ಅಜಿತ್ ಆರಾಡಿ ಉಡುಪಿ ಜೋಗ ಜಲಪಾತ, ಕುದುರೆಮುಖ, ಬಂಡೀಪುರ ಅಭಯಾರಣ್ಯ, ಕೊಡಚಾದ್ರಿ, ಸಹ್ಯಾದ್ರಿ, ಮಲ್ಪೆ ಕಡಲ ಕಿನಾರೆ ಸಹಿತ ರಾಜ್ಯದಲ್ಲಿ ಬರೋಬ್ಬರಿ 778 ಪ್ರವಾಸಿ ತಾಣಗಳಿವೆ. ಕಳೆದ 6-7 ತಿಂಗಳ ಅವಧಿಯಲ್ಲಿ ಕಾರ್ಯ ನಡೆದಿದ್ದು, ಹೆಚ್ಚುವರಿಯಾಗಿ 459 ಪ್ರವಾಸಿ ತಾಣಗಳನ್ನು ಗುರುತಿಸಲಾಗಿದೆ. ಈ ಬಗ್ಗೆ ಸರಕಾರದಿಂದ ಇನ್ನಷ್ಟೇ ಅನುಮೋದನೆ ಸಿಗಬೇಕಿದೆ. ಕರಾವಳಿ ಕರ್ನಾಟಕದ ಉಡುಪಿಯಂತಹ ಪುಟ್ಟ ಜಿಲ್ಲೆಯಲ್ಲೇ ಹೆಚ್ಚುವರಿ 20 ತಾಣಗಳ ಸರ್ವೆ ಆಗಿದ್ದು, ಸದ್ಯ 104 ಪ್ರವಾಸಿ ತಾಣಗಳನ್ನು ಗುರುತಿಸಲಾಗಿದೆ. ಅಭಿವೃದ್ಧಿ ನಿಟ್ಟಿನಲ್ಲಿ ವಿಷನ್ ಡಾಕ್ಯುಮೆಂಟ್ನಡಿ ಈ ಸರ್ವೆ ಕಾರ್ಯ ನಡೆದಿದೆ. ಈ ಸರ್ವೆ ಕಾರ್ಯಕ್ಕೆ ಪ್ರವಾಸೋದ್ಯಮ ವಿಷಯದಲ್ಲಿ ಸ್ನಾತಕೋತ್ತರ ಪದವಿ ಮಾಡುತ್ತಿರುವ ವಿದ್ಯಾರ್ಥಿಗಳು, ಇಲಾಖೆ ಮುಖ್ಯಸ್ಥರು, ಸಂಘಟಕರು ಕೈಜೋಡಿಸಿದ್ದಾರೆ. ಉಡುಪಿ ಜಿಲ್ಲೆಯ ಬೀಚ್, ಪಾಲ್ಸ್, ದೇವಸ್ಥಾನಗಳು ಸೇರಿದಂತೆ ಪಶ್ಚಿಮ ಘಟ್ಟದಿಂದ ಸಮುದ್ರದ ತನಕವೂ ಸರ್ವೆ ನಡೆದಿದೆ. ಈ ಡಾಕ್ಯುಮೆಂಟ್ ಸಿದ್ಧವಾಗಿದ್ದು, ಜಿಲ್ಲಾಉಸ್ತುವಾರಿ ಸಚಿವರಿಗೊಮ್ಮೆ ತೋರಿಸಿ ಒಪ್ಪಿಗೆ ಪಡೆಯಬೇಕಾಗಿದೆ. ಉಸ್ತುವಾರಿ ಸಚಿವರ ಅಂಕಿತ ಬಿದ್ದರೆ ಮುಂದೆ ಈ ನಿಟ್ಟಿನಲ್ಲಿ ಕೆಲಸ ಕಾರ್ಯಗಳು ನಡೆಯಲಿದೆ ಎಂದು ಉಡುಪಿ ಜಿಲ್ಲಾಕಾರಿ ಜಿ. ಜಗದೀಶ್ ತಿಳಿಸಿದ್ದಾರೆ. ಉಡುಪಿ ಜಿಲ್ಲೆಯನ್ನು ಪ್ರವಾಸೋದ್ಯಮದ ಆದ್ಯತಾ ವಲಯವೆಂದು ವಿಶೇಷವಾಗಿ ಗುರುತಿಸಲಾಗಿದೆ. ಮುಂದಿನ 10 ವರ್ಷಗಳಲ್ಲಿ ಪ್ರವಾಸೋದ್ಯಮ ಹೇಗೆ ಇರಬೇಕು? ಯಾವ ರೀತಿಯ ಗುರಿ ಇಟ್ಟುಕೊಂಡು ಅಭಿವೃದ್ಧಿ ಗಮನದಲ್ಲಿಟ್ಟು ಸರ್ವೆ ನಡೆಸಲಾಗಿದೆ. 