ಬೆಂಗಳೂರು: ಅಶ್ಲೀಲ ಸಿ.ಡಿ ಬಹಿರಂಗ ಪ್ರಕರಣಕ್ಕೆ ಸಂಬಂಧಿಸಿದಂತೆ ಸಿ.ಡಿಯಲ್ಲಿದ್ದ ಯುವತಿಯ ದೂರು ಆಧರಿಸಿ ಮಾಜಿ ಸಚಿವ ರಮೇಶ್‌ ಜಾರಕಿಹೊಳಿ ಸೋಮವಾರ ಎಸ್‌ಐಟಿ ಅಧಿಕಾರಿಗಳ ಮುಂದೆ ಹಾಜರಾದಾಗ ನಾಲ್ಕು ತಾಸು ವಿಚಾರಣೆ ಎದುರಿಸಿದರು. 27 ದಿನಗಳಿಂದಲೂ ಕುತೂಹಲ ಮೂಡಿಸಿರುವ ಅಶ್ಲೀಲ ಸಿ.ಡಿ ಕೇಸ್‌ ಸೋಮವಾರ ಒಂದು ಪ್ರಮುಖ ತಿರುವು ಪಡೆದುಕೊಂಡಿದೆ. ಉದ್ಯೋಗ ಕೊಡಿಸುವುದಾಗಿ ನಂಬಿಸಿ ದೈಹಿಕವಾಗಿ ಬಳಸಿಕೊಂಡಿದ್ದಾರೆ ಎಂದು ವಕೀಲರ ಮೂಲಕ ಯುವತಿಯು ಕಬ್ಬನ್‌ಪಾರ್ಕ್ ಠಾಣೆಯಲ್ಲಿ ದೂರು ನೀಡಿದ್ದರು. ಹೀಗಾಗಿ ವಿಚಾರಣೆಗೆ ಹಾಜರಾಗಲು ಭಾನುವಾರ ನೋಟಿಸ್‌ ನೀಡಲಾಗಿತ್ತು. ನೋಟಿಸ್‌ ಸ್ವೀಕರಿಸಿದ ರಮೇಶ್‌ ಜಾರಕಿಹೊಳಿ, ಸೋಮವಾರ 10 ಗಂಟೆಗೆ 10 ನಿಮಿಷ ಇರುವಾಗಲೇ ತಮ್ಮ ವಕೀಲ ವಕೀಲ ಶ್ಯಾಮ್‌ಸುಂದರ್‌ ಹಾಗೂ ಸ್ನೇಹಿತ ಮಾಜಿ ಶಾಸಕ ನಾಗರಾಜ್‌ ಜತೆ ಆಡುಗೋಡಿಯ ಎಸ್‌ಐಟಿ ಕಚೇರಿಯ ಟೆಕ್ನಿಕಲ್‌ ಕೇಂದ್ರಕ್ಕೆ ಬಂದರು. ಆದರೆ, ತನಿಖಾಧಿಕಾರಿಗಳು ತಡವಾಗಿ ಬಂದರು. 50ಕ್ಕೂ ಹೆಚ್ಚು ಪ್ರಶ್ನೆಗಳಿಗೆ ಜಾರಕಿಹೊಳಿ ಉತ್ತರಿಸಿದ್ದು, ಕೆಲವು ಪ್ರಶ್ನೆಗಳಿಗೆ ಕಾಲಾವಕಾಶ ಕೇಳಿದ್ದಾರೆ ಎಂದು ಪೊಲೀಸ್‌ ಮೂಲಗಳಿಂದ ತಿಳಿದು ಬಂದಿದೆ. ಯುವತಿಯ ಪರಿಚಯ, ಉದ್ಯೋಗ ಕೊಡಿಸುವ ಭರವಸೆ ಇತ್ಯಾದಿ ಪ್ರಶ್ನೆಗೆ, ‘ಯುವತಿ ನನಗೆ ಪರಿಚಯವಿಲ್ಲ. ಇನ್ನು ಉದ್ಯೋಗ ಕೊಡಿಸುವ ಭರವಸೆ ಎಲ್ಲಿಂದ ಸಾಧ್ಯ?’ ಎಂದು ಉತ್ತರಿಸಿದ್ದಾರೆ. ಜತೆಗೆ ವಿಡಿಯೊ ನಕಲಿಯಾಗಿದ್ದು, ಇದನ್ನು ಎಡಿಟ್‌ ಮಾಡಿ ಹರಿಬಿಡಲಾಗಿದೆ. ನನ್ನ ವಿರುದ್ಧ ಷಡ್ಯಂತ್ರ ನಡೆದ ಬಗ್ಗೆ ಈಗಾಗಲೇ ದೂರು ನೀಡಿದ್ದು ತನಿಖೆ ನಡೆಸುವಂತೆಯೂ ಒತ್ತಾಯಿಸಿದ್ದಾರೆನ್ನಲಾಗಿದೆ. ಉಳಿದಂತೆ ತನಿಖಾಧಿಕಾರಿಗಳ ಎಲ್ಲ ಪ್ರಶ್ನೆಗಳಿಗೂ ಕಾನೂನು ಸಲಹೆಗಾರರ ಸಲಹೆಯಂತೆ ಉತ್ತರಿಸಲು ನಾಲ್ಕು ದಿನಗಳು ಕಾಲಾವಕಾಶ ಬೇಕು ಎಂದು ಕೇಳಿದ್ದಾರೆನ್ನಲಾಗಿದೆ. ರಮೇಶ್‌ ಬಂಧಿಸುವಂತೆ ಪ್ರತಿಭಟನೆ ರಮೇಶ್‌ ಜಾರಕಿಹೊಳಿಯನ್ನು ಕೂಡಲೇ ಬಂಧಿಧಿಸಬೇಕು ಎಂದು ಆಗ್ರಹಿಸಿ ಕನ್ನಡಪರ ಸಂಘಟಧಿನೆಗಳು ಹಾಗೂ ಕಾಂಗ್ರೆಸ್‌ ಪಕ್ಷದ ಕಾರ್ಯಕರ್ತರು ನಗರದ ನಾನಾ ಕಡೆಗಳಲ್ಲಿ ಪ್ರತಿಭಟನೆ ನಡೆಸಿದರು. ಆಡುಗೋಡಿ ಎಸ್‌ಐಟಿ ಕಚೇರಿ ಮುಂಭಾಗ ಜಮಾಯಿಸಿದ ನೂರಾರು ಕಾಂಗ್ರೆಸ್‌ ಕಾರ್ಯಕರ್ತರು ರಮೇಶ್‌ ಜಾರಕಿಹೊಳಿ ಬಂಧಿಸುವಂತೆ ಘೋಷಣೆ ಕೂಗಿ ಆಕ್ರೋಶ ವ್ಯಕ್ತಪಡಿಸಿರು. ಇನ್ನು ಆನಂದ್‌ರಾವ್‌ ವೃತ್ತದಲ್ಲೂ ಕಾಂಗ್ರೆಸ್‌ ಮುಖಂಡರು ಹಾಗೂ ಕಾರ್ಯಕರ್ತರು ಜಮಾವಣೆಗೊಂಡು ರಮೇಶ್‌ ಜಾರಕಿಹೊಳಿ ಭಾವಚಿತ್ರಕ್ಕೆ ಪೊರಕೆಯಲ್ಲಿ ಹೊಡೆದು ಆಕ್ರೋಶ ವ್ಯಕ್ತಪಡಿಸಿದರು.
from India & World News in Kannada | VK Polls https://ift.tt/39rtMZ8
