ಜಕಾರ್ತಾ: ಇಂಡೋನೇಷ್ಯಾದ ಮಕಸ್ಸರ್‌ನಲ್ಲಿರುವ ಬಳಿ ಭೀಕರ ಸ್ಪೋಟ ಸಂಭವಿಸಿದೆ. ಇಬ್ಬರು ಆತ್ಮಾಹುತಿ ಬಾಂಬರ್‌ಗಳು ತಮ್ಮನ್ನು ತಾವು ಸ್ಪೋಟಿಸಿಕೊಂಡು ರಣ ಕೇಕೆ ಹಾಕಿದ್ದಾರೆ. ಸುಲಾವೆಸಿ ಪ್ರಾಂತ್ಯದ ರಾಜಧಾನಿ ಮಕಸ್ಸರ್‌ನಲ್ಲಿರುವ ಸೇಕ್ರೆಡ್‌ ಹಾರ್ಟ್ ಆಫ್‌ ಜೇಸಸ್‌ ಕೆಥಡ್ರಲ್‌ನಲ್ಲಿ ಗರಿಗಳ ಭಾನುವಾರ (ಪಾಮ್‌ ಸಂಡೆ) ಆಚರಣೆಯಲ್ಲಿ ತೊಡದ್ದರು, ಈ ವೇಳೆ ಚರ್ಚ್‌ ಬಳಿ ಬಂದ ಬಾಂಬರ್‌ಗಳು ಸ್ಪೋಟಿಸಿಕೊಂಡಿದ್ದಾರೆ. ಅದೃಷ್ಟವಶಾತ್‌ ಯಾವುದೇ ಪ್ರಾಣ ಹಾನಿ ಸಂಭವಿಸಿಲ್ಲ. ಘಟನೆಯಲ್ಲಿ 14 ಮಂದಿ ಗಂಭೀರ ಗಾಯಗೊಂಡಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ. ಭದ್ರತಾ ಪಡೆ ನಿಲ್ಲಿಸಿದ್ದರಿಂದ ತಪ್ಪಿದ ಅನಾಹುತ!ಹಬ್ಬದ ಹಿನ್ನೆಲೆ ಹಾಗೂ ಭಾನುವಾರ ಆಗಿದ್ದರಿಂದ ಚರ್ಚ್‌ಗೆ ಭಾರೀ ಸಂಖ್ಯೆಯಲ್ಲಿ ಜನರು ಆಗಮಿಸುತ್ತಿದ್ದರು. ಈ ವೇಳೆ ಬೈಕ್‌ನಲ್ಲಿ ಆತ್ಮಾಹುತಿ ಬಾಂಬರ್‌ಗಳು ಕೂಡ ಬಂದಿದ್ದಾರೆ. ಬೈಕ್‌ ನಿಲ್ಲಿಸಿ ಚರ್ಚ್‌ ಪ್ರವೇಶಕ್ಕೆ ಮುಂದಾಗಿದ್ದಾರೆ. ಈ ವೇಳೆ ಅಲ್ಲಿದ್ದ ಭದ್ರತಾ ಪಡೆ ಅನುಮಾನಗೊಂಡು, ಅವರನ್ನು ಬಾಗಿಲ ಬಳಿ ತಡೆದು ನಿಲ್ಲಿಸಿದ್ದಾರೆ. ಈ ವೇಳೆ ಏಕಾಏಕಿ ಇಬ್ಬರು ತಮ್ಮನ್ನು ತಾವು ಸ್ಪೋಟಿಸಿಕೊಂಡಿದ್ದಾರೆ. 2002ರಲ್ಲಿ ಬಾಲಿಯಲ್ಲಿ ಬಾಂಬ್‌ ಸ್ಫೋಟಿಸಿ 202 ಮಂದಿ ಮೃತಪಟ್ಟಿದ್ದರು. ಬಳಿಕ ಇಂಡೋನೇಷ್ಯಾದಲ್ಲಿ ಆಗಾಗ ಸಣ್ಣ ಪ್ರಮಾಣದ ಬಾಂಬ್‌ ದಾಳಿಗಳು ನಡೆಯುತ್ತಲೇ ಇರುತ್ತದೆ.
from India & World News in Kannada | VK Polls https://ift.tt/2QNiWWT
