ಚೆನ್ನೈ: ಸ್ಯಾಂಡಲ್‌ವುಡ್‌ನ ಪವರ್‌ಸ್ಟಾರ್‌ ನಟ ಅವರ ನಿಧನದ ವಾರ್ತೆಯನ್ನು ಇಡೀ ಕರ್ನಾಟಕಕ್ಕೆ ಇನ್ನೂ ಅರಗಿಸಿಕೊಳ್ಳಲಾಗುತ್ತಿಲ್ಲ. ದೇಶಾದ್ಯಂತ ಗಣ್ಯಾತಿಗಣ್ಯರು ಅಪ್ಪು ಅವರ ನಿಧನಕ್ಕೆ ನೋವಿನಿಂದಲೇ ಸಂತಾಪ ಸೂಚಿಸುತ್ತಿದ್ದಾರೆ. ಇಡೀ ಭಾರತೀಯ ಚಿತ್ರರಂಗದ ಗಣ್ಯರು ಅಪ್ಪು ನಿಧನಕ್ಕೆ ಕಂಬನಿ ಮಿಡಿದಿದ್ದಾರೆ. ಪ್ರಧಾನಿ ಮೋದಿ, ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ ಸೇರಿದಂತೆ ರಾಷ್ಟ್ರಮಟ್ಟದ ರಾಜಕೀಯ ನಾಯಕರೂ ಅಪ್ಪು ನಿಧನಕ್ಕೆ ಸಂತಾಪ ಸೂಚಿಸಿದ್ದಾರೆ. ಇತ್ತ ತಮಿಳುನಾಡು ಮುಖ್ಯಮಂತ್ರಿ ಎಂ. ಕೆ ಸ್ಟಾಲಿನ್ ಅವರು ಅವರಿಗೆ ಬರೆದಿದ್ದಾರೆ. ರಾಜ್‌ ಕುಟುಂಬ ಮತ್ತು ಎಂ.ಕೆ ಸ್ಟಾಲಿನ್ ಕುಟುಂಬದ ಮಧ್ಯೆ ಹಲವು ವರ್ಷಗಳ ನಂಟು ಇದೆ. ಹೀಗಾಗಿ ಪುನೀತ್ ರಾಜ್‌ ಕುಮಾರ್ ನಿಧನದಿಂದ ಸ್ಟಾಲಿನ್ ಅವರು ಕೂಡ ಆಘಾತಕ್ಕೊಳಗಾಗಿದ್ದಾರೆ. ಈ ಹಿನ್ನೆಲೆ ಶಿವರಾಜ್‌ ಕುಮಾರ್ ಅವರಿಗೆ ಪತ್ರ ಬರೆದಿರುವ ಸ್ಟಾಲಿನ್ ಕುಟುಂಬಕ್ಕೆ ಸಾಂತ್ವನ ಹೇಳಿದ್ದಾರೆ. ಸ್ಟಾಲಿನ್ ಅವರು ಬರೆದ ಪತ್ರದ ಸಾರಾಂಶ ಹೀಗಿದೆ. ಪ್ರಿಯ ಶಿವರಾಜ್‌ಕುಮಾರ್, ಸಹೋದರ ಪುನೀತ್ ರಾಜ್‌ಕುಮಾರ್ ಅವರ ನಿಧನದ ಸುದ್ದಿ ಕೇಳಿ ನನಗೆ ತೀವ್ರ ನೋವು ಮತ್ತು ವೇದನೆ ಉಂಟಾಯಿತು. ಇಂತಹ ಭಯಾನಕವಾದ ಸುದ್ದಿಯನ್ನು ಹೇಳಲು ನನಗೆ ಶಬ್ದಗಳೇ ತೋಚುತ್ತಿಲ್ಲ. ನಮ್ಮ ಮತ್ತು ರಾಜ್‌ ಕುಟುಂಬದ ಮಧ್ಯೆ ಹಲವು ವರ್ಷಗಳ ನಂಟು ಇದೆ. ಪುನೀತ್ ಅವರ ನಿಧನ ನನಗೆ ವೈಯಕ್ತಿಕವಾಗಿ ತುಂಬಾ ನಷ್ಟವನ್ನುಂಟು ಮಾಡಿದೆ. ನಮ್ಮ ತಂದೆ ಕರುಣಾನಿಧಿ ಅವರು ಸಾವನ್ನಪ್ಪಿದ ಸಂದರ್ಭದಲ್ಲಿ ನಟ ಪುನೀತ್ ರಾಜ್‌ ಕುಮಾರ್ ಅವರು ನಮ್ಮ ಗೋಪಾಲಪುರಂ ನಿವಾಸಕ್ಕೆ ಬಂದು ನಿಮ್ಮ ಕುಟುಂಬದ ಪರವಾಗಿ ನಮಗೆ ಸಾಂತ್ವನವನ್ನು ಹೇಳಿದ್ದು ಇನ್ನೂ ಹೃದಯದಲ್ಲಿ ಹಚ್ಚ ಹಸಿರಾಗಿಯೇ ಇದೆ. ಇಂತಹ ಒಬ್ಬ ಮಹಾನ್ ವ್ಯಕ್ತಿತ್ವವನ್ನು ಕಳೆದುಕೊಂಡು ಅಪಾರ ದುಃಖದಲ್ಲಿರುವ ನಿಮ್ಮ ಕುಟುಂಬದ ಪ್ರತಿಯೊಬ್ಬ ಸದಸ್ಯರಿಗೂ, ಪುನೀತ್ ಅವರನ್ನು ಕಾರಣವಿಲ್ಲದೆ ಪ್ರೀತಿಸುವ ಕರ್ನಾಟದ ಅವರ ಅಪಾರ ಅಭಿಮಾನಿ ಬಳಗಕ್ಕೆ ನಾನು ನೋವಿನಿಂದಲೇ ಸಾಂತ್ವನವನ್ನು ಹೇಳುತ್ತಿದ್ದೇನೆ. ಅಪ್ಪು ಅವರ ನೆನಪುಗಳು ಸದಾ ನಮ್ಮೊಂದಿಗೆ ಚಿರಸ್ಥಾಯಿಯಾಗಿ ಇರುತ್ತದೆ. ರಾಜ್‌ಕುಮಾರ್ ಸರ್‌ ಅವರ ಹಿರಿಯ ಮಗನಾಗಿ ಮತ್ತು ಪುನೀತ್ ಅವರ ಸಹೋದರನಾಗಿ ಇಂತಹ ದುಃಖದ ಸಂದರ್ಭದಲ್ಲಿ ನಿಮ್ಮ ಕುಟುಂಬಕ್ಕೆ ಆಧಾರ ಸ್ತಂಭವಾಗಿ ನೀವು ನಿಲ್ಲುತ್ತೀರಿ ಎಂದು ಭಾವಿಸುತ್ತೇನೆ.
from India & World News in Kannada | VK Polls https://ift.tt/3BsMg6J
