ಸುಯೆಜ್ ಕಾಲುವೆ ಬಳಿ ಮಣ್ಣಿನಲ್ಲಿ ಸಿಲುಕಿದ್ದ ಎಂವಿ ಎವರ್ ಗಿವನ್ ಹೆಸರಿನ ದೈತ್ಯ ಸರಕು ಹಡಗಿನ ತೆರವು ಕಾರ್ಯಾಚರಣೆ ಯಶಸ್ವಿಯಾಗಿದೆ. ಒಂದು ವಾರಗಳ ಕಾಲ ಸುಯೆಜ್ ಕಾಲುವೆಯ ರಹದಾರಿಯನ್ನು ಬಂದ್ ಮಾಡಿದ್ದ ಎಂವಿ ಎವರ್ ಗಿವನ್ ಸರಕು ಹಡಗು, ಕೊನೆಗೂ ಮೆಡಿಟರೇನಿಯನ್ ಸಮುದ್ರದಲ್ಲಿ ಮತ್ತೆ ತನ್ನ ಪಯಣವನ್ನು ಮುಂದುವರೆಸಿದೆ. ಈ ಸರಕು ಹಡಗನ್ನು ತೆರವುಗೊಳಿಸಿರುವುದರಿಂದ, ಒಂದು ವಾರದಿಂದ ಸುಯೆಜ್ ಕಾಲುವೆಯಲ್ಲಿ ಸಾಲುಗಟ್ಟಿ ನಿಂತಿದ್ದ ಇತರ ಸರಕು ಹಡಗುಗಳೂ ಇದೀಗ ತಮ್ಮ ಪ್ರಯಾಣವನ್ನು ಮುಂದುವರೆಸಿವೆ. ಆದರೆ ಸುಯೆಜ್ ಕಾಲುವೆ ಸಹಜ ಸ್ಥಿತಿಗೆ ಮರಳಲು ಇನ್ನೂ ಕೆಲವು ದಿನಗಳು ಬೇಕಾಗುತ್ತವೆ ಎಂಬುದು ತಜ್ಞರ ಅಭಿಪ್ರಾಯ. ಸಾಲುಗಟ್ಟಿ ನಿಂತಿರುವ ಸುಮಾರು 120ಕ್ಕೂ ಹೆಚ್ಚು ಹಡಗುಗಳು ಒಂದೊಂದಾಗಿ ಸುಯೆಜ್ ಕಾಲುವೆಯನ್ನು ದಾಟಬೇಕಿದ್ದು, ಇದಕ್ಕೆ ಇನ್ನೂ ಕೆಲವು ದಿನಗಳು ಬೇಕಾಗಬಹುದು. ಸುಯೆಜ್ ಕಾಲುವೆ ರಹದಾರಿ ಬಂದ್ ಆಗಿದ್ದರಿಂದ ಜಾಗತಿಕ ವ್ಯಾಪಾರದ ಮೇಲೂ ಭಾರೀ ದುಷ್ಪರಿಣಾಮ ಬೀರಿದ್ದು, ಇದನ್ನು ಸರಿದೂಗಿಸಲು ಸಮಯ ಬೇಕಾಗುತ್ತದೆ. ಅದೆನೆ ಇರಲಿ, ಸುಯೆಜ್ ಕಾಲುವೆಯಲ್ಲಿ ಸಿಲುಕಿಕೊಂಡಿದ್ದ ಎಂವಿ ಎವರ್ ಗಿವನ್ ಎಂಬ ದೈತ್ಯ ಸರಕು ಹಡಗಿನ ರಕ್ಷಣಾ ಕಾರ್ಯಾಚರಣೆಯೂ ಅಷ್ಟೇ ರೋಚಕವಾಗಿತ್ತು. ಹಾಗಾದರೆ ಈ ದೈತ್ಯ ಹಡಗಿನ ತೆರವು ಕಾರ್ಯಾಚರಣೆಯ ಬೆಳವಣಿಗೆಗಳತ್ತ ಗಮನಹರಿಸುವುದಾದರೆ...ಸುಯೆಜ್ ಕಾಲುವೆ ಬಳಿ ಮಣ್ಣಿನಲ್ಲಿ ಸಿಲುಕಿದ್ದ ಎಂವಿ ಎವರ್ ಗಿವನ್ ಹೆಸರಿನ ದೈತ್ಯ ಸರಕು ಹಡಗಿನ ತೆರವು ಕಾರ್ಯಾಚರಣೆ ಯಶಸ್ವಿಯಾಗಿದೆ. ತೆರವು ಕಾರ್ಯಾಚರಣೆಯ ರೋಚಕ ಕ್ಷಣಗಳ ಕುರಿತು ಸಿಬ್ಬಂದಿ ತಮ್ಮ ಅನುಭವವನ್ನು ಹಂಚಿಕೊಂಡಿದ್ದು, ಕೊನೆಯ 10 ನಿಮಿಷಗಳು ಆತಂಕಮಯವಾಗಿದ್ದವು ಎಂದು ಹೇಳಿದ್ದಾರೆ.
ಸುಯೆಜ್ ಕಾಲುವೆ ಬಳಿ ಮಣ್ಣಿನಲ್ಲಿ ಸಿಲುಕಿದ್ದ ಎಂವಿ ಎವರ್ ಗಿವನ್ ಹೆಸರಿನ ದೈತ್ಯ ಸರಕು ಹಡಗಿನ ತೆರವು ಕಾರ್ಯಾಚರಣೆ ಯಶಸ್ವಿಯಾಗಿದೆ. ಒಂದು ವಾರಗಳ ಕಾಲ ಸುಯೆಜ್ ಕಾಲುವೆಯ ರಹದಾರಿಯನ್ನು ಬಂದ್ ಮಾಡಿದ್ದ ಎಂವಿ ಎವರ್ ಗಿವನ್ ಸರಕು ಹಡಗು, ಕೊನೆಗೂ ಮೆಡಿಟರೇನಿಯನ್ ಸಮುದ್ರದಲ್ಲಿ ಮತ್ತೆ ತನ್ನ ಪಯಣವನ್ನು ಮುಂದುವರೆಸಿದೆ. ಈ ಸರಕು ಹಡಗನ್ನು ತೆರವುಗೊಳಿಸಿರುವುದರಿಂದ, ಒಂದು ವಾರದಿಂದ ಸುಯೆಜ್ ಕಾಲುವೆಯಲ್ಲಿ ಸಾಲುಗಟ್ಟಿ ನಿಂತಿದ್ದ ಇತರ ಸರಕು ಹಡಗುಗಳೂ ಇದೀಗ ತಮ್ಮ ಪ್ರಯಾಣವನ್ನು ಮುಂದುವರೆಸಿವೆ. ಆದರೆ ಸುಯೆಜ್ ಕಾಲುವೆ ಸಹಜ ಸ್ಥಿತಿಗೆ ಮರಳಲು ಇನ್ನೂ ಕೆಲವು ದಿನಗಳು ಬೇಕಾಗುತ್ತವೆ ಎಂಬುದು ತಜ್ಞರ ಅಭಿಪ್ರಾಯ. ಸಾಲುಗಟ್ಟಿ ನಿಂತಿರುವ ಸುಮಾರು 120ಕ್ಕೂ ಹೆಚ್ಚು ಹಡಗುಗಳು ಒಂದೊಂದಾಗಿ ಸುಯೆಜ್ ಕಾಲುವೆಯನ್ನು ದಾಟಬೇಕಿದ್ದು, ಇದಕ್ಕೆ ಇನ್ನೂ ಕೆಲವು ದಿನಗಳು ಬೇಕಾಗಬಹುದು. ಸುಯೆಜ್ ಕಾಲುವೆ ರಹದಾರಿ ಬಂದ್ ಆಗಿದ್ದರಿಂದ ಜಾಗತಿಕ ವ್ಯಾಪಾರದ ಮೇಲೂ ಭಾರೀ ದುಷ್ಪರಿಣಾಮ ಬೀರಿದ್ದು, ಇದನ್ನು ಸರಿದೂಗಿಸಲು ಸಮಯ ಬೇಕಾಗುತ್ತದೆ. ಅದೆನೆ ಇರಲಿ, ಸುಯೆಜ್ ಕಾಲುವೆಯಲ್ಲಿ ಸಿಲುಕಿಕೊಂಡಿದ್ದ ಎಂವಿ ಎವರ್ ಗಿವನ್ ಎಂಬ ದೈತ್ಯ ಸರಕು ಹಡಗಿನ ರಕ್ಷಣಾ ಕಾರ್ಯಾಚರಣೆಯೂ ಅಷ್ಟೇ ರೋಚಕವಾಗಿತ್ತು. ಹಾಗಾದರೆ ಈ ದೈತ್ಯ ಹಡಗಿನ ತೆರವು ಕಾರ್ಯಾಚರಣೆಯ ಬೆಳವಣಿಗೆಗಳತ್ತ ಗಮನಹರಿಸುವುದಾದರೆ...
