ಹೊಸದಿಲ್ಲಿ: ಇಡೀ ವಿಶ್ವವನ್ನೇ ರೆಡ್ ಅಲರ್ಟ್ ಸ್ಥಿತಿಗೆ ತಂದಿಟ್ಟಿರುವ ಕೊರೊನಾ ಜುಲೈನಲ್ಲಿನಿಗದಿಯಾಗಿರುವ ಟೋಕಿಯೊ ಒಲಿಂಪಿಕ್ಸ್ಗೂ ಬೆದರಿಕೆಯೊಡ್ಡಿದೆ. ಅರ್ಹತಾ ಸುತ್ತಿನ ಟೂರ್ನಿಗಳೆಲ್ಲವೂ ನಿಂತು ಹೋಗುವ ಜತೆಗೆ, ಅತಿ ವೇಗದಲ್ಲಿಹರಡುವ ಈ ವೈರಸ್ ನಡುವೆ ಕ್ರೀಡಾಕೂಟ ನಡೆಸುವುದು ಹೇಗೆ ಎಂಬುದೇ ಒಲಿಂಪಿಕ್ ಅಸೋಸಿಯೇಷನ್ನ ಚಿಂತೆಯಾಗಿದೆ. ಕಾಕತಾಳಿಯ ಎಂಬಂತೆ, 1940ರಲ್ಲೂಇದೇ ಜಪಾನ್ನ ಟೋಕಿಯೊ ನಗರ ಎರಡನೇ ಮಹಾಯುದ್ಧದ ಕಾರಣಕ್ಕೆ ಒಲಿಂಪಿಕ್ಸ್ ಆತಿಥ್ಯದ ಅವಕಾಶ ಕಳೆದುಕೊಂಡಿತ್ತು! 1932ರಲ್ಲಿನಡೆದ ಒಲಿಂಪಿಕ್ ಬಿಡ್ನಲ್ಲಿಬಾರ್ಸಿಲೋನಾ, ರೋಮ್, ಹೆಲ್ಸಿಂಕಿಯನ್ನು ಹಿಂದಿಕ್ಕಿದ ಟೋಕಿಯೊ, ಆತಿಥ್ಯ ಒಲಿಸಿಕೊಂಡಿತ್ತು. ಜುಲೈ 20ರಿಂದ ಕ್ರೀಡಾಕೂಟ ಆರಂಭಕ್ಕೆ ದಿನಾಂಕ ನಿಗದಿಯಾಗಿತ್ತು. ಆದರೆ, 1939ರಿಂದ ಆರಂಭವಾದ 2ನೇ ಮಹಾಯುದ್ಧ 1945ರವರೆಗೂ ನಡೆಯಿತು. ಅಮೆರಿಕವು ಜಪಾನ್ನ ಹಿರೋಶಿಮಾ ಹಾಗೂ ನಾಗಾಸಾಕಿ ಪಟ್ಟಣದ ಮೇಲೆ ಅಣು ಬಾಂಬ್ ಹಾಕುವುದರೊಂದಿಗೆ ಜಪಾನ್ ತತ್ತರಿಸಿ ಹೋಯಿತು. ಏತನ್ಮಧ್ಯೆ ಒಲಿಂಪಿಕ್ ಅವಕಾಶವನ್ನು ಫಿನ್ಲೆಂಡ್ನ ಹೆಲ್ಸೆಂಕಿ ನಗರ ಬಾಚಿಕೊಂಡಿತು. ಈ ದುರದೃಷ್ಟಕರ ಸಂದರ್ಭವನ್ನು ಕ್ರೀಡಾಕ್ಷೇತ್ರದಲ್ಲಿ'ಮಿಸ್ಸಿಂಗ್ ಗೇಮ್ಸ್' ಎಂದೇ ಬಣ್ಣಿಸಲಾಗುತ್ತಿದೆ. ಡೇವಿಡ್ ಗೋಲ್ಡ್ಬ್ಲಾಟ್ ಅವರ 'ದಿ ಗೇಮ್ಸ್ - ಎ ಗ್ಲೋಬಲ್ ಹಿಸ್ಟರ್ ಆಫ್ ಒಲಿಂಪಿಕ್ಸ್' ಪುಸ್ತಕದಲ್ಲಿಈ ಇತಿಹಾಸ ದಾಖಲಾಗಿದೆ. ಯುದ್ಧದ ಪರಿಣಾಮಗಳಿಂದ ಚೇತರಿಸಿಕೊಂಡು ಜಪಾನ್ 1964ರಲ್ಲಿಒಲಿಂಪಿಕ್ಸ್ ನಡೆಸಿತ್ತು. ಈ ವೇಳೆ ಕ್ರೀಡಾಗ್ರಾಮವೊಂದನ್ನು ಸೃಷ್ಟಿಸಿ ಯಶಸ್ವಿಯಾಗಿ ಕ್ರೀಡಾಕೂಟ ನಡೆಸಲಾಗಿದೆ. ಇದೇ ಪ್ರದೇಶವನ್ನು ಅತ್ಯಾಧುನಿಕ ವ್ಯವಸ್ಥೆಗಳೊಂದಿಗೆ ಸಜ್ಜುಗೊಳಿಸಿ ಒಲಿಂಪಿಕ್ಗಾಗಿ ಎದುರು ನೋಡುತ್ತಿದೆ ಐಒಸಿ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2IRWt3P
