ಹೊಸದಿಲ್ಲಿ: ನೇಪಾಳ ಕ್ರಿಕೆಟ್ ಸಂಸ್ಥೆ ತನ್ನ ಮಹತ್ವಾಕಾಂಕ್ಷೀಯ ಟಿ20 ಕ್ರಿಕೆಟ್ ಟೂರ್ನಿ ಆಗಿರುವ ಎವರೆಸ್ಟ್‌ ಪ್ರೀಮಿಯರ್‌ ಲೀಗ್‌ ಟೂರ್ನಮೆಂಟ್‌ಗೆ ದಕ್ಷಿಣ ಆಫ್ರಿಕಾದ ಮಾಜಿ ನಾಯಕ ಹಾಗೂ ಸ್ಫೋಟಕ ಬ್ಯಾಟ್ಸ್‌ಮನ್‌ ಅವರನ್ನು ಕರೆತರಲು ಯಶಸ್ವಿಯಾಗಿದೆ. ಕೊರೊನಾ ವೈರಸ್‌ ಭೀತಿ ಹಿನ್ನೆಲೆಯಲ್ಲಿ 2020ರ ಆವೃತ್ತಿಯ ಎವರೆಸ್ಟ್‌ ಪ್ರೀಮಿಯರ್‌ ಲೀಗ್‌ ಟೂರ್ನಿಯನ್ನು ರದ್ದು ಪಡಿಸಲಾಗಿತ್ತು. ಈ ಬಾರಿ ಇಪಿಎಲ್ 2021 ಟೂರ್ನಿಯನ್ನು ಸೆಪ್ಟೆಂಬರ್‌ 26ರಿಂದ ಅಕ್ಟೋಬರ್‌ 9ರವರೆಗೆ ಆಯೋಜಿಸಲು ನಿಗದಿ ಪಡಿಸಲಾಗಿದೆ. ಕಳೆದ ವರ್ಷ ಟೂರ್ನಿ ಮುಂದೂಡುವ ಮುನ್ನ ಪೋಖ್ರಾ ರೈನೋಸ್‌ ತಂಡ ಟಿ20 ಕ್ರಿಕೆಟ್‌ನ ವಿಶ್ವ ಶ್ರೇಷ್ಠ ಬ್ಯಾಟ್ಸ್‌ಮನ್‌ ಜೊತೆಗೆ ಒಪ್ಪಂಡ ಮಾಡಿಕೊಂಡಿತ್ತು. ಗೇಲ್ ಮತ್ತು ಎಬಿಡಿ ಹೊರತಾಗಿ ಐರ್ಲೆಂಡ್‌ನ ತಾರೆ ಕೆವಿನ್ ಓ'ಬ್ರಿಯರ್‌, ಪೌಲ್‌ ಸ್ಟೆರ್ಲಿಂಗ್, ರೊಹನ್ ಮುಸ್ತಫಾ, ರಾಲ್ಫ್ ವ್ಯಾನ್‌ ಡೆರ್‌ ಮೆರ್ವ್ ಮತ್ತು ರಿಚರ್ಡ್‌ ಲೆವಿ ಅವರಂತಹ ವಿದೇಶಿ ತಾರೆಗಳು ಟೂರ್ನಿಯಲ್ಲಿ ಪಾಲ್ಗೊಳ್ಳಲಿದ್ದಾರೆ. ಮಿಸ್ಟರ್‌ 360 ಬ್ಯಾಟ್ಸ್‌ಮನ್‌ ಖ್ಯಾತಿಯ ಎಬಿ ಡಿ'ವಿಲಿಯರ್ಸ್ ಎವರೆಸ್ಟ್‌ ಪ್ರೀಮಿಯರ್‌ ಲೀಗ್‌ ಆಡಲು ಸಮ್ಮತಿಸಿದ್ದಾರೆ ಎಂದು ಟೂರ್ನಿಯ ನಿರ್ವಾಹಕ ನಿರ್ದೇಶಕ ಆಮಿರ್‌ ಅಖ್ತರ್‌ ಖಾತ್ರಿ ಪಡಿಸಿದ್ದಾರೆ. "ಇಪಿಎಲ್ 2021 ಟೂರ್ನಿಗೆ ಸಾಧ್ಯವಾದಷ್ಟು ಶ್ರೇಷ್ಠ ವಿದೇಶಿ ಆಟಗಾರರನ್ನು ತರಲು ಸಕಲ ಪ್ರಯತ್ನ ಮಾಡುತ್ತಿದ್ದೇವೆ. ಕಳೆದ ವರ್ಷವೂ ಎಬಿಡಿ ಅವರನ್ನು ಕರೆತರಲು ಪ್ರಯತ್ನಿಸಿದೆವು. ಆದರೆ ಅವರ ಲಭ್ಯತೆ ಇರಲಿಲ್ಲ. ಆದರೆ ಈ ಬಾರಿ ಟೂರ್ನಿಯಲ್ಲಿ ಆಡುವುದಾಗಿ ಖಾತ್ರಿ ಪಡಿಸಿದ್ದಾರೆ," ಎಂದು ಆಮಿರ್‌ ಹೇಳಿದ್ದಾರೆ. "ಎಬಿ ಡಿ'ವಿಲಿಯರ್ಸ್ ಅವರಂತಹ ತಾರೆಯನ್ನು ಖರೀದಿಸಲು ಎಲ್ಲಾ ಫ್ರಾಂಚೈಸಿಗಳು ಮುಗಿ ಬೀಳಲಿವೆ. ನಮ್ಮಂತೆ ಉಳಿದ ತಂಡಗಳಿಗೂ ಎಬಿಡಿ ಅವರನ್ನು ಖರೀದಿಸುವ ಆಸೆಯಿದೆ. ಆದರೆ ನಮ್ಮ ತಂಡಕ್ಕೆ ಅವರನ್ನು ಕರೆದುಕೊಳ್ಳುತ್ತೇವೆ ಎಂಬ ವಿಶ್ವಾಸವಿದೆ," ಎಂದು ಲಲಿತ್ಪುರ್ ಪೇಟ್ರಿಯೊಟ್ಸ್‌ ತಂಡದ ಮಾಲೀಕ ಕಿಶೋರ್‌ ಮಹಾರಾಜನ್‌ ಹೇಳಿದ್ದಾರೆ. 6 ತಂಡಗಳ ನಡುವಣ ಲೀಗ್‌ ಟೂರ್ನಿ ಇದಾಗಿದ್ದು, ಪೋಖ್ರಾ ರೈನೋಸ್‌ ಮತತ್ತು ಲಲಿತ್ಪುರ್ ಪೇಟ್ರಿಯೊಟ್ಸ್‌ ತಂಡಗಳ ಹೊರತಾಗಿದ ಭೈರವ ಗ್ಲಾಡಿಯೇಟರ್ಸ್‌, ಚಿತ್ವಾನ್ ಟೈಗರ್ಸ್‌, ಬಿರಾಟ್‌ನಗರ್‌ ವಾರಿಯರ್ಸ್‌ ಮತ್ತು ಕಾಟ್ಮಂಡು ಕಿಂಗ್ಸ್‌ ಇಲೆವೆನ್‌ ತಂಡಗಳು ಸ್ಪರ್ಧೆಯಲ್ಲಿರುವ ತಂಡಗಳಾಗಿವೆ. ಅಂದಹಾಗೆ ಇದಕ್ಕೂ ಮುನ್ನ ಎಬಿ ಡಿ;ವಿಲಿಯರ್ಸ್, ಏಪ್ರಿಲ್ 9ರಿಂದ ಮೇ 30ರವರೆಗೆ ನಡೆಯಲಿರುವ ಹದಿನಾಲ್ಕನೇ ಆವೃತ್ತಿಯ ಇಂಡಿಯನ್ ಪ್ರೀಮಿಯರ್‌ ಲೀಗ್‌ ಟೂರ್ನಿಯಲ್ಲಿ ರಾಯಲ್‌ ಚಾಲೆಂಜರ್ಸ್‌ ಬೆಂಗಳೂರು ತಂಡದ ಪರ ಆಡಲಿದ್ದಾರೆ. , ಏಪ್ರಿಲ್ 9ರಂದು ಚೆನ್ನೈನ ಎಂ.ಎ ಚಿದಂಬರಂ ಕ್ರೀಡಾಂಗಣದಲ್ಲಿ ನಡೆಯಲಿರುವ ಉದ್ಘಾಟನಾ ಪಂದ್ಯದಲ್ಲಿ ಹಾಲಿ ಚಾಂಪಿಯನ್ಸ್‌ ಮುಂಬೈ ಇಂಡಿಯನ್ಸ್ ಎದುರು ಸೆಣಸಲಿದೆ. ಐಪಿಎಲ್ 2021 ಟೂರ್ನಿಯಲ್ಲಿ ಆರ್‌ಸಿಬಿ ತಂಡದ ಪಂದ್ಯಗಳು ಹೀಗಿವೆ
- 01. 9 ಏಪ್ರಿಲ್, ರಾತ್ರಿ 7.30: ಮುಂಬೈ ಇಂಡಿಯನ್ಸ್ vs ಆರ್‌ಸಿಬಿ (ಸ್ಥಳ: ಚೆನ್ನೈ)
