ಕೊಚ್ಚಿ: ಲವ್‌ ಜಿಹಾದ್‌ ಅಸ್ತ್ರದ ಮೂಲಕ ಮತದಾರರನ್ನು ಬೆದರಿಸುವ ಬಿಜೆಪಿಯ ತಂತ್ರ ಕೇರಳದಲ್ಲಿ ಫಲ ನೀಡುವುದಿಲ್ಲ ಎಂದು ಕಾಂಗ್ರೆಸ್‌ನ ಹಿರಿಯ ನಾಯಕ ಶಶಿ ತರೂರ್ ಅಭಿಪ್ರಾಯಪಟ್ಟಿದ್ದಾರೆ. ಕೇವಲ ದ್ವೇಷವನ್ನಷ್ಟೇ ಬಿತ್ತಬಲ್ಲದು ಮತ್ತು ಕೋಮವಾದವನ್ನಷ್ಟೇ ಹರಡಬಲ್ಲದು. ಕೇರಳವು ವೈವಿಧ್ಯಮಯ ಸಂಸ್ಕೃತಿಯನ್ನು ಹೊಂದಿರುವ ರಾಜ್ಯವಾಗಿದೆ. ಹೀಗಾಗಿ ಒಡೆದು ಆಳುವ ಆ ಪಕ್ಷದ ನೀತಿಯು ರಾಜ್ಯದಲ್ಲಿ ಕೆಲಸ ಮಾಡುವುದಿಲ್ಲ ಎಂದು ಅವರು ಸುದ್ದಿಸಂಸ್ಥೆಗೆ ನೀಡಿದ ಸಂದರ್ಶನದಲ್ಲಿ ಪ್ರತಿಪಾದಿಸಿದ್ದಾರೆ. ಮೆಟ್ರೊ ಮ್ಯಾನ್‌ ಖ್ಯಾತಿಯ ಇ.ಶ್ರೀಧರನ್‌ ಅವರ ಬಿಜೆಪಿ ಸೇರ್ಪಡೆ ಮತ್ತು ಸ್ಪರ್ಧೆ ಸಹ ರಾಜ್ಯ ರಾಜಕಾರಣದ ಮೇಲೆ ಯಾವುದೇ ಪ್ರಭಾವ ಬೀರುವುದಿಲ್ಲ. ಏಕೆಂದರೆ 88 ವರ್ಷದ ಶ್ರೀಧರನ್‌ ಅವರು ಕೇರಳದ ರಾಜಕೀಯ ಭವಿಷ್ಯದ ಉತ್ತರ ಅಲ್ಲ ಎನ್ನುವುದನ್ನು ರಾಜ್ಯದ ಮತದಾರರು ಅರ್ಥ ಮಾಡಿಕೊಂಡಿದ್ದಾರೆ ಎಂದೂ ತರೂರ್ ಹೇಳಿದ್ದಾರೆ. ರಾಜ್ಯದಲ್ಲಿ ಕಾಂಗ್ರೆಸ್‌ ನೇತೃತ್ವದ ಯಡಿಎಫ್‌ ಮೈತ್ರಿಕೂಟದ ಪರವಾಗಿ ಅಲೆ ಎದ್ದಿದೆ. ಈ ಸಲ ಯುಡಿಎಫ್‌ ಅಧಿಕಾರಕ್ಕೆ ಬರುವುದು ಖಚಿತ. ಮುಖ್ಯಮಂತ್ರಿ ಅಭ್ಯರ್ಥಿಯನ್ನು ಘೋಷಿಸದೇ ಚುನಾವಣೆ ಎದುರಿಸುವುದರಿಂದ ಯುಡಿಎಫ್‌ಗೆ ಯಾವುದೇ ಹಿನ್ನಡೆ ಆಗದು. ಸಮರ್ಥ ಮತ್ತು ಪ್ರತಿಭಾವಂತ ನಾಯಕರ ದಂಡೇ ಯುಡಿಎಫ್‌ನಲ್ಲಿದೆ. ಬಹುಮತ ದೊರೆತ ಬಳಿಕ ಅವರಲ್ಲೇ ಅತ್ಯಂತ ಸಮರ್ಥರನ್ನು ಮುಖ್ಯಮಂತ್ರಿ ಅಭ್ಯರ್ಥಿಯಾಗಿ ಆಯ್ಕೆ ಮಾಡಲಾಗುವುದು ಎಂದು ಶಶಿ ತರೂರ್ ತಿಳಿಸಿದ್ದಾರೆ.
from India & World News in Kannada | VK Polls https://ift.tt/3dfs6mz
