ಹೊಸದಿಲ್ಲಿ: ಕಳೆದ ಮೂರು ವರ್ಷಗಳ ಹಿಂದೆ ಚೆಂಡು ವಿರೂಪ ಪ್ರಕರಣದಿಂದ ಆಸ್ಟ್ರೇಲಿಯಾ ತಂಡದ ನಾಯಕತ್ವದಿಂದ ಕೆಳಗೆ ಇಳಿದಿದ್ದ ಸ್ಟೀವನ್‌ ಸ್ಮಿತ್, ಇದೀಗ ಅವಕಾಶ ಸಿಕ್ಕರೆ ರಾಷ್ಟ್ರೀಯ ತಂಡವನ್ನು ಮುನ್ನಡೆಸಲು ಸಿದ್ದ ಎಂಬ ಮಹತ್ವದ ವಿಷಯವನ್ನು ಬಹಿರಂಗಪಡಿಸಿದ್ದಾರೆ. 2018ರಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧ ಟೆಸ್ಟ್ ಪಂದ್ಯವೊಂದರಲ್ಲಿ ಚೆಂಡು ವಿರೂಪ ಪ್ರಕರಣದಲ್ಲಿ ಸಿಕ್ಕಿ ಬಿದ್ದಿದ್ದ ಸ್ಮಿತ್ ಅವರನ್ನು ಅಂತಾರಾಷ್ಟ್ರೀಯ ಕ್ರಿಕೆಟ್‌ನಿಂದ 12 ತಿಂಗಳು ಕಾಲ ಅಮಾನತುಗೊಳಿಸಲಾಗಿತ್ತು ಹಾಗೂ ತಂಡದ ನಾಯಕತ್ವದಿಂದ ಬಲಗೈ ಬ್ಯಾಟ್ಸ್‌ಮನ್ ಅನ್ನು ಕೆಳಗೆ ಇಳಿಸಲಾಗಿತ್ತು. ಈ ಘಟನೆ ಆಧುನಿಕ ಕ್ರಿಕೆಟ್‌ನ ಸ್ಟಾರ್ ಕ್ರಿಕೆಟಿಗನಿಗೆ ಭಾರಿ ಹಿನ್ನಡೆಯಾಗಿತ್ತು. 12 ತಿಂಗಳ ನಿಷೇಧ ಶಿಕ್ಷೆ ಮುಗಿಸಿಕೊಂಡು 2019ರ ಜೂನ್‌ ತಿಂಗಳಲ್ಲಿ ಆಸ್ಟ್ರೇಲಿಯಾ ತಂಡಕ್ಕೆ ಮರಳಿಸಿದ್ದರು. ಈ ವೇಳೆ ಹಾಗೂ ಕ್ರಮವಾಗಿ ಟೆಸ್ಟ್ ಹಾಗೂ ಓಡಿಐ ತಂಡಗಳನ್ನು ಮುನ್ನಡೆಸುತ್ತಿದ್ದರು. ಈಗಲೂ ಕೂಡ ಈ ಇಬ್ಬರು ತಂಡದ ಸಾರಥ್ಯ ಮುಂದುವರಿಸಿದ್ದಾರೆ. "ಚೆಂಡು ವಿರೂಪ ಪ್ರಕರಣದಿಂದ 12 ತಿಂಗಳ ಶಿಕ್ಷೆ ಅನುಭವಿಸಿದ್ದರಿಂದ ನಾನು ನನ್ನ ಬಗ್ಗೆ ಸಾಕಷ್ಟು ಕಲಿತಿದ್ದೇನೆ ಹಾಗೂ ಉತ್ತಮ ಮನುಷ್ಯನಾಗಿ ಬೆಳೆದಿದ್ದೇನೆ," ಎಂದು ಹೇಳಿದ್ದಾರೆ. ಸ್ಟೀವ್ ಸ್ಮಿತ್ ತನ್ನ 2 ವರ್ಷಗಳ ನಾಯಕತ್ವ ನಿಷೇಧವನ್ನು ಪೂರ್ಣಗೊಳಿಸಿದ ನಂತರ ಆಸ್ಟ್ರೇಲಿಯಾ ತಂಡದ ನಾಯಕತ್ವದ ಬಗ್ಗೆ ಊಹಾಪೋಹಗಳು ಗಾಳಿಯಲ್ಲಿ ತೇಲಾಡುತ್ತಿವೆ. ಸ್ಮಿತ್ ಅವರನ್ನು