8-10 ತಿಂಗಳ ಅವಧಿಯಲ್ಲಿ ವರದಿ ಸಿದ್ಧವಾಗಿದೆ. ಇಲ್ಲಿ ಸ್ನಾತಕೋತ್ತರ ವಿದ್ಯಾರ್ಥಿಗಳ ಹಾಗೂ ಅಕಾರಿಗಳ ತಂಡದ ಶ್ರಮ ಬಹಳಷ್ಟಿದೆ ಎಂದರು. ಉಡುಪಿ ಜಿಲ್ಲೆಯ ಪಡುಬಿದ್ರಿ ಬ್ಲೂಫ್ಲ್ಯಾಗ್ ಬೀಚ್ನ ಮಾದರಿಯಲ್ಲೇ ಖಾಸಗಿ ಸಹಭಾಗತ್ವದಲ್ಲಿ ಉಳಿದ ಬೀಚ್ ಅಭಿವೃದ್ಧಿಗೆ ಆದ್ಯತೆ ನೀಡುವುದು. ಕೇರಳ ಮಾದರಿಯಲ್ಲಿ ಬೋಟ್ಹೌಸ್ಗಳ ಸಂಖ್ಯೆ ಹೆಚ್ಚಿಸುವುದು. ಬೋಟ್ಹೌಸ್ ಉತ್ತೇಜಿಸಲು ಶೇ.50ರಷ್ಟು ಸಬ್ಸಿಡಿ ನೀಡುವಂತೆ ಸರಕಾರಕ್ಕೆ ಕೇಳಿಕೊಳ್ಳಲಾಗುವುದು. ಈ ಮೂಲಕ ಉದ್ಯೋಗ ಸೃಷ್ಟಿಯೂ ಸಾಧ್ಯ. ಹೋಂ ಸ್ಟೇ, ರೆಸಾರ್ಟ್, ಹೋಟೆಲ್ ಸಹಿತ ಮೂಲಸೌಕರ್ಯಗಳಿಗೆ ಆದ್ಯತೆ ನೀಡಲಾಗುವುದು. ಪ್ರವಾಸೋದ್ಯಮಕ್ಕೆ ಸಂಬಂಧಿಸಿ ಪ್ರತಿವರ್ಷ ಯಾವೆಲ್ಲ ಕಾರ್ಯಕ್ರಮ ಆಗಬೇಕೆಂಬುದನ್ನು ತೋರಿಸುವುದಕ್ಕೆ ಕ್ಯಾಲೆಂಡರ್ ಮಾಡಬೇಕಾಗಿದೆ. -ಜಿ.ಜಗದೀಶ್, ಜಿಲ್ಲಾಕಾರಿ, ಉಡುಪಿ ಜಿಲ್ಲೆ ರಾಜ್ಯದಲ್ಲಿ ಸರಕಾರ ಗುರುತಿಸಿರುವ 319 ಪ್ರವಾಸಿ ತಾಣಗಳ ಜತೆಗೆ ಹೊಸದಾಗಿ 459 ತಾಣಗಳ ಸರ್ವೆ ನಡೆದಿದೆ. ಈ ಪ್ರವಾಸಿ ತಾಣಗಳ ಅಭಿವೃದ್ಧಿ, ಮೂಲಸೌಕರ್ಯಗಳ ಜೋಡಣೆಗೆ ಹಂತಹಂತವಾಗಿ ಕಾರ್ಯಕ್ರಮ ಹಾಕಿಕೊಳ್ಳಲಾಗುತ್ತದೆ. ಉಡುಪಿ ಜಿಲ್ಲೆಯಲ್ಲೂ ಸದ್ಯ 104 ತಾಣಗಳಿವೆ. ಜಿಲ್ಲಾಉಸ್ತುವಾರಿ ಸಚಿವರು, ಶಾಸಕರು, ಜಿಲ್ಲಾಡಳಿತ ತೀರ್ಮಾನಿಸಲಿದೆ. -ಬನವಾಸಿ ಸೋಮಶೇಖರ್, ಸಹಾಯಕ ನಿರ್ದೇಶಕರು, ಪ್ರವಾಸೋದ್ಯಮ ಇಲಾಖೆ
from India & World News in Kannada | VK Polls https://ift.tt/2NViwMW
