ಬೆಂಗಳೂರು: ಹಬ್ಬಕ್ಕೂ ಮುನ್ನವೇ ವಿಚಾರ ಸದ್ದು ಮಾಡುತ್ತಿದೆ. ಪ್ರತಿ ವರ್ಷ ಪಟಾಕಿಯಿಂದ ಆಗುತ್ತಿರುವ ಹಾನಿ ಹಿನ್ನೆಲೆಯಲ್ಲಿ ಈ ಬಾರಿಯ ದೀಪಾವಳಿಗೂ ಮುನ್ನ ಪಟಾಕಿ ವಿಚಾರವಾಗಿ ಪರ ಹಾಗೂ ವಿರುದ್ಧ ವಾದ ವಿವಾದಗಳು ಶುರುವಾಗಿದೆ. ಮಾಡಬಾರದು ಎಂದು ಒಂದು ವರ್ಗ ವಾದ ಮಾಡಿದರೆ ಪಟಾಕಿಯನ್ನು ನಿಯಂತ್ರಿಸಿ ಎಂದು ಪರಿಸರವಾದಿಗಳು ಹಾಗೂ ಸಾಮಾಜಿಕ ಕಾರ್ಯಕರ್ತರು ಹೇಳುತ್ತಿದ್ದಾರೆ. ಈ ನಡುವೆ ಪಟಾಕಿ ನಿಷೇಧ ಯಾವುದೇ ಸಮುದಾಯಕ್ಕೆ ವಿರುದ್ಧ ಅಲ್ಲ ಎಂದು ಸುಪ್ರೀಂ ಕೋರ್ಟ್ ಸ್ಪಷ್ಟಪಡಿಸಿದೆ. ಪಟಾಕಿ ನಿರ್ಬಂಧ ಅಸಾಧ್ಯ-ಆನಂದ್ ಸಿಂಗ್ ಪಟಾಕಿಯನ್ನು ನಿರ್ಬಂಧಿಸುವುದು ಅಸಾಧ್ಯ ಎಂದು ಸಚಿವ ಆನಂದ್ ಸಿಂಗ್ ಹೇಳಿದ್ದಾರೆ. ದೀಪಾವಳಿ ಹಬ್ಬಕ್ಕೆ ಪ್ರತ್ಯೇಕ ನಿಯಮಾವಳಿ ತರುವ ವಿಚಾರವಾಗಿ ಮಾತನಾಡಿರುವ ಸಚಿವ ಆನಂದ್ ಸಿಂಗ್, ಪಟಾಕಿಗಳನ್ನು ಸಿಡಿಸುವುದಕ್ಕೆ ನಿರ್ಬಂಧ ಮಾಡಲು ಅಸಾಧ್ಯ. ಬಹಳ ವರ್ಷಗಳಿಂದ ದೀಪಾವಳಿ ಹಬ್ಬ ಆಚರಿಸಿಕೊಂಡು ಬರಲಾಗುತ್ತಿದೆ. ಪಟಾಕಿ ಹೊಡೆಯುವುದೂ ಸಂಪ್ರದಾಯವಾಗಿ ಬೆಳೆದು ಬಂದಿದೆ ಈ ಸಂಪ್ರದಾಯ ಮುರಿಯಲು ಆಗುವುದಿಲ್ಲ. ದೀಪ ಹಚ್ಚಿ ಹಬ್ಬ ಮಾಡಿ ಅಂದ್ರೆ ಮಕ್ಕಳೇ ನಮ್ಮನ್ನು ಮನೆಯೊಳಗೆ ಬಿಡಲ್ಲ. ಆದಷ್ಟು ಕಡಿಮೆ ಪಟಾಕಿ ಹೊಡೆದು ಹಬ್ಬ ಮಾಡಿದರೆ ಉತ್ತಮ. ದೀಪಗಳನ್ನು ಹೆಚ್ಚು ಹಚ್ಚಿ ಹಬ್ಬ ಮಾಡೋಣ ಎಂದಿದ್ದಾರೆ. ಪಟಾಕಿ ನಿಷೇಧ ವಿಚಾರವಾಗಿ ಹಿಂದೂಪರ ಸಂಘಟನೆಗಳು ವಿರೋಧ ವ್ಯಕ್ತಪಡಿಸಿವೆ. ಈ ಬಗ್ಗೆ "ವಿಜಯ ಕರ್ನಾಟಕ ವೆಬ್" ಜೊತೆ ಮಾತನಾಡಿದ ವಿಶ್ವಹಿಂದೂ ಪರಿಷತ್ ವಿಭಾಗೀಯ ಸಂಚಾಲಯ ಶರಣ್ ಪಂಪ್‌ವೆಲ್, 'ಪಟಾಕಿ ನಿಷೇಧಿಸುವ ಕ್ರಮ ಸರಿಯಲ್ಲ. ನೀಡಿರುವ ತೀರ್ಪಿಗೆ ಗೌರವ ಕೊಡಬೇಕು. ಆದರೆ ಪಟಾಕಿ ಸಿಡಿಸುವುದರಿಂದ ಆಗುತ್ತದೆ ಎಂಬುವುದು ಎಷ್ಟರ ಮಟ್ಟಿಗೆ ಸರಿ? ಹಿಂದೂಗಳ ಕಾರ್ಯಕ್ರಮವನ್ನು ಮಾತ್ರ ಯಾಕೆ ಟಾರ್ಗೆಟ್ ಮಾಡಲಾಗುತ್ತಿದೆ ಎಂಬ ಬಗ್ಗೆ ಚರ್ಚೆ ಆಗಬೇಕು. ನೂರಾರು ವರ್ಷಗಳಿಂದ ದೀಪಾವಳಿ ಹಬ್ಬವನ್ನು ಆಚರಣೆ ಮಾಡಿಕೊಂಡು ಬರಲಾಗುತ್ತಿದೆ. ದೀಪಾವಳಿಯನ್ನು ಬೆಳಕಿನ ಹಬ್ಬ ಎಂದು ಕರೆಯುತ್ತೇವೆ. ಹಾಗಿರುವಾಗ ಪಟಾಕಿ ನಿಷೇಧ ಮಾಡುವ ಕ್ರಮ ಸರಿಯಲ್ಲ' ಎಂದರು. ಪರಿಸರವಾದಿಗಳ ವಾದವೇನು? 'ಪಟಾಕಿ ಸಿಡಿಸುವುದರಿಂದ ಸಣ್ಣ ಮಕ್ಕಳ ಕಣ್ಣುಗಳಿಗೆ ಹಾನಿಯಾಗಿರುವ ಸಾಕಷ್ಟು ಉದಾಹರಣೆಗಳು ಇವೆ. ಪಟಾಕಿ ಹೊಗೆಯಿಂದ ಹಿರಿಯರ ಆರೋಗ್ಯದ ಮೇಲೂ ಪರಿಣಾಮ ಬೀರುತ್ತದೆ. ಅಷ್ಟೇ ಅಲ್ಲದೆ ಪ್ರಾಣಿಗಳಿಗೂ ತೊಂದರೆ ಉಂಟಾಗುತ್ತಿದೆ. ಹಾಗಿದ್ದರೂ ಪಟಾಕಿ ನಿಷೇಧ ಸಾಧ್ಯವಿಲ್ಲದಿದ್ದರೂ ನಿಯಂತ್ರಣ ಅಗತ್ಯ' ಎನ್ನುತ್ತಾರೆ ಪರಿಸರವಾದಿ ರಜನಿ ರಾವ್ ಸಂತೋಷ್. ಸುಪ್ರೀಂಕೋರ್ಟ್ ಏನು ಹೇಳಿದೆ? ಪಟಾಕಿಯನ್ನು ನಿಷೇಧಿಸುವುದು ಯಾವುದೇ ಸಮುದಾಯದ ವಿರುದ್ಧವಾದ ಕ್ರಮವಲ್ಲ ಎಂದು ಸುಪ್ರೀಂ ಕೋರ್ಟ್ ಹೇಳಿದೆ. ಅಷ್ಟೇ ಅಲ್ಲದೆ ಪಟಾಕಿ ನಿಷೇಧವನ್ನು ಸಂಪೂರ್ಣವಾಗಿದೆ ಜಾರಿಗೆ ತರಬೇಕು ಎಂದು ಅಭಿಪ್ರಾಯಪಟ್ಟಿದೆ. ನ್ಯಾಯಮೂರ್ತಿಗಳಾದ ಎಂ.ಆರ್ ಶಾ ಮತ್ತು ಎ.ಎಸ್ ಬೋಪಯ್ಯ ಪೀಠವು ಈ ಅಭಿಪ್ರಾಯವನ್ನು ವ್ಯಕ್ತಪಡಿಸಿದೆ. ಮನರಂಜನೆಯ ಹೆಸರಿನಲ್ಲಿ ದೇಶದ ನಾಗರಿಕರ ಜೀವದ ಜೊತೆ ಚೆಲ್ಲಾಟ ಆಡುವಂತಿಲ್ಲ ಎಂದು ಹೇಳಿದೆ. ಇನ್ನು ಪಟಾಕಿಯಿಂದಾಗಿ ಕಣ್ಣಿಗೆ ಗಾಯವಾಗುವ ಸಾಧ್ಯತೆ ಇರುವುದರಿಂದ ಎಚ್ಚರಿಕೆ ವಹಿಸುವಂತೆ ವೈದ್ಯರು ಸೂಚಿಸಿದ್ದಾರೆ. ಪಟಾಕಿಯಿಂದ ಕಣ್ಣಿಗೆ ಹಾನಿಯಾಗುವ ಪ್ರಕರಣಗಳು ಪ್ರತಿ ವರ್ಷವೂ ವರದಿಯಾಗುತ್ತಿವೆ. 2020 ರಲ್ಲಿ ಪಟಾಕಿಯಿಂದಾಗಿ ಮಿಂಟೋ ಆಸ್ಪತ್ರೆಯೊಂದರಲ್ಲೇ 17 ಮಂದಿ ಹೊರರೋಗಿಗಳು ಹಾಗೂ 6 ಮಂದಿ ಒಳರೋಗಿಗಳಾಗಿ ದಾಖಲಾಗಿ ಚಿಕಿತ್ಸೆ ಪಡೆದುಕೊಂಡಿದ್ದಾರೆ. ಈ ನಿಟ್ಟಿನಲ್ಲಿ ಹಬ್ಬದ ಸಂದರ್ಭದಲ್ಲಿ ಪಟಾಕಿ ಸಿಡಿಸುವಾಗ ಎಚ್ಚರಿಕೆ ಅಗತ್ಯವಾಗಿದೆ.
from India & World News in Kannada | VK Polls https://ift.tt/3EvVgtL
