ಬಾಲಚಂದ್ರ ರೂಗಿ ವಿಜಯಪುರ: ಕಳೆದ ಹದಿನೈದು ದಿನಗಳಿಂದ ಇಡೀ ರಾಜ್ಯವೇ ಸಿಂದಗಿ ಹಾಗೂ ಹಾನಗಲ್‌ ಕಡೆ ನೋಡುತ್ತಿತ್ತು. ಯಾವ ನಾಯಕರು ಏನು ಮಾತಾಡಿದರು, ಅದಕ್ಕೆ ಅವರ ವೈರಿಗಳು ಏನೆಂದರು? ಅವರು ಹಾಗಾನ್ನಬಾರದಿತ್ತು. ಇದಕ್ಕೆ ಅವರ ಉತ್ತರ ಸರಿಯಾಗಿಯೇ ಕೊಟ್ಟಿದ್ದಾರೆ ಎಂಬೆಲ್ಲ ಚರ್ಚೆಗಳು ರಾಜ್ಯದ ಮೂಲೆ ಮೂಲೆಯಲ್ಲೂ ನಡೆದವು. ಈಗ ನಾಯಕರ ಆರ್ಭಟಕ್ಕೆ ತೆರೆ ಬಿದ್ದಿದೆ. ಅಬ್ಬರಿಸಿ ಬೊಬ್ಬಿರಿದ ನಾಯಕರೆಲ್ಲ ಊರು ಬಿಟ್ಟಿದ್ದಾರೆ. ಇನ್ನೇನಿದ್ದರೂ 2 ದಿನದ ಆಟವಷ್ಟೇ ಬಾಕಿ ಉಳಿದಿದೆ. ಈ ಸಲದ ಉಪ ಚುನಾವಣೆಯ ಸಿಂದಗಿ ಹಾಗೂ ಹಾನಗಲ್‌ ಕ್ಷೇತ್ರದಲ್ಲಿ ಮಾತಿನ ಸಮರ ತೀರಾ ಅತೀರೇಕಕ್ಕೆ ಹೋಗಿದೆ. ಯಾವ ನಾಯಕರು ಕೂಡ ಲಂಗುಲಗಾಮು ಇಲ್ಲದೆ ತಾವು ಮಾತಾಡಿದ್ದೇ ಸರಿ ಎನ್ನುವಂತೆ ಅಬ್ಬರಿಸಿ ಬೀಗಿದ್ದಾರೆ. ಬುಧವಾರ ಸಂಜೆ 7ಕ್ಕೆ ಅಂತ್ಯಗೊಂಡಿದ್ದರಿಂದ ಆ ನಾಯಕರೆಲ್ಲ ಕ್ಷೇತ್ರ ಬಿಟ್ಟು ತೆರೆಳಿದ್ದಾರೆ. ಇನ್ನೇನಿದ್ದರೂ ಎರಡು ದಿನದ ಆಟ ಬಾಕಿ ಉಳಿದಿದೆ. ಅದ್ಯಾವ ರೀತಿ ಇರುತ್ತೆ ಎನ್ನುವುದರ ಮೇಲೆ ಚುನಾವಣೆ ಫಲಿತಾಂಶವೂ ನಿರ್ಧಾರವಾಗುತ್ತೆ ಎನ್ನುತ್ತಾರೆ ರಾಜ್ಯದ ಜನರು. ಉಪ ಚುನಾವಣೆಯಲ್ಲಿ ಅಭಿವೃದ್ಧಿ ವಿಷಯ ಚರ್ಚೆಗೆ ಬರಲಿಲ್ಲ. ಮಾತೆತ್ತಿದರೆ ಅವರನ್ನು ಇವರು ಬೈಯೋದು, ಇವರನ್ನು ಅವರು ತೆಗಳೋದು ಬಿಟ್ಟರೆ, ಯಾವುದೇ ನಾಯಕರು ಕೂಡ ಕ್ಷೇತ್ರದ ಜನರ ನಿಜವಾದ ಸಮಸ್ಯೆ ಏನು? ಅದಕ್ಕೆ ಪರಿಹಾರ ಹೇಗೆ? ಎಂಬುದರ ಯಾವ ವಿಷಯವನ್ನು ಪರಿಗಣಿಸಲಿಲ್ಲ. ಮತದಾರರ ಸಮಸ್ಯೆ ಕೇಳುವ ಬದಲು ಪರಸ್ಪರ ಕಾದಾಟ, ಕಚ್ಚಾಟಕ್ಕೆ ಆದ್ಯತೆ ನೀಡಿದರು. ಜಾತಿ ಲೆಕ್ಕಾಚಾರದ ಮೇಲೆಯೇ ಮತ ವಿಭಜನೆಗೆ ಮೂರು ಪಕ್ಷಗಳು ಮುಂದಾಗಿದ್ದು ಕಂಡು ಬಂತು. ಈ ಸಂದರ್ಭದಲ್ಲಿ ಜಾತಿ, ಧರ್ಮ, ಕಂಬಳಿ, ಕುರಿ ಕಾಯೋದು, ಏಕವಚನ ಬಳಕೆ, ಗೋಣಿ ಚೀಲದ ಮಾತುಗಳು ಎರಡು ಕ್ಷೇತ್ರದ ಜನರಿಗೆ ಮನರಂಜನೆಯಾಗಿ ಕಂಡವು. ಆದರೆ ಮತದಾರರ ನಿಜವಾದ ಸಮಸ್ಯೆಗಳ ಬಗ್ಗೆ ತಲೆ ಕೆಡಿಸಿಕೊಳ್ಳದ ನಾಯಕರು ಅಬ್ಬರಿಸಿ ಬೊಬ್ಬಿರಿದ್ದೇ ಬಂತು. ಅದರಿಂದ ಮತದಾರನಿಗೆ ಸ್ಪಷ್ಟ ಭರವಸೆ ಬದಲಾಗಿ ಮನರಂಜನೆ ಸಿಕ್ಕಿದೆ. ರಾಜಕಾರಣದಲ್ಲಿ ಇಷ್ಟೊಂದು ಕೀಳು ಮಟ್ಟಕ್ಕೆಲ್ಲ ಭಾಷೆ ಉಪಯೋಗಿಸುತ್ತಾರಾ? ಎನ್ನುತ್ತಾರೆ ಪ್ರಜ್ಞಾವಂತರು. ಕೋವಿಡ್‌ ನಿಯಮ ಗಾಳಿಗೆಸಿಂದಗಿ ಉಪ ಚುನಾವಣೆ ಮತ ಕ್ಷೇತ್ರವೊಂದರಲ್ಲಿಯೇ ಅಂದಾಜು 50ಕ್ಕೂ ಹೆಚ್ಚು ಸಭೆಗಳು ನಡೆದಿವೆ. ಇನ್ನೂ 100ಕ್ಕೂ ಹೆಚ್ಚು ರೋಡ್‌ ಶೋಗಳು ನಡೆದಿದೆ. ಮೂರು ಪಕ್ಷಗಳು ಕೊರೊನಾ ನಿಯಮ ಪಾಲನೆ ಮಾಡುತ್ತೇವೆ ಎಂದರೂ ನಾಯಕರು ಸೇರಿದಂತೆ ಯಾರೂ ನಿಯಮ ಪಾಲಿಸಿಲ್ಲ. ಸಭೆ, ರೋಡ್‌ ಶೋಗಳಲ್ಲಂತೂ ಯಾರೊಬ್ಬರಿಗೂ ಮಾಸ್ಕ್‌ ಇರಲಿಲ್ಲ. ಸಾಮಾಜಿಕ ಅಂತರವಂತೂ ದೂರವೇ ಹೋಗಿತ್ತು. 61 ಪ್ರಕರಣಸಿಂದಗಿ ಮತ ಕ್ಷೇತ್ರದಲ್ಲಿ ಚುನಾವಣೆಯ ನೀತಿ ಸಂಹಿತೆ ಉಲ್ಲಂಘನೆಗೆ ಸಂಬಂಧಿಸಿದಂತೆ ಒಟ್ಟು 21 ಪ್ರಕರಣ ದಾಖಲಾಗಿವೆ. ಇನ್ನೂ ಪೊಲೀಸ್‌ ಹಾಗೂ ಅಬಕಾರಿ ಇಲಾಖೆಯಿಂದ 50 ಪ್ರಕರಣಗಳು ದಾಖಲಾಗಿವೆ ಎಂದು ಇಂಡಿ ಡಿವೈಎಸ್‌ಪಿ ಶ್ರೀಧರ ದೊಡ್ಡಿ ತಿಳಿಸಿದರು.
from India & World News in Kannada | VK Polls https://ift.tt/3jMB26S
