ಜೆರುಸಲೇಂ: ಹರಡಲು ಕಾರಣವಾಗಿದ್ದು ಚೀನಾ ಎಂಬುದು ಇಡೀ ವಿಶ್ವಕ್ಕೆ ಗೊತ್ತಿದೆ. ಚೀನಾದ ವುಹಾನ್ ಮಾಂಸ ಮಾರುಕಟ್ಟೆಯಲ್ಲಿ ಕಾಣಿಸಿಕೊಂಡ ಈ ಮಾರಕ ವೈರಸ್, ಇದೀಗ ಜಗತ್ತಿನ ಮೂಲೆ ಮೂಲೆಯನ್ನೂ ಸೇರಿಕೊಂಡಿದೆ. ಆದರೆ ಕೊರೊನಾಗೂ ತಮಗೂ ಸಂಬಂಧವೇ ಇಲ್ಲದ ಭಾರತೀಯರು ಹೊರದೇಶಗಳಲ್ಲಿ ಅಪಮಾನಕ್ಕೆ ಗುರಿಯಾಗುತ್ತಿರುವುದು ವಿಪರ್ಯಾಸದ ಸಂಗತಿ. ಚೀನಿಯರಿಗೂ ಹಾಗೂ ಭಾರತೀಯರಿಗೂ ವ್ಯತ್ಯಾಸ ಗೊತ್ತಿಲ್ಲದ ಇಬ್ಬರು ಇಸ್ರೇಲಿಗರು, ಭಾರತೀಯನೋರ್ವನ ಮೇಲೆ ಮಾಡಿರುವುದೇ ಇದಕ್ಕೆ ಸಾಕ್ಷಿ. ಕೊರೊನಾ ವೈರಸ್ ಹರುತ್ತಿರುವ ಚೀನಾದ ಪ್ರಜೆ ಎಂಬ ಕಾರಣಕ್ಕೆ ಇಬ್ಬರು ಇಸ್ರೇಲಿಗರು ಕೂಡಿ ಓರ್ವ ಭಾರತೀಯನ ಮೇಲೆ ಮಾರಣಾಂತಿಕ ಹಲ್ಲೆ ಮಾಡಿದ ಘಟನೆ ಇಸ್ರೇಲ್ನ ಟಿಬೇರಿಯಾಸ್ನಲ್ಲಿ ನಡೆದಿದೆ. ಮಣಿಪುರದ ಅಮ್ ಶಲೇಂ ಸಿಂಗ್ಸನ್ ಎಂಬ ಯುವಕನನ್ನು ಚೀನಿ ಪ್ರಜೆ ಎಂದು ತಿಳಿದ ಇಸ್ರೇಲಿಗರು, ಕೊರೊನಾ ವೈರಸ್ ಹರಡುತ್ತಾನೆ ಎಂದು ಬಗೆದು ಆತನ ಮೇಲೆ ತೀವ್ರ ಹಲ್ಲೆ ಮಾಡಿದ್ದಾರೆ. ತೀವ್ರ ಹಲ್ಲೆಗೊಳಗಾಗಿರುವ ಸಿಂಗ್ಸನ್ನ್ನು ಸ್ಥಳೀಯ ಪರಪಿಯಾ ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಚಿಕಿತ್ಸೆ ನೀಡಲಾಗುತ್ತಿದೆ. ಅಲ್ಲೇ ಸಿಂಗ್ಸನ್ ಮೇಲೆ ಹಲ್ಲೆ ನಡೆಸಿದವರಿಗಾಗಿ ಪೊಲೀಸರು ತೀವ್ರ ಶೋಧ ನಡೆಸುತ್ತಿದ್ದಾರೆ. ಜನಾಂಗೀಯ ದ್ವೇಷದ ಬಣ್ಣ ಪಡೆಯುತ್ತಾ ಕೊರೊನಾ: ಇನ್ನು ನಲ್ಲಿ ಯುವಕನ ಮೇಲೆ ಹಲ್ಲೆ ನಡೆದಿರುವುದನ್ನು ಖಂಡಿಸಿರುವ ವಿಶ್ವ ಸಮುದಾಯ, ಕೊರೊನಾ ವೈಸ್ ಜನಾಂಗೀಯ ದ್ವೇಷದ ಬಣ್ಣ ಪಡೆದರೆ ಭಾರೀ ಕೋಲಾಹಲ ಸೃಷ್ಟಿಯಾಗಲಿದೆ ಎಂದು ಆತಂಕ ವ್ಯಕ್ತಪಡಿಸಿದೆ. ಕೊರೊನಾ ವೈರಸ್ ಗಾಗಿ ಚೀನಿಯರೂ ಸೇರಿದಂತೆ ಯಾರ ಮೇಲೂ ಹಲ್ಲೆ ನಡೆಸುವುದು ಸಲ್ಲ ಎಂದು ಕಿಡಿಕಾರಲಾಗಿದೆ.
from India & World News in Kannada | VK Polls https://ift.tt/2x43z2g
