ವೆಂಕಟೇಶ ಏಗನೂರು ಕಲಬುರಗಿ ಬೆಂಗಳೂರು: ರಾಜ್ಯದ 58 , 117 ಹಾಗೂ ಪಟ್ಟಣ ಪಂಚಾಯಿತಿ 91 ಕಚೇರಿಗಳಲ್ಲಿ 9972 ಸಿಬ್ಬಂದಿ ಹುದ್ದೆಗಳು ಭರ್ತಿಯಾಗಿಲ್ಲ. ಈ ಹಿನ್ನೆಲೆಯಲ್ಲಿ ಪೂರ್ಣ ಪ್ರಮಾಣದಲ್ಲಿ ಹುದ್ದೆಗಳ ಭರ್ತಿ ಮಾಡಬೇಕು ಎಂದು ಅನೇಕ ವರ್ಷಗಳ ಬೇಡಿಕೆ ಇದುವರೆಗೂ ಈಡೇರಿಲ್ಲ. ಈ ಹಿನ್ನೆಲೆಯಲ್ಲಿ ಸಾರ್ವಜನಿಕರ ಕಾರ್ಯಗಳು ಸಮಯಕ್ಕೆ ಸರಿಯಾಗಿ ಆಗದಿರುವುದು ಕಂಡುಬರುತ್ತಿದೆ. ಖಾಲಿ ಎಷ್ಟು? ರಾಜ್ಯದ 58 ನಗರಸಭೆಗಳಲ್ಲಿ ಒಟ್ಟು 16,437 ಹುದ್ದೆಗಳು ಮಂಜೂರಾಗಿದ್ದರೆ, ಕಾಯಂ ನೌಕರರು ಹಾಗೂ ಗುತ್ತಿಗೆ, ಹೊರಗುತ್ತಿಗೆ, ದಿನಗೂಲಿ ಮತ್ತು ನೇರಪಾವತಿಯಡಿ ಒಟ್ಟು 11,602 ನೌಕರರು ಕಾರ್ಯನಿರ್ವಹಿಸುತ್ತಿದ್ದು, ಒಟ್ಟು 4492 ಹುದ್ದೆಗಳು ಭರ್ತಿಯಾಗದೆ ಖಾಲಿ ಉಳಿದಿವೆ. ಅದೇ ರೀತಿ 117 ಪುರಸಭೆ ಮತ್ತು 91 ಪಟ್ಟಣ ಪಂಚಾಯಿತಿಗಳಲ್ಲಿ ಒಟ್ಟು 16,518 ಹುದ್ದೆಗಳು ಮಂಜೂರಾಗಿದ್ದು, ಇದರಲ್ಲಿ ಕಾಯಂ ನೌಕರರು ಹಾಗೂ ಗುತ್ತಿಗೆ, ಹೊರಗುತ್ತಿಗೆ, ದಿನಗೂಲಿ ಮತ್ತು ನೇರಪಾವತಿಯಡಿ ಒಟ್ಟು 12,487 ನೌಕರರು ಕಾರ್ಯನಿರ್ವಹಿಸುತ್ತಿದ್ದು, ಒಟ್ಟು 5480 ಹುದ್ದೆಗಳು ಖಾಲಿ ಉಳಿದಿವೆ. ಭರ್ತಿ ಪ್ರಕ್ರಿಯೆಯಲ್ಲಿ 548 ಹುದ್ದೆ ಖಾಲಿ ಇರುವ ಹುದ್ದೆಗಳಲ್ಲಿ ನೇರ ನೇಮಕಾತಿ ಅಡಿ ಗ್ರೂಪ್‌ ಬಿ ವೃಂದದ 4 ಮತ್ತು ಸಿ ವೃಂದದ 544 ಸೇರಿ ಒಟ್ಟು 548 ಹುದ್ದೆಗಳನ್ನು ಭರ್ತಿ ಮಾಡಲು ಕೆಪಿಎಸ್ಸಿ ಮುಂದಾಗಿದ್ದು, ಇನ್ನೂ ನೇಮಕಾತಿ ಪ್ರಕ್ರಿಯೆಗಳು ಪೂರ್ಣಗೊಂಡಿಲ್ಲ. ಮಂಜೂರಾದ ಹುದ್ದೆಗಿಂತ ಹೆಚ್ಚುವರಿ ನೌಕರರು ಬಹಳಷ್ಟು ಕಡೆ ಹುದ್ದೆಗಳೇ ಖಾಲಿ ಹೆಚ್ಚು ಇರುವಾಗ ಕೆಲವೊಂದು ನಗರಸಭೆ ಮತ್ತು ಪುರಸಭೆಗಳಲ್ಲಿ ಮಂಜೂರಾದ ಹುದ್ದೆಗಳಿಗಿಂತ ಹೆಚ್ಚುವರಿಯಾಗಿ ಕಾರ್ಯನಿರ್ವಹಿಸಲಾಗುತ್ತಿದೆ. ಒಟ್ಟು ರಾಜ್ಯಾದ್ಯಂತ 1106 ನೌಕರರು ಹೆಚ್ಚುವರಿಯಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ. ಕೊಪ್ಪಳ ನಗರಸಭೆಯಲ್ಲಿ 235 ಹುದ್ದೆಗಳು ಮಂಜೂರಾಗಿದ್ದರೆ 323 ಜನರು ಕಾರ್ಯನಿರ್ವಹಿಸುತ್ತಿದ್ದಾರೆ. ರಾಯಚೂರು ನಗರಸಭೆಯಲ್ಲಿ 557 ಹುದ್ದೆಗಳು ಮಂಜೂರಾಗಿದ್ದರೆ 782 ಕಾರ್ಯನಿರ್ವಹಿಸುತ್ತಿದ್ದಾರೆ. ಅದೇ ರೀತಿ ಮಾನ್ವಿ ಪುರಸಭೆ, ಯಲಬುರ್ಗಾ ಪಟ್ಟಣ ಪಂಚಾಯಿತಿ, ಹುಣಸಗಿ ಪಪಂ, ಅಣ್ಣಿಗೇರಿ ಪುರಸಭೆ, ನರೇಗಲ್‌ ಪಪಂ, ಬೀಳಗಿ ಪಪಂ, ಕಿತ್ತೂರು ಪಪಂ, ಖಾನಾಪುರ ಪಪಂ, ಬೈಲಹೊಂಗಲ ಪುರಸಭೆ, ಹೊನ್ನಾವರ ಪಪಂ, ಹಿರೇಕೆರೂರು ಪಪಂ , ಪಿರಿಯಾಪಟ್ಟಣ ಪುರಸಭೆ ಸೇರಿದಂತೆ ಹಲವೆಡೆ ಮಂಜೂರು ಆಗಿರುವ ಹುದ್ದೆಗಿಂತ ಹೆಚ್ಚುವರಿಯಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ.
- ನಗರಸಭೆಗಳು-58
- ಹುದ್ದೆ ಮಂಜೂರು-16, 437
- ಭರ್ತಿ ಇರುವ ಹುದ್ದೆ-11,602
- ಖಾಲಿ ಹುದ್ದೆ-4492
- ಪುರಸಭೆಗಳು-117 ಮತ್ತು ಪಪಂಗಳು-91
- ಮಂಜೂರಾದ ಹುದ್ದೆ-16,518
- ಸಿಬ್ಬಂದಿ ಇರುವ ಹುದ್ದೆ-12,487
- ಖಾಲಿ ಹುದ್ದೆ-5480
- ಒಟ್ಟು ಮಂಜೂರು ಹುದ್ದೆ -32,955
- ಕಾರ್ಯನಿರ್ವಹಿಸುತ್ತಿರುವ ಕಾಯಂ ನೌಕರರು -11,984
- ಗುತ್ತಿಗೆ, ಹೊರಗುತ್ತಿಗೆಯಲ್ಲಿ ಕಾರ್ಯನಿರ್ವಹಿಸುವ ನೌಕರರು -12,105
- ಕಾಯಂ ಮತ್ತು ಗುತ್ತಿಗೆ, ಹೊರಗುತ್ತಿಗೆಯಲ್ಲಿ ಕಾರ್ಯನಿರ್ವಹಣೆ ನೌಕರರು-24,084
- ನಗರಸಭೆ, ಪುರಸಭೆ, ಪಪಂಗಳಲ್ಲಿ ಖಾಲಿ ಇರುವ ಹುದ್ದೆ-9972
from India & World News in Kannada | VK Polls https://ift.tt/3802Xuk
