: ಕೊರೊನಾ ಕಾಲದಲ್ಲಿ ಉದ್ಯೋಗ ಕಳೆದುಕೊಂಡು ಸಾಕಷ್ಟು ಜನ ಸಂಕಷ್ಟದಲ್ಲಿದ್ದಾರೆ. ಆದರೆ, ಗ್ರಾಮೀಣ ಪ್ರದೇಶದಲ್ಲಿರುವ ಸ್ತ್ರೀ ಶಕ್ತಿ ಸಂಘ ದೀಪಾವಳಿ ಹಬ್ಬವೊಂದರಲ್ಲೇ ಲಕ್ಷಾಂತರ ಆದಾಯ ಗಳಿಸುತ್ತಿದೆ. ಹಾರನಹಳ್ಳಿಯ ಸಂಕೆದೇವನಕೊಪ್ಪ ಗ್ರಾಮದಲ್ಲಿರುವ 13 ಸದಸ್ಯರಿರುವ ಗೌರಿ ಸ್ತ್ರೀಶಕ್ತಿ ಸ್ವಸಹಾಯ ಸಂಘವು ದೀಪಾವಳಿ ಹಬ್ಬದಲ್ಲಿತಯಾರಿಸುವ ದೀಪಗಳನ್ನು ನಾನಾ ಕಡೆಗಳಲ್ಲಿ ಮಾರಾಟ ಮಾಡಿ ಮಹಿಳೆಯರು ಸಶಕ್ತರಾಗಿದ್ದಾರೆ. ಜಿಲ್ಲಾಪಂಚಾಯಿತಿಯಿಂದ ಪ್ರತಿ ವರ್ಷ ಆಯೋಜಿಸಲಾಗುವ ಸರಸ್‌ (ಸೇಲ್‌ ಆಫ್‌ ಆರ್ಟಿಕಲ್ಸ್‌ ಆಂಡ್‌ ರೂರಲ್‌ ಆರ್ಟಿಷನ್‌ ಸೊಸೈಟಿ) ಮೇಳಗಳಲ್ಲಿ ಪಾಲ್ಗೊಂಡು ಈ ಸ್ತ್ರೀಶಕ್ತಿ ಸಂಘವು ಅಂದಾಜು 2 ರಿಂದ ಎರಡೂವರೆ ಲಕ್ಷ ರೂ. ಗಳಿಕೆ ಮಾಡುತ್ತಾ ಬಂದಿದೆ. ದೀಪಗಳೊಂದಿಗೆ ಲೋಟ, ಮಡಿಕೆ, ಕುಡಿಕೆಗಳ ಮೂಲಕ ಮಾಸಿಕ ಪ್ರತಿ ಸದಸ್ಯರು 20-25 ಸಾವಿರ ರೂ. ಗಳಿಸುತ್ತಿದ್ದಾರೆ. ಕೇಂದ್ರ ಸರಕಾರದ '' ಯೋಜನೆಯನ್ನು ಸ್ತ್ರೀಶಕ್ತಿ ಸಂಘಗಳು ಕಾರ್ಯ ರೂಪಕ್ಕೆ ತರುತ್ತಿವೆ. ಇದುವರೆಗೆ, ಬೆಂಗಳೂರು, ಮೈಸೂರು, ಗಂಗಾವತಿ, ಮಂಗಳೂರು, ಕಲಬುರಗಿ, ಬೆಳಗಾವಿ, ಪೂನಾ, ಗೋವಾಗಳಲ್ಲಿ ದೀಪಗಳನ್ನು ಪ್ರದರ್ಶನ ಮತ್ತು ಮಾರಾಟ ಮಾಡಿದ್ದಾರೆ. ದೀಪ ಸಂಜೀವಿನಿ ಅಡಿ ಮಾರಾಟ ಪ್ರಸಕ್ತ ವರ್ಷ ಶಿವಮೊಗ್ಗ ಜಿಲ್ಲಾಪಂಚಾಯಿತಿ ಕಚೇರಿ ಆವರಣದಲ್ಲಿ ಸರಕಾರದಿಂದ ಉಚಿತವಾಗಿ ಮಳಿಗೆ ಸ್ಥಾಪಿಸಲಾಗಿದ್ದು, ವಿವಿಧ ಬಗೆಯ ದೀಪಗಳನ್ನು ಮಾರಾಟಕ್ಕೆ ಇಡಲಾಗಿದೆ. ಹಾರನಹಳ್ಳಿಯ ಸಂಕೆದೇವನಕೊಪ್ಪದ ಗೌರಿ ಸ್ತ್ರೀ ಶಕ್ತಿ ಸ್ವಸಹಾಯ ಸಂಘ ಹಾಗೂ ಕಸಬಾದ ಶ್ರೀ ಕುಂಭೇಶ್ವರ ಸ್ತ್ರೀ ಶಕ್ತಿ ಸ್ವಸಹಾಯ ಸಂಘದಿಂದ ಮಳಿಗೆಯನ್ನು ಸ್ಥಾಪಿಸಲಾಗಿದ್ದು, ಒಟ್ಟು 10-15 ಪ್ರಭೇದದ ದೀಪಗಳನ್ನು ಮಾರಾಟಕ್ಕೆ ಇಡಲಾಗಿದೆ. ಆಕರ್ಷಕ ಜಾದೂ ದೀಪ ಸ್ತ್ರೀ ಸಂಘದ ಸದಸ್ಯರು ಈ ಸಲ ನಾನಾ ವಿನ್ಯಾಸದ ದೀಪಗಳನ್ನು ಸಿದ್ಧಪಡಿಸಿದ್ದಾರೆ. ಅದರಲ್ಲಿ ವಿಶೇಷವೆಂದರೆ, 'ಜಾದೂ ದೀಪ' ಬುಡದಿಂದ ಎಣ್ಣೆ ಹಾಕಿ ಮೇಲೆ ದೀಪ ಹಚ್ಚಬಹುದಾಗಿದೆ. ಆದರೆ, ಎಣ್ಣೆ ಕಣ್ಣಿಗೆ ಕಾಣದಿದ್ದರೂ ದೀಪ ಉರಿಯುತ್ತದೆ. ಜತೆಗೆ, ಗಣೇಶ ದೀಪ, ಐದು ಮತ್ತು ಎಂಟು ದೀಪದ ಸೆಟ್‌, ಆರತಿ ತಟ್ಟೆ, ಬೋಟ್‌ ಗಣೇಶ್‌, ಲಿಂಗ ಮ್ಯಾಜಿಕ್‌ ಲ್ಯಾಂಪ್‌, ನೀರಿನ ಲೋಟ, ಹಂಸ ದೀಪ ನಾನಾ ಬಗೆಯ ದೀಪಗಳು ಲಭ್ಯ ಇವೆ. 50 ರಿಂದ 200 ರೂ. ಮೌಲ್ಯದವರೆಗಿನ ದೀಪಗಳು ಇಲ್ಲಿ ಲಭ್ಯ ಇವೆ. ಎಸ್‌.ಜಿ.ಎಸ್‌.ವೈ. ಯೋಜನೆ ಅಡಿ ರಾಜ್ಯ, ಹೊರ ರಾಜ್ಯಗಳಲ್ಲಿ ಸ್ತ್ರೀಶಕ್ತಿ ಸ್ವಸಹಾಯ ಸಂಘದಿಂದ ದೀಪಗಳ ಪ್ರದರ್ಶನ ಮತ್ತು ಮಾರಾಟ ಹಮ್ಮಿಕೊಳ್ಳಲಾಗಿದೆ. ಕೋವಿಡ್‌ ಕಾಲದಲ್ಲೂ ದೀಪಗಳನ್ನು ತಯಾರಿಸಿ ಮಾರಾಟ ಮಾಡಲಾಗಿದೆ. ದೀಪಗಳನ್ನು ತಯಾರಿಸುವುದು ವಂಶಪಾರಂಪರ್ಯ ವೃತ್ತಿಯಾಗಿದ್ದು ಅದನ್ನು ಈಗ ಸ್ತ್ರೀಶಕ್ತಿ ಸಂಘದಡಿ ಮಾಡಲಾಗುತ್ತಿದೆ. ರುದ್ರಮ್ಮ, ಸದಸ್ಯರು, ಗೌರಿ ಸ್ತ್ರೀಶಕ್ತಿ ಸ್ವಸಹಾಯ ಸಂಘ, ಹಾರನಹಳ್ಳಿ
from India & World News in Kannada | VK Polls https://ift.tt/3Gxs7jD