ಏನಾಗಿತ್ತು?
ಕಳೆದ ವಾರ ತೈವಾನ್‌ನ ಎವರ್‌ಗ್ರೀನ್ ಮರೈನ್ ಕಂಪನಿ ನಿರ್ವಹಿಸುವ, ಜಪಾನ್ ಒಡೆತನದ ಎವರ್ ಗಿವನ್ ಎಂಬ ಸರಕು ಹಡಗು ಸುಯೆಜ್ ಕಾಲುವೆಯ ಮಾರ್ಗ ಮಧ್ಯೆ ಸಿಲುಕಿಕೊಂಡಿತ್ತು. ಏಕಾಏಕಿ ಎದ್ದ ಮರಳು ಬಿರುಗಾಳಿಯ ಕಾರಣಕ್ಕೆ ಸುಯೆಜ್ ಕಾಲುವೆಯ ರಹದಾರಿಯಲ್ಲಿ ಎವರ್ ಗಿವನ್ ಹಡಗು ಸಿಲುಕಿಕೊಂಡಿತ್ತು.
ಬರೋಬ್ಬರಿ 2 ಲಕ್ಷ ಟನ್ ತೂಕದ ಎಂವಿ ಎವರ್ ಗಿವನ್ ಹಡಗು, ಪ್ಯಾರಿಸ್‌ನ ಐಫೆಲ್ ಟವರ್‌ಗಿಂತಲೂ ಉದ್ದವಾಗಿದೆ. ಇಷ್ಟು ಬೃಹತ್ ಗಾತ್ರದ ಹಡಗನ್ನು ಸುಯೆಜ್ ಕಾಲುವೆಯ ರಹದಾರಿಯಿಂದ ಬಂದರಿಗೆ ಮರಳಿ ಕರೆತರುವುದು ಸುಲಭದ ಕೆಲಸವೂ ಆಗಿರಲಿಲ್ಲ.
ಸುಯೆಜ್ ಕಾಲುವೆ ಬಳಿ ಸಿಲುಕಿದ ದೈತ್ಯ ಹಡಗು: ಕಳೆಗುಂದಿದ ಜಾಗತಿಕ ವ್ಯಾಪಾರ ಸೊಬಗು!
ಆದರೆ ಆರು ದಿನಗಳ ಸತತ ಕಾರ್ಯಾಚರಣೆ ಫಲವಾಗಿ ಈ ದೈತ್ಯ ಹಡಗನ್ನು ಸುಯೆಜ್ ಕಾಲುವೆಯ ರಹದಾರಿಯಿಂದ ಮರಳು ಸಮುದ್ರಕ್ಕೆ ತೇಲಿ ಬಿಡಲಾಗಿದೆ.
ಸುಯೆಜ್ ಕಾಲುವೆಯಲ್ಲಿ ಸಾಲುಗಟ್ಟಿ ನಿಂತಿದ್ದವು 120 ಹಡಗುಗಳು!
