ದುಬೈ: ಟೂರ್ನಿಯಲ್ಲಿ ಶುಕ್ರವಾರ ನಡೆದ ವಿರುದ್ಧದ ಪಂದ್ಯದಲ್ಲಿ ತಂಡ 5 ವಿಕೆಟ್‌ಗಳ ಸೋಲನುಭವಿಸಿದೆ. ಆದರೆ, ಇದೇ ಪಂದ್ಯದಲ್ಲಿ ಆಫ್ಘನ್‌ ಪಡೆಯ ಸ್ಟಾರ್‌ ಲೆಗ್‌ ಸ್ಪಿನ್ನರ್‌ ಅಂತಾರಾಷ್ಟ್ರೀಯ ಟಿ20 ಕ್ರಿಕೆಟ್‌ನಲ್ಲಿ ಅತಿ ವೇಗದ 100 ವಿಕೆಟ್‌ಗಳ ವಿಶೇಷ ದಾಖಲೆ ತಮ್ಮದಾಗಿಸಿಕೊಂಡಿದ್ದಾರೆ. ದುಬೈ ಅಂತಾರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ಶುಕ್ರವಾರ ನಡೆದ ಹೈ ವೋಲ್ಟೇಜ್ ಪಂದ್ಯದಲ್ಲಿ ಪಾಕಿಸ್ತಾನ ತಂಡ ಬಲಿಷ್ಠ ಬ್ಯಾಟ್ಸ್‌ಮನ್‌ಗಳಾದ ಮೊಹಮ್ಮದ್‌ ಹಫೀಝ್‌ (10) ಮತ್ತು ಬಾಬರ್‌ ಆಝಮ್‌ (51) ಅವರನ್ನು ಔಟ್ ಮಾಡಿದ ರಶೀದ್‌, ತಮ್ಮ 4 ಓವರ್‌ಗಳಲ್ಲಿ 26ಕ್ಕೆ 2 ವಿಕೆಟ್‌ ಪಡೆದ ಸಾಧನೆ ಮಾಡಿದರು. ಹಫೀಝ್‌ ವಿಕೆಟ್‌ ರಶೀದ್‌ ಅಂತಾರಾಷ್ಟ್ರೀಯ ಟಿ20 ಕ್ರಿಕೆಟ್‌ನಲ್ಲಿ ಪಡೆದ 100ನೇ ವಿಕೆಟ್‌ ಆಗಿದೆ. ಕೇವಲ 53 ಪಂದ್ಯಗಳಲ್ಲಿ ರಶೀದ್‌ 100 ವಿಕೆಟ್‌ ಪಡೆದ ಸಾಧನೆ ಮಾಡುವ ಮೂಲಕ ಶ್ರೀಲಂಕಾದ ದಿಗ್ಗಜ ಲಸಿತ್‌ ಮಾಲಿಂಗ ಅವರ ದಾಖಲೆಯನ್ನು ಮುರಿದಿದ್ದಾರೆ. ಸ್ಲಿಂಗಾ ಖ್ಯಾತಿಯ ಮಾಲಿಂಗ 76 ಪಂದ್ಯಗಳಲ್ಲಿ ವಿಕೆಟ್‌ಗಳ ಶತಕದ ದಾಖಲೆ ತಮ್ಮದಾಗಿಸಿಕೊಂಡಿದ್ದರು. ಇನ್ನು ಪಂದ್ಯದಲ್ಲಿ ಟಾಸ್‌ ಗೆದ್ದು ಬ್ಯಾಟಿಂಗ್‌ ಆಯ್ಕೆ ಮಾಡಿಕೊಂಡ ಅಫಘಾನಿಸ್ತಾನ ತಂಡ ಆರಂಭಿಕ ಕುಸಿತದ ಹೊರತಾಗಿಯೂ ನಾಯಕ ಮೊಹಮ್ಮದ್‌ ನಬಿ (35*) ಮತ್ತು ಗುಲ್ಬದಿನ್‌ ನೈಬ್ (35*) ಅವರ ಹೋರಾಟಯುತ ಬ್ಯಾಟಿಂಗ್‌ ಫಲವಾಗಿ 20 ಓವರ್‌ಗಳಲ್ಲಿ 147/6 ರನ್‌ಗಳ ಸವಾಲಿನ ಮೊತ್ತ ಪೇರಿಸುವಲ್ಲಿ ಯಶಸ್ವಿಯಾಯಿತು. ಬಳಿಕ ಗುರಿ ಬೆನ್ನತ್ತಿದ ಪಾಕಿಸ್ತಾನ ಆರಂಭದಲ್ಲೇ ಇನ್‌ಫಾರ್ಮ್‌ ಬ್ಯಾಟ್ಸ್‌ಮನ್‌ ಮೊಹಮ್ಮದ್‌ ರಿಝ್ವಾನ್‌ (8) ವಿಕೆಟ್‌ ಕಳೆದುಕೊಂಡರೂ, ನಾಯಕ ಬಾಬರ್‌ ಆಝಮ್‌ (51) ಮತ್ತು ಫಖರ್‌ ಝಮಾನ್‌ (30) ನಡುವಣ ಜೊತೆಯಾಟದ ಬಲದಿಂದ ಚೇತರಿಸಿತು. ಇನಿಂಗ್ಸ್‌ನ 19ನೇ ಓವರ್‌ನಲ್ಲಿ ಗರ್ಜಿಸಿದ ಸ್ಫೋಟಕ ಬ್ಯಾಟ್ಸ್‌ಮನ್‌ , ನಾಲ್ಕು ಸಿಕ್ಸರ್‌ ಸಿಡಿಸಿ ತಂಡಕ್ಕೆ ಭರ್ಜರಿ ಜಯ ತಂದುಕೊಟ್ಟರು. 7 ಎಸೆತಗಳಲ್ಲಿ ಅಜೇಯ 25 ರನ್‌ ಚೆಚ್ಚಿದ ಅಲಿ ಪಾಕ್‌ಗೆ ಸುಲಭದ ಜಯ ತಂದುಕೊಟ್ಟರು. ಈ ಜಯದೊಂದಿಗೆ ಪಾಕಿಸ್ತಾನ ತಂಡ ಸೂಪರ್‌ 12 ಹಂತದ ಎರಡನೇ ಗುಂಪಿನಲ್ಲಿ ಹ್ಯಾಟ್ರಿಕ್‌ ಜಯ ದಾಖಲಿಸಿದೆ. ಇದಕ್ಕೂ ಮುನ್ನ ಬಲಿಷ್ಠ ತಂಡಗಳಾದ ಟೀಮ್ ಇಂಡಿಯಾ ಮತ್ತು ನ್ಯೂಜಿಲೆಂಡ್‌ ಎದುರು ಕ್ರಮವಾಗಿ 10 ಮತ್ತು 5 ವಿಕೆಟ್‌ಗಳ ಅಧಿಕಾರಯುತ ಜಯ ದಕ್ಕಿಸಿಕೊಂಡಿತ್ತು. ಈಗ ಅಫಘಾನಿಸ್ತಾನ ವಿರುದ್ಧದ ಜಯದೊಂದಿಗೆ ಪಾಕ್‌ ತಂಡಕ್ಕೆ ಸೆಮಿಫೈನಲ್‌ ಸ್ಥಾನ ಬಹುತೇಕ ಖಾತ್ರಿಯಾಗಿದೆ. ರೌಂಡ್‌ ರಾಬಿನ್‌ ಹಂತದಲ್ಲಿ ಸ್ಕಾಟ್ಲೆಂಡ್‌ ಮತ್ತು ನಮೀಬಿಯಾ ವಿರುದ್ಧ ಪಾಕ್‌ ಪೈಪೋಟಿ ನಡೆಸುವುದು ಬಾಕಿಯಿದೆ ಅಷ್ಟೆ. ಪಾಕಿಸ್ತಾನ-ಅಫಘಾನಿಸ್ತಾನ ಪಂದ್ಯದ ಅಫಘಾನಿಸ್ತಾನ: 20 ಓವರ್‌ಗಳಲ್ಲಿ 6 ವಿಕೆಟ್‌ಗೆ 147 ರನ್‌ (ನಜೀಬುಲ್ಲ 22, ಮೊಹಮ್ಮದ್‌ ನಬಿ 35*, ಗುಲ್ಬದಿನ್‌ ನೈಬ್ 35*; ಇಮಾದ್‌ ವಾಸಿಮ್‌ 25ಕ್ಕೆ 2, ಶಾಹೀನ್‌ ಶಾ ಅಫ್ರಿದಿ 22ಕ್ಕೆ 1). ಪಾಕಿಸ್ತಾನ: 19 ಓವರ್‌ಗಳಲ್ಲಿ 5 ವಿಕೆಟ್‌ಗೆ 148 (ಬಾಬರ್‌ ಆಝಮ್‌ 51, ಫಖರ್‌ ಝಮಾನ್‌ 30, ಆಸಿಫ್‌ ಅಲಿ ಅಜೇಯ 25; ರಶೀದ್‌ ಖಾನ್‌ 26ಕ್ಕೆ 2, ಮುಜೀಬ್‌ ಉರ್‌ ರೆಹಮಾನ್‌ 14ಕ್ಕೆ 1). ಪಂದ್ಯಶ್ರೇಷ್ಠ: ಆಸಿಫ್‌ ಅಲಿ
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3Bm8NSE
