ಹೊಸದಿಲ್ಲಿ: ಕೇಂದ್ರ ಸರಕಾರ ಜಮ್ಮು ಕಾಶ್ಮೀರಕ್ಕೆ ಇದ್ದ ವಿಶೇಷ ಸ್ಥಾನಮಾನವನ್ನು ಹಿಂಪಡೆದು, ಸಂವಿಧಾನದ ವಿಧಿ 370ನ್ನು ರದ್ದುಗೊಳಿಸಿದೆ. ಈ ಮೂಲಕ ಇನ್ನು ಮುಂದೆ ಜಮ್ಮು ಮತ್ತು ಕಾಶ್ಮೀರ ಹಾಗೂ ಲಡಾಖ್ ಎಂಬ 2 ಕೇಂದ್ರಾಡಳಿತ ಪ್ರದೇಶಗಳಾಗಿ ವಿಂಗಡಿಸಿ, ಇದರಲ್ಲಿ ಲಡಾಖ್ನ್ನು ವಿಧಾನಸಭೆ ರಹಿತ ಕೇಂದ್ರಾಡಳಿತ ಪ್ರದೇಶವನ್ನಾಗಿಸಿದೆ. ಈ ನಿರ್ಧಾರದ ಬಳಿಕ ಸಂವಿಧಾನ ವಿಧಿ 35A ಬಗ್ಗೆ ದೇಶಾದ್ಯಂತ ವ್ಯಾಪಕ ಚರ್ಚೆಗೆ ವೇದಿಕೆಯಾಗಿದೆ. ಜಮ್ಮು ಮತ್ತು ಕಾಶ್ಮೀರದ ಶಾಶ್ವತ ನಾಗರಿಕರಿಗೆ ಸಿಕ್ಕುವ ಹಕ್ಕಗಾಗಿದೆ. ಅಂದರೆ ಇತರೆ ರಾಜ್ಯದವರು, ಈ ರಾಜ್ಯದಲ್ಲಿ ಬಂದು ಭೂಮಿ ಖರೀದಿ ಅಥವಾ ನಾಗರಿಕರಾಗುವ ಅವಕಾಶವಿರುವುದಿಲ್ಲ. ಬಿಜೆಪಿ ನೇತೃತ್ವದ ಎನ್ಡಿಎ ಸರಕಾರ ಈ ವಿಧಗಳನ್ನು ರದ್ದುಗೊಳಿಸುವ ಇರಾದೆಯನ್ನೇ ತೋರಿತ್ತು. ಶಾಶ್ವತ ನಿವಾಸಿಗಳಿಗೆ ಮಾತ್ರವೇ ಮತದಾನ ಹಾಗೂ ಸರಕಾರಿ ನೌಕರಿಯ ಹಕ್ಕಿರಲಿದೆ. ಅಂತೆಯೇ ರಾಜ್ಯದ ಹೊರಗಿನವರನ್ನು ಮದುವೆಯಾದ ಮಹಿಳೆಗೆ ಈ ವಿಶೇಷ ಸೌಲಭ್ಯ ಸಿಕ್ಕುವಿದಿಲ್ಲ. ಇಂತಹ ವಿಚಾರಗಳಲ್ಲಿ ದೇಶಕ್ಕೆ ಒಂದು ಕಾನೂನು ಎಂಬಂತಿದ್ದರೆ, ಜಮ್ಮು ಮತ್ತು ಕಾಶ್ಮೀರಕ್ಕೆ ಪ್ರತ್ಯೇಕವಾಗಿತ್ತು . 1954ರಲ್ಲಿ ರಾಷ್ಟ್ರಪತಿ ರಾಜೇಂದ್ರ ಪ್ರಸಾದ್, ಅಂದಿನ ಪ್ರಧಾನಿ ಜವಾಹರಲಾಲ್ ನೆಹರು ನೇತೃತ್ವದ ಸರಕಾರದ ಶಿಫಾರಸ್ಸಿನ ಮೇರೆಗೆ ಜಾರಿಗೊಳಿಸಲಾಗಿತ್ತು. ಬಿಜೆಪಿ ಪ್ರಣಾಳಿಕೆಯ ಭಾಗ 2019ರ ಲೊಕಸಭೆ ಚುನಾವಣೆಯ ಸಂದರ್ಭದಲ್ಲಿನ ಸಂಕಲ್ಪ ಪತ್ರ ಪ್ರಣಾಳಿಕೆಯಲ್ಲಿ ಆರ್ಟಿಕಲ್ 35A ರದ್ದುಗೊಳಿಸುವ ಆಶ್ವಾಸನೆ ಬಿಜೆಪಿ ನೀಡಿತ್ತು. ರಾಜ್ಯದ ಬೆಳವಣಿಗೆಗೆ ಮಾರಕವಾಗಿರುವ ಆರ್ಟಿಕಲ್ 35Aಗೆ ಮುಕ್ತಿ ಹಾಡಲಾಗುವುದು ಎಂದು ಬಿಜೆಪಿ ಹೇಳಿತ್ತು. ಪ್ರತಿ ಪಕ್ಷಗಳು ಕೇಂದ್ರ ಸರಕಾರದ ಈ ನಿರ್ಧಾರ ಹಾಗೂ ಆಶ್ವಾಸನೆಗಳನ್ನು ತೀವ್ರವಾಗಿ ಖಂಡಿಸುತ್ತಲೇ ಇತ್ತು. ಹೈ ಕೋರ್ಟ್ ತೀರ್ಪು ಏನಿತ್ತು? ಆರ್ಟಿಕಲ್ 370ಗೆ ಸಂಬಂಧಿಸಿದಂತೆ 2015ರ ಅಕ್ಟೋಬರ್ನಲ್ಲಿ ಜಮ್ಮು ಮತ್ತು ಕಾಶ್ಮೀರ ಹೈಕೋರ್ಟ್ ಪರಿಚ್ಛೇದ 3ರ ಅಎಇಯಲ್ಲಿ ವಿಶೇಷ ಸ್ಥಾನಮಾನವನ್ನು ನಿರ್ಧರಿಸುವ ಹಕ್ಕು ಸಾಂವಿಧಾನಿಕ ಶಾಸಕ ಸಭೆಗಿದೆ ಎಂದು ಆದೇಶ ನೀಡಿತ್ತು. ಶಾಸನ ಸಭೆ ವಿಸರ್ಜನೆಯಾಗಿರುವುದರಿಂದ ವಿಧಿಗೆ ಸಂಬಂಧಿಸಿದಂತೆ ಯಾವುದೇ ನಿರ್ಣಯ ಕೈಗೊಂಡಿರಲಿಲ್ಲ. ಮಾಜಿ ಅಟರ್ನಿ ಜನರಲ್ ಸೋಲಿ ಸೊರಬ್ಜಿ ಈ ಸಂಬಂಧ ಪ್ರತಿಕ್ರಿಯೆ ನೀಡಿದ್ದು, ಇದೊಂದು ರಾಜಕೀಯ ನಿರ್ಧಾರವೇ ಹೊರತು ಮತ್ತೇನಿಲ್ಲ. ಕ್ರಾಂತಿಕಾರಕ ನಿರ್ಧಾರ ಎಂಬ ವಿಷಯ ಇಲ್ಲಿ ಇರುವುದಿಲ್ಲ ಎಂದು ಪ್ರತಿಕ್ರಿಯೆ ನೀಡಿದ್ದಾರೆ.
from India & World News in Kannada | VK Polls https://ift.tt/33cPIm0
