ಕೈರೋ: ಕಳೆದ ಒಂದು ವಾರದಿಂದ ಸುಯೆಜ್ ಕಾಲುವೆಯಲ್ಲಿ ಸಿಲುಕಿದ್ದ ದೈತ್ಯ ಸರಕು ಹಡಗನ್ನು ಮರಳಿ ಬಂದರಿಗೆ ಕರೆತರುವಲ್ಲಿ ಸಿಬ್ಬಂದಿ ಯಶಸ್ವಿಯಾಗಿದ್ದಾರೆ. ಜಪಾನ್ ಒಡೆತನದ ತೈವಾನ್‌ನ ಎವರ್‌ಗ್ರೀನ್ ಕಂಪನಿ ನಿರ್ವಹಿಸುವ ಎಂಬ ದೈತ್ಯ ಸರಕು ಹಡಗು, ಕಳೆದ ವಾರ ಸುಯೆಜ್ ಕಾಲುವೆಯ ರಹದಾರಿ ದಾಟುವಾಗ ಮಾರಾfಗ ಮಧ್ಯೆ ಸಿಲುಕಿಕೊಂಡಿತ್ತು. ಇದರಿಂದಾಗಿ ಸುಯೆಜ್ ಕಾಲುವೆಯಲ್ಲಿ ಭಾರೀ ಸಂಖ್ಯೆಯಲ್ಲಿ ಸರಕು ಹಡಗುಗಳು ಸಾಲುಗಟ್ಟಿ ನಿಂತಿದ್ದವು. ಅಲ್ಲದೇ ಬಂದ್ ಆಗಿದ್ದರಿಂದ ದಿನವೊಂದಕ್ಕೆ ಬರೋಬ್ಬರಿ 9.6 ಬಿಲಿಯನ್ ಅಮೆರಿಕನ್ ಡಾಲರ್ ಜಾಗತಿಕ ವ್ಯಾಪಾರದ ಮೇಲೆ ದುಷ್ಪರಿಣಾಮ ಬೀರಿತ್ತು. ಇದೀಗ ಎಂವಿ ಎವರ್ ಗಿವನ್ ಹಡಗನ್ಗಗನು ಸುಯೆಜ್ ಕಾಲುವೆಯ ರಹದಾರಿಯಿಂದ ತೆರವುಗೊಳಿಸಲಾಗಿದ್ದು, ಸಂಚಾರ ಮುಕ್ತವಾಗಿದೆ ಎಂದು ಸಿಬ್ಬಂದಿ ಸ್ಪಷ್ಟಪಡಿಸಿದ್ದಾರೆ. ಇಂಚ್ ಕೇಪ್ ಶಿಪ್ಪಿಂಗ್ ಸರ್ವೀಸ್ ಸಂಸ್ಥೆ ಈ ದೈತ್ಯ ಹಡಗನ್ನು ಸುಯೆಜ್ ಕಾಲುವೆಯ ರಹದಾರಿಯಿಂದ ತೆರವುಗೊಳಿಸಿದ್ದು, ಈ ಹಡಗು ತನ್ನ ಮುಂದಿನ ಸಂಚಾರವನ್ನು ಕೈಗೊಳ್ಳಬಹುದು ಎಂದು ತಿಳಿಸಿದೆ. ಸದ್ಯಕ್ಕೆ ಸುಯೆಜ್ ಕಾಲುವೆಯ ರಹದಾರಿಯಿಂದ ಹಡಗು ಸರಿದಿದೆಯಾದರೂ, ಸಾಲುಗಟ್ಟಿ ನಿಂತಿರುವ ಇತರ ಹಡಗುಗಳು ಮತ್ತೆ ತಮ್ಮ ಸಂಚಾರವನ್ನು ಆರಂಭಿಸುವುದಕ್ಕೆ ಇನ್ನೂ ಕೆಲವು ದಿನಗಳು ಬೇಕಾಗಬಹುದು ಎಂದು ಹೇಳಲಾಗಿದೆ. ಸುಮಾರು 120ಕ್ಕೂ ಹೆಚ್ಚು ಹಡಗುಗಳು ಸುಯೆಜ್ ಕಾಲುವೆಯಲ್ಲಿ ಸಾಲುಗಟ್ಟಿ ನಿಂತಿದ್ದು, ಒಂದೊಂದಾಗಿ ಎಲ್ಲ ಹಡಗುಗಳಿಗೂ ದಾರಿ ಮಾಡಿಕೊಬೇಕಿದೆ. ಈ ಪ್ರಕ್ರಿಯೆಗೆ ಕೆಲವು ದಿನಗಳು ಬೇಕಾಗುತ್ತವೆ ಎಂದು ಸಿಬ್ಬಂದಿ ಮಾಹಿತಿ ನೀಡಿದ್ದಾರೆ.
from India & World News in Kannada | VK Polls https://ift.tt/3culnG8