- 02. 14 ಏಪ್ರಿಲ್, ರಾತ್ರಿ 7.30: ಸನ್‌ರೈಸರ್ಸ್‌ ಹೈದರಾಬಾದ್ vs ಆರ್‌ಸಿಬಿ (ಸ್ಥಳ: ಚೆನ್ನೈ)
- 03. 18 ಏಪ್ರಿಲ್, ಮಧ್ಯಾಹ್ನ 3.30: ಕೋಲ್ಕತಾ ನೈಟ್‌ ರೈಡರ್ಸ್‌ vs ಆರ್‌ಸಿಬಿ (ಸ್ಥಳ: ಚೆನ್ನೈ)
- 04. 22 ಏಪ್ರಿಲ್, ರಾತ್ರಿ 7.30: ರಾಜಸ್ಥಾನ್ ರಾಯಲ್ಸ್‌ vs ಆರ್‌ಸಿಬಿ (ಸ್ಥಳ: ಮುಂಬೈ)
- 05. 25 ಏಪ್ರಿಲ್, ಮಧ್ಯಾಹ್ನ 3.30: ಚೆನ್ನೈ ಸೂಪರ್‌ ಕಿಂಗ್ಸ್‌ vs ಆರ್‌ಸಿಬಿ (ಸ್ಥಳ: ಮುಂಬೈ)
- 06. 27 ಏಪ್ರಿಲ್, ರಾತ್ರಿ 7.30: ಡೆಲ್ಲಿ ಕ್ಯಾಪಿಟಲ್ಸ್‌ vs ಆರ್‌ಸಿಬಿ (ಸ್ಥಳ: ಅಹ್ಮದಾಬಾದ್)
- 07. 30 ಏಪ್ರಿಲ್, ರಾತ್ರಿ 7.30: ಪಂಜಾಬ್‌ ಕಿಂಗ್ಸ್‌ vs ಆರ್‌ಸಿಬಿ (ಸ್ಥಳ: ಅಹ್ಮದಾಬಾದ್)
- 08. 3 ಮೇ, ರಾತ್ರಿ 7.30: ಕೋಲ್ಕತಾ ನೈಟ್‌ ರೈಡರ್ಸ್‌ vs ಆರ್‌ಸಿಬಿ (ಸ್ಥಳ: ಅಹ್ಮದಾಬಾದ್)
- 09. 6 ಮೇ, ರಾತ್ರಿ 7.30: ಪಂಜಾಬ್‌ ಕಿಂಗ್ಸ್‌ vs ಆರ್‌ಸಿಬಿ (ಸ್ಥಳ: ಅಹ್ಮದಾಬಾದ್)
- 10. 9 ಮೇ, ರಾತ್ರಿ 7.30: ಸನ್‌ರೈಸರ್ಸ್‌ ಹೈದರಾಬಾದ್ vs ಆರ್‌ಸಿಬಿ (ಸ್ಥಳ: ಕೋಲ್ಕತಾ)
- 11. 14 ಮೇ, ರಾತ್ರಿ 7.30: ಡೆಲ್ಲಿ ಕ್ಯಾಪಿಟಲ್ಸ್‌ vs ಆರ್‌ಸಿಬಿ (ಸ್ಥಳ: ಕೋಲ್ಕತಾ)
- 12. 16 ಮೇ, ಮಧ್ಯಾಹ್ನ 3.30: ರಾಜಸ್ಥಾನ್ ರಾಯಲ್ಸ್‌ vs ಆರ್‌ಸಿಬಿ (ಸ್ಥಳ: ಕೋಲ್ಕತಾ)
- 13. 20 ಮೇ, ರಾತ್ರಿ 7.30: ಮುಂಬೈ ಇಂಡಿಯನ್ಸ್ vs ಆರ್‌ಸಿಬಿ (ಸ್ಥಳ: ಕೋಲ್ಕತಾ)
- 14. 23 ಮೇ, ರಾತ್ರಿ 7.30: ಚೆನ್ನೈ ಸೂಪರ್‌ ಕಿಂಗ್ಸ್‌ vs ಆರ್‌ಸಿಬಿ (ಸ್ಥಳ: ಕೋಲ್ಕತಾ)
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3su3igY
