ಕೈರೋ: ಬಳಿ ಸಿಲುಕಿಕೊಂಡಿರುವ ಜಪಾನ್ ಒಡೆತನದ ಎಂವಿ ಎವರ್ ಗಿವನ್ ಹಡಗನ್ನು ಇನ್ನೂ ಬಂದರಿಗೆ ಕರೆತರಲು ಸಾಧ್ಯವಾಗಿಲ್ಲ. ಪರಿಣಾಮವಾಗಿ ಸುಯೆಜ್ ಕಾಲುವೆಯಲ್ಲಿ ಸುಮಾರು 120ಕ್ಕೂ ಅಧಿಕ ಸರಕು ಹಡಗುಗಳು ಸಾಲುಗಟ್ಟಿ ನಿಂತಿದ್ದು, ಜಾಗತಿಕ ವ್ಯಾಪಾರದ ಮೇಲೆ ಭಾರೀ ದುಷ್ಪರಿಣಾಮ ಬೀರಿದೆ. ಎವರ್ ಗಿವನ್ ಹಡಗು ಸಿಲುಕಿರುವ ಸ್ಥಳ ಅತ್ಯಮತ ಕಿರಿದಾಗಿದ್ದು, ಅಲ್ಲಿಂದ ಈ ಹಡಗನ್ನು ಬಂದರಿಗೆ ಕರೆತರಲು ಸಿಬ್ಬಂದಿ ಭಾರೀ ಹರಸಾಹಸ ಪಡುತ್ತಿದ್ದಾರೆ. ಏಷ್ಯಾ ಹಾಗೂ ಯುರೋಪ್ ನಡುವೆ ಸಂಚರಿಸುವ ಸುಮಾರು 120ಕ್ಕೂ ಹೆಚ್ಚು ಸರಕು ಹಡಗುಗಳು, ಸುಯೆಜ್ ಕಾಲುವೆಯಲ್ಲೇ ಸಾಲುಗಟ್ಟಿ ನಿಂತಿವೆ. ಇದರಿಂದ ಒಂದು ದಿನಕ್ಕೆ ಸರಿಸುಮಾರು 9.6 ಬಿಲಿಯನ್ ಅಮೆರಿಕನ್ ಡಾಲರ್ ವ್ಯಾಪಾರ ವಹಿವಾಟು ಸ್ಥಗಿತಗೊಂಡಿದೆ. ಸುಯೆಜ್ ಕಾಲುವೆ ಬಳಿ ಭಾರೀ ಗಾತ್ರದ ಹಡಗುಗಳು ಸಾಲುಗಟ್ಟಿ ನಿಂತಿರುವ ಉಪಗ್ರಹ ಛಾಯಾಚಿತ್ರಗಳನ್ನು ಬಿಡುಗಡೆ ಮಾಡಲಾಗಿದ್ದು, ಕಾಲುವೆಯ ರಹದಾರಿಯಲ್ಲಿ ಸಿಲುಕಿರುವ ಹಡಗನ್ನೂ ಕಾಣಬಹುದಾಗಿದೆ. ಎವರ್ ಗಿವನ್ ಹಡಗಿನ ಸರಕುಗಳನ್ನು ಖಾಲಿ ಮಾಡಲಾಗುತ್ತಿದ್ದು, ಸಣ್ಣ ಬೋಟ್‌ಗಳ ಸಹಾಯದಿಂದ ಹಂತ ಹಂತವಾಗಿ ಹಡಗನ್ನು ರಹದಾರಿಯಿಂದ ಸರಿಸುವ ಕಾರ್ಯ ಭರದಿಂದ ಸಾಗಿದೆ. ತೈವಾನ್‌ನ ಎವರ್‌ಗ್ರೀನ್ ಮರೈನ್ ಸಂಸ್ಥೆ ನಿರ್ವಹಿಸುವ ಎವರ್ ಗಿವನ್ ಸರಕು ಹಡಗು, ಸುಯೆಜ್ ಕಾಲುವೆ ದಾಟುವ ಸಂದರ್ಭದಲ್ಲಿ ಮಾರ್ಗ ಮಧ್ಯೆ ಸಿಲುಕಿಕೊಂಡಿತ್ತು.
from India & World News in Kannada | VK Polls https://ift.tt/3daqmLn
