕಾಲ ಕಸ..! ಅಬ್ಬರಿಸುತ್ತಿರುವ ಇಂದಿನ ದಿನಗಳಲ್ಲೂ ಅದ್ದೂರಿ ಮದ್ವೆಗಳಿಗೆ ಬ್ರೇಕ್‌ ಬಿದ್ದಿಲ್ಲ. ಎಲ್ಲಕ್ಕಿಂತಾ ಹೆಚ್ಚಾಗಿ ಮೇಯರ್ ಮೇಡಂ ಅವರೇ ಈ ಅದ್ದೂರಿಗೆ ಮದುವೆಗೆ ಹೋಗಿ, ವಧು ವರರಿಗೆ ಶುಭ ಹಾರೈಕೆ ಮಾಡಿ, ಉಂಡು ಬಂದಿದ್ದಾರೆ..! ಇದೆಲ್ಲಾ ಆಗಿ ನಾಲ್ಕು ದಿನ ಕಳೆದ ಬಳಿಕ, ಆ ಮದುವೆಯಲ್ಲಿ ಕೊರೊನಾ ವ್ಯಕ್ತಿ ಇದ್ದ ಅನ್ನೋದು ತಿಳಿದುಬಂದಿದೆ..! ಸಾವಿರಾರು ಜನರ ನಡುವೆ ಕೊರೊನಾ ಸೋಂಕಿತ..! ಆತ 25 ವರ್ಷಗಳ ಯುವಕ. ದೊಂಬಿವಿಲಿ ನಿವಾಸಿ. ಆತನಿಗೆ ಇದೀಗ ಕೊರೊನಾ ವೈರಸ್ ಸೋಂಕು ದೃಢವಾಗಿದೆ. ಆತನ ಟ್ರಾವೆಲ್ ಹಿಸ್ಟರಿ ಪರಿಶೀಲಿಸಿದ ಅಧಿಕಾರಿಗಳಿಗೆ ಶಾಕ್ ಕಾದಿತ್ತು. ಏಕೆಂದರೆ, ಆತ ಮಾರ್ಚ್ 19ರಂದು ಕಾರ್ಯಕ್ರಮವೊಂದರಲ್ಲಿ ಭಾಗಿಯಾಗಿದ್ದ..! ಆ ಕಾರ್ಯಕ್ರಮದಲ್ಲಿ ಒಂದು ಸಾವಿರಕ್ಕೂ ಹೆಚ್ಚು ಮಂದಿ ಭಾಗಿಯಾಗಿದ್ದರು..! ಬಹುರಾಷ್ಟ್ರೀಯ ಕಂಪನಿಯೊಂದರಲ್ಲಿ ಕಾರ್ಯ ನಿರ್ವಹಿಸುತ್ತಿದ್ದ 25ರ ಯುವಕ, ತನ್ನ 21 ಸ್ನೇಹಿತರ ಜೊತೆಗೆ ಟರ್ಕಿ ಪ್ರವಾಸಕ್ಕೆ ತೆರಳಿದ್ದ. ಮಾರ್ಚ್ 15ರಂದು ಮುಂಬೈಗೆ ಮರಳಿದ್ದ. ಇದಾದ 4 ದಿನಗಳ ಬಳಿಕ ದೊಂಬಿವಿಲಿಯಲ್ಲಿ ಸಹೋದರನ ಮದುವೆಯಲ್ಲಿ ಭಾಗಿಯಾಗಿದ್ದ. ಇದೀಗ ಆತನಿಗೆ ಕೊರೊನಾ ಸೋಂಕು ತಗುಲಿರೋದು ದೃಢಪಟ್ಟಿದೆ. ಆತನ ಕುಟುಂಬಸ್ಥರಿಗೂ ಪರೀಕ್ಷೆ ನಡೆಯುತ್ತಿದೆ. ಈ ಮಧ್ಯೆ ಸಾವಿರ ಮಂದಿ ಭಾಗಿಯಾಗಿದ್ದ ವಿವಾಹ ಕಾರ್ಯಕ್ರಮದಲ್ಲಿ ಆತ ಭಾಗಿಯಾಗಿದ್ದ ಸಂಗತಿ, ಅಧಿಕಾರಿಗಳ ತಲೆನೋವಿಗೆ ಕಾರಣವಾಗಿದೆ. ವಿದೇಶದಿಂದ ಬಂದಿದ್ದ 25ರ ಯುವಕ ಕ್ವಾರಂಟೈನ್ ಉಲ್ಲಂಘಿಸಿದ್ದೇ ಎಲ್ಲ ಅನಾಹುತಕ್ಕೂ ಕಾರಣವಾಗಿದೆ. ಮದ್ವೆ ಕಾರ್ಯಕ್ರಮದಲ್ಲಿ ಭಾಗಿದ್ದ ಮೇಯರ್‌ರಿಂದಲೂ ಕ್ವಾರೆಂಟೈನ್ ಉಲ್ಲಂಘನೆ..! ಇನ್ನು ಈ ಮದ್ವೆ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದ ಮೇಯರ್, ಆಕೆಯ ಪತಿ ಹಾಗೂ ಓರ್ವ ಕಾರ್ಪೊರೇಟರ್‌ ಕೂಡಾ ಕ್ವಾರಂಟೈನ್ ನಿಯಮ ಉಲ್ಲಂಘಿಸಿದ್ದರು. ವಿದೇಶದಿಂದ ವಾಪಸ್ಸಾಗಿದ್ದ ಈ ಮೂವರು 14 ದಿನಗಳ ಕಡ್ಡಾಯ ಗೃಹ ಬಂಧನದಲ್ಲಿ ಇರೋದು ಬಿಟ್ಟು ಸಾವಿರಾರು ಮಂದಿ ಆಗಮಿಸಿದ್ದ ಮದುವೆ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದರು. ಇದೀಗ ಈ ಮದುವೆ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದ ಎಲ್ಲರಿಗೂ ಕೊರೊನಾ ಭೀತಿ ಶುರುವಾಗಿದೆ. ಎಲ್ಲಕ್ಕಿಂತಾ ಹೆಚ್ಚಾಗಿ 25 ವರ್ಷದ ಕೊರೊನಾ ಪಾಸಿಟಿವ್ ಯುವಕನ ರೀತಿಯಲ್ಲೇ ನಿಯಮ ಉಲ್ಲಂಘಿಸಿ ಮದುವೆಯಲ್ಲಿ ಭಾಗಿಯಾಗಿದ್ದ ಮೇಯರ್ ಬಗ್ಗೆಯೂ ಆಕ್ರೋಶ ವ್ಯಕ್ತವಾಗಿದೆ.
from India & World News in Kannada | VK Polls https://ift.tt/2JlFFCp
