ಮಕ್ಕಳಿಗೆ ಸೂಜಿ ರಹಿತ ಕೊರೊನಾ ಲಸಿಕೆ..! 3 ಡೋಸ್‌ಗೆ 1,900 ರೂ. ದರ ನಿಗದಿ..?

ಹೊಸ ದಿಲ್ಲಿ: ವಿಶ್ವದ ಮೊದಲ ಡಿಎನ್‌ಎ ಆಧಾರಿತ ಲಸಿಕೆ ಎಂದೇ ಖ್ಯಾತಿಯಾದ ಝೈಡಸ್‌ ಕ್ಯಾಡಿಲಾ ಸಂಸ್ಥೆ ಅಭಿವೃದ್ಧಿಪಡಿಸಿರುವ ಝೈಕೋವ್‌-ಡಿ ಲಸಿಕೆಯು ಶೀಘ್ರದಲ್ಲೇ ಕೊರೊನಾ ನಿರೋಧಕ ಲಸಿಕೆ ಅಭಿಯಾನದ ಭಾಗವಾಗಲಿದೆ ಎಂದು ಕೇಂದ್ರ ಸರಕಾರ ತಿಳಿಸಿದೆ. ಸೂಜಿ ರಹಿತ (ನೀಡ್ಲ್‌ ಲೆಸ್‌) ಲಸಿಕೆಯಾಗಿರುವ ಇದು, ಮೂರು ಡೋಸ್‌ ಹೊಂದಿದ್ದು, 12-18 ವರ್ಷದವರಿಗೆ ನೀಡಲಾಗುತ್ತಿದೆ.

ಝೈಡಸ್‌ ಕ್ಯಾಡಿಲಾ ಸಂಸ್ಥೆ 3 ಡೋಸ್‌ಗೆ 1,900 ರೂ. ನಿಗದಿ ಮಾಡಿದೆಯಾದ್ರೂ ಆ ದರವನ್ನು ಮತ್ತಷ್ಟು ಇಳಿಸಲು ಸರ್ಕಾರ ಮಾತುಕತೆ ನಡೆಸ್ತಿದೆ. ಇದುವರೆಗೂ ಈ ಕುರಿತಾಗಿ ಅಂತಿಮ ನಿರ್ಧಾರ ಹೊರಬಿದ್ದಿಲ್ಲ.

ಹೊಸ ದಿಲ್ಲಿ:

ವಿಶ್ವದ ಮೊದಲ ಡಿಎನ್‌ಎ ಆಧಾರಿತ ಲಸಿಕೆ ಎಂದೇ ಖ್ಯಾತಿಯಾದ ಝೈಡಸ್‌ ಕ್ಯಾಡಿಲಾ ಸಂಸ್ಥೆ ಅಭಿವೃದ್ಧಿಪಡಿಸಿರುವ ಝೈಕೋವ್‌-ಡಿ ಲಸಿಕೆಯು ಶೀಘ್ರದಲ್ಲೇ ಕೊರೊನಾ ನಿರೋಧಕ ಲಸಿಕೆ ಅಭಿಯಾನದ ಭಾಗವಾಗಲಿದೆ ಎಂದು ಕೇಂದ್ರ ಸರಕಾರ ತಿಳಿಸಿದೆ. ಸೂಜಿ ರಹಿತ (ನೀಡ್ಲ್‌ ಲೆಸ್‌) ಲಸಿಕೆಯಾಗಿರುವ ಇದು, ಮೂರು ಡೋಸ್‌ ಹೊಂದಿದ್ದು, 12-18 ವರ್ಷದವರಿಗೆ ನೀಡಲಾಗುತ್ತಿದೆ.

​ಲಸಿಕೆ ನೀಡಿಕೆ ಹೇಗೆ..?

ಝೈಕೋವ್‌ - ಡಿ ಲಸಿಕೆಯು ಸೂಜಿ ರಹಿತವಾಗಿದ್ದು, ದೇಹದ ಕೋಶಗಳ ಮೂಲಕ ನೀಡಲಾಗುತ್ತದೆ. ಸಿರಿಂಜ್‌ ಆದರೆ ಅದಕ್ಕೆ ಸೂಜಿ ಅಳವಡಿಸಿ ಚುಚ್ಚಬೇಕು. ಆದರೆ, ಇದು ಹಾಗಲ್ಲ. ಜೆಟ್‌ ಇಂಜೆಕ್ಟರ್‌ ಮೂಲಕ ನೀಡಲಾಗುತ್ತದೆ. ಅಂದರೆ, ಜೆಟ್‌ ಇಂಜೆಕ್ಟರ್‌ ಅನ್ನು ದೇಹಕ್ಕೆ ತಗುಲಿಸಿದರೂ ಸಾಕು, ಅದು ಒಳಗೆ ಹೋಗುತ್ತದೆ. ಹಾಗಾಗಿ ಇದಕ್ಕೆ ಸೂಜಿ ಬೇಕಾಗುವುದಿಲ್ಲ.

ಲಸಿಕೆ ನೀಡೋದು ಹೇಗೆ..?

ಜೆಟ್‌ ಇಂಜೆಕ್ಟರ್‌ನಿಂದ ದೇಹದ ಒಳ ಸೇರುವ ಲಸಿಕೆಯು ದೇಹದಲ್ಲಿರುವ ಡಿಆಕ್ಸಿರೈಬೋ ನ್ಯೂಕ್ಲಿಯಿಕ್‌ ಆ್ಯಸಿಡ್‌ (ಡಿಎನ್‌ಎ) ಹಾಗೂ ರಿಬೊನ್ಯೂಕ್ಲಿಯಿಕ್‌ ಆ್ಯಸಿಡ್‌ (ಆರ್‌ಎನ್‌ಎ)ಗಳ ಮೂಲಕ ಕೊರೊನಾ ವಿರುದ್ಧ ಹೋರಾಡಲು ಪ್ರತಿಕಾಯಗಳನ್ನು ವೃದ್ಧಿಸುತ್ತದೆ. ವಿಶೇಷವಾಗಿ 12-18 ವರ್ಷದವರಿಗೆ ಲಸಿಕೆ ನೀಡುವುದರಿಂದ ದೇಹದಲ್ಲಿ ಏಕಾಏಕಿಯಾಗಿ ವೃದ್ಧಿಯಾಗುವ ರೋಗ ನಿರೋಧಕ ಶಕ್ತಿಯಿಂದ ಅವರಿಗೆ ತೊಂದರೆಯಾಗದಂತಹ ಸಾಮರ್ಥ್ಯವೂ ಲಸಿಕೆಗಿದೆ.

​ದೇಶೀಯ ಉತ್ಪಾದನೆ

ಇದು ದೇಶೀಯವಾಗಿ ಉತ್ಪಾದನೆಯಾದ ಲಸಿಕೆಯಾಗಿದೆ. ಗುಜರಾತ್‌ನ ಅಹಮದಾಬಾದ್‌ ಮೂಲದ ಝೈಡಸ್‌ ಕ್ಯಾಡಿಲಾ ಎಂಬ ಸಂಸ್ಥೆಯು ಕೇಂದ್ರ ಸರಕಾರದ ಜೈವಿಕ ತಂತ್ರಜ್ಞಾನ ಇಲಾಖೆ ಮತ್ತು ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿ (ಐಸಿಎಂಆರ್‌) ಸಹಯೋಗದಲ್ಲಿ ಅಭಿವೃದ್ಧಿಪಡಿಸಲಾಗಿದೆ. ಮುಂದಿನ ದಿನಗಳಲ್ಲಿ 3 - 12 ವರ್ಷದವರಿಗೂ ಕೊರೊನಾ ನಿರೋಧಕ ಲಸಿಕೆ ಅಭಿವೃದ್ಧಿಪಡಿಸುವ ದಿಸೆಯಲ್ಲಿ ಸಂಸ್ಥೆ ಯೋಜನೆ ರೂಪಿಸುತ್ತಿದೆ ಎಂಬುದು ಗಮನಾರ್ಹ.

ಲಸಿಕೆ ಬೆಲೆ ಎಷ್ಟು..?

ದೇಶದಲ್ಲಿ ನೀಡಲಾಗುತ್ತಿರುವ ಕೊವ್ಯಾಕ್ಸಿನ್‌, ಕೋವಿಶೀಲ್ಡ್‌ ಹಾಗೂ ಸ್ಪುಟ್ನಿಕ್‌ ಲಸಿಕೆಗಳು ಎರಡೇ ಡೋಸ್‌ ಹೊಂದಿವೆ. ಆದರೆ, ಝೈಕೋವ್‌-ಡಿ ಮೂರು ಡೋಸ್‌ಗಳನ್ನು ಹೊಂದಿರುವ ಲಸಿಕೆಯಾಗಿದ್ದು, ವಿಭಿನ್ನ ರೀತಿಯಲ್ಲಿ ದರ ನಿಗದಿಪಡಿಸಲಾಗುತ್ತದೆ ಎಂದು ಕೇಂದ್ರ ಸರಕಾರ ತಿಳಿಸಿದೆ. ಹಾಗಾಗಿ ಸದ್ಯಕ್ಕೆ ಲಸಿಕೆಗೆ ಇಷ್ಟೇ ಬೆಲೆ ಎಂದು ಅಂದಾಜಿಸಲು ಆಗುವುದಿಲ್ಲ. ಝೈಡಸ್‌ ಕ್ಯಾಡಿಲಾ ಸಂಸ್ಥೆ 3 ಡೋಸ್‌ಗೆ 1,900 ರೂ. ನಿಗದಿ ಮಾಡಿದೆಯಾದ್ರೂ ಆ ದರವನ್ನು ಮತ್ತಷ್ಟು ಇಳಿಸಲು ಸರ್ಕಾರ ಮಾತುಕತೆ ನಡೆಸ್ತಿದೆ. ಇದುವರೆಗೂ ಈ ಕುರಿತಾಗಿ ಅಂತಿಮ ನಿರ್ಧಾರ ಹೊರಬಿದ್ದಿಲ್ಲ.

from India & World News in Kannada | VK Polls https://ift.tt/3D7qbM7