ರಾಮನಗರ: ರಾಜ್ಯದ ಸಿ.ಡಿ ಪ್ರಕರಣ ಈಗ ಭಾರೀ ರಾಜಕೀಯ ಗುದ್ದಾಟಕ್ಕೆ ಸಾಕ್ಷಿಯಾಗಿದೆ. ಇದೀಗ ವರ್ಸಸ್‌ ಎಂಬಂತೆ ಆಗಿದೆ. ಇದೀಗ ಸಿ.ಡಿ ಪ್ರಕರಣದಲ್ಲಿ ಡಿ,ಕೆ ಶಿವಕುಮಾರ್ ಹೆಸರು ಪ್ರಸ್ತಾಪಿಸಿದ ಹಿನ್ನೆಲೆ ರಮೇಶ್ ಜಾರಕಿಹೊಳಿ ವಿರುದ್ಧ ಕನಕಪುರ ಕಾಂಗ್ರೆಸ್ ಕಾರ್ಯಕರ್ತರು ತಿರುಗಿ ಬಿದ್ದಿದ್ದಾರೆ. ಕನಕಪುರದ ಕಾಂಗ್ರೆಸ್ ಕಚೇರಿಯಲ್ಲಿ ಪತ್ರಿಕಾಗೋಷ್ಠಿ ನಡೆಸಿದ ಎಂ.ಎಲ್.ಸಿ ರವಿ, ಸಿಡಿ ವಿಚಾರದಲ್ಲಿ ಡಿ.ಕೆ.ಶಿವಕುಮಾರ್ ಅವರ ಹೆಸರು ಪ್ರಸ್ತಾಪ ಆಗಿದೆ. ಅಧಿಕಾರದ ದಾಹದ ಹಿನ್ನಲೆಯಲ್ಲಿ ಕಾಂಗ್ರೆಸ್‌ನ ಶಾಸಕರು ರಾಜೀನಾಮೆ ನೀಡಿ ಬಿಜೆಪಿ ಸೇರಿದ್ದರಿಂದ ಸರ್ಕಾರ ಬಂದಿತ್ತು. ಜಾರಕಿಹೊಳಿ ನೀರಾವರಿ ಸಚಿವನಾಗಬೇಕೆಂದು ಆಸೆ ಇತ್ತು. ಸಚಿವರು ಕೂಡ ಆದ್ರು ರಾಜ್ಯದಲ್ಲಿ ಹಲವು ನೀರಾವರಿ ಸಮಸ್ಯೆಗಳಿವೆ. ನೀರಾವರಿ ಸಮಸ್ಯೆ ಬಿಟ್ಟು ನಾಲಾಯಕ್ ಸಚಿವ ರಮೇಶ್ ಜಾರಕಿಹೊಳಿ. ಇಡೀ ರಾಜ್ಯದ ಜನರಿಗೆ ಜಾರಕಿಹೊಳಿ ಮಸಿ ಬಳಿದಿದ್ದಾರೆ ಎಂದು ಆರೋಪಿಸಿದರು. ಕೆಲಸ ಕೊಡಿಸುವ ನೆಪದಲ್ಲಿ ಯುವತಿಯನ್ನ ಲೈಂಗಿಕವಾಗಿ ಬಳಸಿಕೊಂಡು, ಉದ್ಯೋಗ ಹಾಗೂ ಹಣದ ಆಮಿಷ ತೋರಿಸಿದ್ದಾರೆ. ಪಾಪಿ ಹಾಗೂ ಅಸಹ್ಯ ಕೆಲಸವನ್ನ ಮಾಡಿದ್ದಾರೆ. ಮಾನ ಮಾರ್ಯಾದೆ ಇಲ್ಲದ ಜಾರಕಿಹೊಳಿ ತಾನು ಮಾಡಿದ ಕೆಲಸವನ್ನ ಸಮರ್ಥಿಸಿಕೊಳ್ಳುತ್ತಿದ್ದಾರೆ ಎಂದು ವಾಗ್ಧಾಳಿ ನಡೆಸಿದರು. ಸಿಡಿ ನಕಲಿ ಆಂದ ಮೇಲೆ ಹಣವನ್ನ ಯಾಕೆ ಕೊಡಬೇಕಿತ್ತು. ಸಿಡಿಯಲ್ಲಿ ಇರುವವರು ಜಾರಕಿಹೊಳಿ ನಾನಲ್ಲ ಅಂದ ಮೇಲೆ ಸಿಡಿಯಲ್ಲಿ ಇರುವ ಆ ಜಾರಕಿಹೊಳಿ ಯಾರು?.ಎಸ್.ಐ.ಟಿ ಅಧಿಕಾರಿಗಳು ನಕಲಿ ಸಿಡಿ ಬಗ್ಗೆ ತನಿಖೆ ಮಾಡುತ್ತಿದ್ದೊರೊ ಇಲ್ಲಾ ಸಿಡಿ ಹೊರ ತಂದವರು ಯಾರು ಎಂದು ತನಿಖೆ ನಡೆಸುತ್ತಿದ್ದರಾ..?ಎಸ್.ಐ.ಟಿ ಅವರು ಸಂತ್ರಸ್ತೆ ಕುಟುಂಬದವರಿಗೆ ಏನ್ ಬೆದರಿಕೆ ಹಾಕಿದ್ದಾರೆ ಎಂ.ಎಲ್.ಸಿ ಎ.ರವಿ ಪ್ರಶ್ನಿಸಿದ್ದಾರೆ.
from India & World News in Kannada | VK Polls https://ift.tt/3lZnpRL