ಹೌದು, ಎಂವಿ ಎವರ್ ಗಿವನ್ ಹಡಗು ಸಿಲುಕಿಕೊಂಡಿದ್ದರಿಂದ ಸುಯೆಜ್ ಕಾಲುವೆಯಲ್ಲಿ ಸುಮಾರು 120ಕ್ಕೂ ಹೆಚ್ಚು ಸರಕುಗಳು ಸಾಲುಗಟ್ಟಿ ನಿಂತಿದ್ದವು. ಈ ಕಾಲುವೆಯಲ್ಲಿ ಒಂದೊಂದೇ ಹಡಗುಗಳನ್ನು ಬಿಡುವುದರಿಂದ ಮತ್ತು ಎಂವಿ ಎವರ್ ಗಿವನ್ ಹಡಗು ರಹದಾರಿಯಲ್ಲೇ ಸಿಲುಕಿದ್ದರಿಂದ ಇತರ ಹಡಗುಗಳು ಮುಂದಕ್ಕೆ ಹೊಗಲಾರದೇ ನಿಂತಲ್ಲೇ ನಿಂತಿದ್ದವು.
ಸರಿಯಲೊಲ್ಲದು ಎವರ್ ಗಿವನ್: ಸುಯೆಜ್ ಕಾಲುವೆಯಲ್ಲಿ ಸಿಗ್ನಲ್‌ನಲ್ಲಿ ನಿಂತ ಹಾಗೆ ನಿಂತಿವೆ 120 ಹಡಗುಗಳು!
ಸುಯೆಜ್ ಕಾಲುವೆ ಬಳಿ ಭಾರೀ ಗಾತ್ರದ ಸುಮಾರು 120 ಹಡಗುಗಳು ಸಾಲುಗಟ್ಟಿ ನಿಂತಿರುವ ಉಪಗ್ರಹ ಛಾಯಾಚಿತ್ರಗಳನ್ನು ಬಿಡುಗಡೆ ಮಾಡಲಾಗಿತ್ತು. ಎಂವಿ ಎವರ್ ಗಿವನ್‌ನಲ್ಲಿರುವ ಸರಕಗಳನ್ನು ಖಾಲಿ ಮಾಡಿ ಅದನ್ನು ಬಂದರಿಗೆ ಕರೆತರುವ ರಕ್ಷಣಾ ಕಾರ್ಯವನ್ನು ಆರಂಭಿಸಿ ಇದೀಗ ಯಶಸ್ಸು ಕಾಣಲಾಗಿದೆ.
ಜಾಗತಿಕ ವ್ಯಾಪಾರದ ಮೇಲೆ ದುಷ್ಪರಿಣಾಮ!
ಇನ್ನು ಎಂವಿ ಎವರ್ ಗಿವನ್ ಹಡಗು ಸುಯೆಜ್ ಕಾಲುವೆಯ ರಹದಾರಿಯಲ್ಲಿ ಸಿಲುಕಿಕೊಂಡಿದ್ದರಿಂದ, ಜಾಗತಿಕ ಜಲಮಾರ್ಗ ವ್ಯಾಪಾರದ ಮೇಲೆ ಭಾರೀ ದುಷ್ಪರಿಣಾಮ ಬೀರಿದೆ.
ಸುಯೆಜ್ ಕಾಲುವೆಯಲ್ಲಿ ಇತರ ಹಡಗುಗಳು ಸಾಲುಗಟ್ಟಿ ನಿಂತಿದ್ದರಿಂದ, ದಿನವೊಂದಕ್ಕೆ ಸುಮಾರು 9.6 ಬಿಲಿಯನ್ ಅಮೆರಿಕನ್ ಡಾಲರ್ ಮೊತ್ತದ ವ್ಯಾಪಾರ ವಹಿವಾಟು ನಷ್ಟವಾಗಿದೆ. ಸುಯೆಜ್ ಕಾಲುವೆ ಏಷ್ಯಾ ಮತ್ತು ಯುರೋಪ್ ನಡುವಿನ ವ್ಯಾಪಾರದ ಸಂಪರ್ಕ ಬಿಂದುವಾಗಿರುವುದರಿಂದ, ಸಹಜವಾಗಿ ಈ ಘಟನೆಯಿಂದಾಗಿ ಜಾಗತಿಕ ವ್ಯಾಪಾರದ ಮೇಲೆ ನಕಾರಾತ್ಮಕ ಪರಿಣಾಮ ಬೀರಿದೆ.
ಮತ್ತೆ ಅಲೆಗಳ ಮಡಿಲು ಸೇರಿದ ದೈತ್ಯ ಹಡಗು: ಮರಳುತ್ತಿದೆ ಸುಯೆಜ್ ಕಾಲುವೆಯ ಬೆಡಗು!