ಮತ್ತೆ ನಾಯಕನನ್ನಾಗಿ ನೇಮಿಸಬೇಕು ಎಂದು ಹಲವರು ನಂಬಿದರೆ, ಇತರರು ಈ ವಿಚಾರವನ್ನು ಬಲವಾಗಿ ತಿರಸ್ಕರಿಸಿದ್ದಾರೆ. ಈ ಬಗ್ಗೆ ನ್ಯೂಸ್‌ ಕಾರ್ಪ್‌ ಜೊತೆ ಮಾತನಾಡಿದ ಸ್ಟೀವನ್‌ ಸ್ಮಿತ್, "ನಾನು ಖಂಡಿತವಾಗಿಯೂ ನಾಯಕತ್ವದ ಬಗ್ಗೆ ಯೋಚಿಸಲು ಸಾಕಷ್ಟು ಸಮಯವನ್ನು ಹೊಂದಿದ್ದೇನೆ. ಈಗ ನಾನು ಒಂದು ಹಂತಕ್ಕೆ ತಲುಪಿದ್ದೇನೆ, ಅವಕಾಶ ಸಿಕ್ಕರೆ ತಂಡವನ್ನು ಮುನ್ನಡೆಸಲು ಉತ್ಸುಕನಾಗಿದ್ದೇನೆ. ನಾನು ನಾಯಕತ್ವ ವಹಿಸಿಕೊಳ್ಳುವುದು ಕ್ರಿಕೆಟ್ ಆಸ್ಟ್ರೇಲಿಯಾಗೆ ಇಷ್ಟವಾಗಿದ್ದರೆ, ತಂಡಕ್ಕೆ ಇದು ಸರಿಯಾದ ಸಮಯ ಎನಿಸಿದರೆ, ಈ ಬಗ್ಗೆ ನಾನು ಆಸಕ್ತಿಯನ್ನು ಹೊಂದಿದ್ದೇನೆ," ಎಂದು ಸ್ಮಿತ್ ಹೇಳಿದರು. ಆಸ್ಟ್ರೇಲಿಯಾ ನಾಯಕತ್ವವನ್ನು ವಹಿಸಿಕೊಳ್ಳುತ್ತಾರೋ ಅಥವಾ ಇಲ್ಲವೋ ಎಂಬುದನ್ನು ಲೆಕ್ಕಿಸದ ಸ್ಟೀವ್ ಸ್ಮಿತ್, ಕೇಪ್ ಟೌನ್‌ ಸಂಗತಿಗಳೊಂದಿಗೆ ಬದುಕಬೇಕಾಗುತ್ತದೆ ಎಂದು ಒಪ್ಪಿಕೊಂಡಿದ್ದಾರೆ. ಈ ಘಟನೆಯು ಒಬ್ಬ ವ್ಯಕ್ತಿಯಾಗಿ ಬೆಳೆಯಲು ಮತ್ತು ತನ್ನ ಬಗ್ಗೆ ಇನ್ನಷ್ಟು ತಿಳಿದುಕೊಳ್ಳಲು ಸಹಾಯ ಮಾಡಿದೆ ಎಂದು ಸ್ಟಾರ್ ಬ್ಯಾಟ್ಸ್‌ಮನ್ ಒಪ್ಪಿಕೊಳ್ಳುತ್ತಾರೆ. "ಅವಕಾಶ ಬಂದರೆ ನಾನು ಉತ್ತಮ ಸ್ಥಾನದಲ್ಲಿರುತ್ತೇನೆ ಎಂದು ಭಾವಿಸುತ್ತೇನೆ. ಒಂದು ವೇಳೆ ಇದು ಸಾಧ್ಯವಾಗದೇ ಹೋದರೆ ಪರವಾಗಿಲ್ಲ. ಟಿಮ್ ಪೇನ್‌ ಹಾಗೂ ಆರೋನ್‌ ಫಿಂಚ್‌ ಅವರನ್ನು ಸಹಕರಿಸಿದ ರೀತಿಯಲ್ಲಿಯೇ ಉಸ್ತುವಾರಿ ವಹಿಸುವವರನ್ನು ನಾನು ಬೆಂಬಲಿಸುತ್ತೇನೆ," ಸ್ಟೀವನ್‌ ಸ್ಮಿತ್ ಹೇಳಿದರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3dgBINP
