ಬೆಂಗಳೂರು: ಜಮೈಕಾ ಸ್ಟ್ರೈಕರ್‌ ದೇಶಾನ್‌ ಬ್ರೌನ್‌ (31ನೇ ನಿಮಿಷ) ದಾಖಲಿಸಿದ ಏಕೈಕ ಗೋಲಿನ ನೆರವಿನಿಂದ ತಂಡ ಇಂಡಿಯನ್‌ ಸೂಪರ್‌ ಲೀಗ್‌ನ ಸೆಮಿಫೈನಲ್‌ 2ರ ಮೊದಲ ಚರಣದಲ್ಲಿಎಟಿಕೆ ವಿರುದ್ಧ ಗೆಲುವು ಸಾಧಿಸಿ ಮುನ್ನಡೆ ಕಂಡುಕೊಂಡಿದೆ. ಇಲ್ಲಿನ ಶ್ರೀಕಂಠೀರವ ಕ್ರೀಡಾಂಗಣದಲ್ಲಿಭಾನುವಾರ ನಡೆದ ಜಿದ್ದಾಜಿದ್ದಿನ ಪಂದ್ಯದಲ್ಲಿಮಿಂಚಿದ ಆತಿಥೇಯ ಬೆಂಗಳೂರು ಎಫ್‌ಸಿ 1-0 ಗೋಲಿನಿಂದ ಕೋಲ್ಕೊತಾ ಮೂಲದ ಎಟಿಕೆಗೆ ಸೋಲುಣಿಸಿತು. ಇದರೊಂದಿಗೆ ಇದೇ 8ರಂದು ಕೋಲ್ಕೊತಾದಲ್ಲಿನಡೆಯಲಿರುವ ಇತ್ತಂಡಗಳ ಸೆಮಿಫೈನಲ್‌ನ ದ್ವಿತೀಯ ಚರಣದ ಪಂದ್ಯಕ್ಕೆ ಆತ್ಮವಿಶ್ವಾಸ ವೃದ್ಧಿಸಿಕೊಂಡಿದೆ. 84ನೇ ನಿಮಿಷದಲ್ಲಿಚೆಂಡಿನ ಮೇಲಿನ ನಿಯಂತ್ರಣಕ್ಕೆ ಯತ್ನಿಸಿದ ಬಿಎಫ್‌ಸಿ ಆಟಗಾರ ನಿಶು ಕುಮಾರ್‌ ಎಟಿಕೆ ತಂಡದ ಆಟಗಾರರನ್ನು ಕೆಳಗೆ ಬೀಳಿಸಿದ ಪರಿಣಾಮ ರೆಫರಿಯಿಂದ ನೇರ ರೆಡ್‌ಕಾರ್ಡ್‌ಗೆ ಗುರಿಯಾದರು. ಹೀಗಾಗಿ ಹತ್ತು ಮಂದಿಗೆ ಕುಸಿದ ಬ್ಲೂಸ್‌ ಎದುರಾಳಿ ತಂಡವನ್ನು ಎದುರಿಸಬೇಕಾದ ಸಂಕಷ್ಟ ಒಳಗಾಯಿತು. ಆದಾಗ್ಯೂ ತನ್ನ ಪ್ರಬಲ ರಕ್ಷಣಾ ಆಟದಿಂದ ಮಿಂಚಿದ ಬೆಂಗಳೂರು ಎಫ್‌ಸಿ ತವರಿನ ಅಭಿಮಾನಿಗಳ ಗೆಲುವಿನ ಉಡುಗೊರೆ ನೀಡಿದರು. ಇದಕ್ಕೂ ಮುನ್ನ ನಿರೀಕ್ಷೆಯಂತೆಯೇ ತವರಿನಂಗಳ ಮತ್ತು ತವರು ಅಭಿಮಾನಿಗಳ ಅಭೂತಪೂರ್ವ ಬೆಂಬಲ ಪಡೆದ ಕಳೆದ ಬಾರಿಯ ಚಾಂಪಿಯನ್‌ ಬಿಎಫ್‌ಸಿ ಪಂದ್ಯದ ಪ್ರಥಮಾರ್ಧಕ್ಕೆ 1-0 ಅಂತರದಲ್ಲಿಪ್ರಾಬಲ್ಯ ಮೆರೆಯಿತು. ಪಂದ್ಯದ 7ನೇ ನಿಮಿಷದಲ್ಲೇ ಬಿಎಫ್‌ಸಿ ಪರ ರಾಹುಲ್‌ ಭೆಕೆ ಗೋಲ್‌ ಗಳಿಸುವ ಯತ್ನ ಮಾಡಿದರು. ಆದರೆ ಫಲ ದೊರೆಯಲಿಲ್ಲ. ಇದಲ್ಲದೆ 24ನೇ ನಿಮಿಷದಲ್ಲಿ ಬಿಎಫ್‌ಸಿ ಗೋಲಿನ ಯತ್ನ ಕೈಗೂಡಲಿಲ್ಲ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2I6n1xI