ಎಲ್ಲಾ 120 ಹಡಗುಗಳು ಇನ್ನೂ ಸುಯೆಜ್ ಕಾಲುವೆಯನ್ನು ದಾಟಿಲ್ಲ. ಹಂತ ಹಂತವಾಗಿ ಈ ಹಡಗುಗಳನ್ನು ತೆರವು ಮಾಡಬೇಕಿದ್ದು, ಜಾಗತಿಕ ವ್ಯಾಪಾರ ಸಹಜ ಸ್ಥಿತಿಗೆ ಬರಲು ಇನ್ನೂ ಕೆಲವು ದಿನಗಳ ಸಮಯ ಬೇಕು.
ಆತಂಕದ 10 ನಿಮಿಷಗಳು!
ಇಂಚ್ ಕೇಪ್ ಶಿಪ್ಪಿಂಗ್ ಸರ್ವೀಸ್ ಸಂಸ್ಥೆ ಈ ದೈತ್ಯ ಹಡಗನ್ನು ಸುಯೆಜ್ ಕಾಲುವೆಯ ರಹದಾರಿಯಿಂದ ತೆರವುಗೊಳಿಸಿದ್ದು, ತೆರವು ಕಾರ್ಯಾಚರಣೆಯ ರೋಚಕ ಕ್ಷಣಗಳನ್ನು ಹಂಚಿಕೊಂಡಿದೆ. ಸತತ ಆರು ದಿನಗಳ ಕಾಲ ಹಂತ ಹಂತವಾಗಿ ಮಣ್ಣಿನಲ್ಲಿ ಹೂತಿದ್ದ ಹಡಗನ್ನು ಮೇಲೆತ್ತಿದ ಸಿಬ್ಬಂದಿ, ಹಡಗನ್ನು ಅತ್ಯಂತ ಜಾಗರೂಕತೆಯಿಂದ ಸಮುದ್ರಕ್ಕೆ ತಂದಿದ್ದಾರೆ.
ಸುಯೆಜ್ ಕಾಲುವೆ ರಹದಾರಿಯಲ್ಲೇ ಹಡಗು ಸಿಲುಕಿದ್ದರಿಂದ ಈ ಕಿರಿದಾದ ದಾರಿಯಲ್ಲಿ ಬೇರೆ ಬೃಹತ್ ಹಡಗನ್ನು ತಂದು ಸಿಲುಕಿದ್ದ ಹಡಗನ್ನು ಎತ್ತಲು ಸಾಧ್ಯವಿರಲಿಲ್ಲ. ಹೀಗಾಗಿ ಸಣ್ಣ ಬೋಟ್‌ಗಳು ಹಾಗೂ ಜೆಸಿಬಿ ಯಂತ್ರಗಳ ಸಹಾಯದಿಂದ ಹಡಗನ್ನು ಅತ್ಯಂತಸ ಪ್ರಯಾಸಪಟ್ಟು ಮೇಲೆತ್ತಲಾಗಿದೆ.
ಮತ್ತೆ ಅಲೆಗಳ ಮಡಿಲು ಸೇರಿದ ದೈತ್ಯ ಹಡಗು: ಮರಳುತ್ತಿದೆ ಸುಯೆಜ್ ಕಾಲುವೆಯ ಬೆಡಗು!
ಒಟ್ಟಿನಲ್ಲಿ ಎಂವಿ ಎವರ್ ಗಿವನ್ ಹಡಗು ಇದೀಗ ಸುಯೆಜ್ ಕಾಲುವೆಯ ರಹದಾರಿಯಿಂದ ಸರಿದಿದ್ದು, ಜಾಗತಿಕ ಜಲಮಾರ್ಗ ವ್ಯಾಪಾರ ಮತ್ತೆ ತನ್ನ ಸೊಬಗನ್ನು ಮರಳಿ ಪಡೆಯಲಿದೆ ಎಂಬುದು ಸಂತಸದ ಸಂಗತಿ.
from India & World News in Kannada | VK Polls https://ift.tt/3cATvAe
