ಬಾಗಲಕೋಟೆ: ನಿಂತಿದ್ದ ಲಾರಿಗೆ ವೇಗವಾಗಿ ಕಾರು ಡಿಕ್ಕಿಯಾದ ಪರಿಣಾಮ ನಾಲ್ವರು ಮೃತಪಟ್ಟಿರುವ ದಾರುಣ ಘಟನೆ ಜಿಲ್ಲೆಯ ಬೇವಿನಮಟ್ಟಿ ಕ್ರಾಸ್ ಬಳಿ ನಡೆದಿದೆ. ಈ ಘಟನೆ ಭಾನುವಾರ ತಡರಾತ್ರಿ ನಡೆದಿದ್ದು, ಬರ್ತ್ ಡೇ ಗೆಂದು ಹೋದವರು ಸಾವನಪ್ಪಿದ್ದಾರೆ. ಚಂದ್ರಶೇಖರ ಬುಟ್ಟಾ(22),ನವೀನ್ ಸಾಕಾ( 20),ಚೆನ್ನಬಸವ ಅಂಜಿ(22), ಬಸವರಾಜ ಭಂಡಾರಿ (33) ಮೃತ ದುರ್ದೈವಿಗಳು. ಇನ್ನು ಕಾರು ಚಾಲಕ ವಿಜಯ್ ಕುಮಾರ್ ಬಂಡಿ ಸ್ಥಿತಿ ಗಂಭೀರವಾಗಿದೆ. ಮೃತಪಟ್ಟವರೆಲ್ಲ ಇಳಕಲ್‌ ಮೂಲದವರು ಎಂದು ತಿಳಿದುಬಂದಿದೆ. ಇಳಕಲ್‌ನಿಂದ ಗುಳೇದಗುಡ್ಡಕ್ಕೆ ಬರ್ತ್ ಡೇ ಆಚರಣೆ ಹಿನ್ನೆಲೆ ಗೆಳೆಯರೆಲ್ಲ ಹೋಗಿದ್ರು, ಬರ್ತ ಡೇ ಆಚರಣೆ ಮುಗಿಸಿ ವಾಪಸ್ ಹುನಗುಂದ ಮಾರ್ಗವಾಗಿ ಇಳಕಲ್‌ಗೆ ಹೋಗುವಾಗ ದುರ್ಘಟನೆ ನಡೆದಿದೆ. ಇನ್ನು ಘಟನೆ ಬಳಿಕ ಲಾರಿ ಸಮೇತ ಚಾಲಕ ಪರಾರಿಯಾಗಿದ್ದಾನೆ. ಹುನಗುಂದ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
from India & World News in Kannada | VK Polls https://ift.tt/3rzf4p0
