ಹೊಸದಿಲ್ಲಿ: ಇದೀಗಷ್ಟೇ ಭಾರತ ಕ್ರಿಕೆಟ್ ತಂಡದ ಮಾಜಿ ನಾಯಕ ಹಾಗೂ ಹಿರಿಯ ಅನುಭವಿ ಆಟಗಾರ ಟೀಮ್ ಇಂಡಿಯಾಗೆ ಕಮ್ಬ್ಯಾಕ್ ಮಾಡುವ ಸಾಧ್ಯತೆ ಕಠಿಣವೆನಿಸಿದೆ ಎಂದು ಮಾಜಿ ಡ್ಯಾಶಿಂಗ್ ಓಪನರ್ ವೀರೇಂದ್ರ ಸೆಹ್ವಾಗ್ ಅಭಿಪ್ರಾಯಪಟ್ಟಿದ್ದರು. ಕೆಎಲ್ ರಾಹುಲ್, ರಿಷಬ್ ಪಂತ್ ಅವರಂತಹ ಯುವ ವಿಕೆಟ್ ಕೀಪರ್ಗಳು ಉತ್ತಮ ಪ್ರದರ್ಶನ ನೀಡುತ್ತಿದ್ದು, ಯಾವ ಸ್ಥಾನಕ್ಕೆ ಧೋನಿಗೆ ಹೊಂದಿಕೊಳ್ಳಲು ಸಾಧ್ಯ ಎಂದು ವೀರು ಬೊಟ್ಟು ಮಾಡಿದ್ದರು. ಈ ಮಧ್ಯೆ ಧೋನಿ ಬೆನ್ನಿಗೆ ನಿಂತಿರುವ ಮಾಜಿ ರಣಜಿ ಕಿಂಗ್ , ಮಹಿ ವಿಕೆಟ್ ಹಿಂದುಗಡೆಯ ದೊಡ್ಡ ಆಸ್ತಿಯಾಗಿದ್ದಾರೆ ಎಂಬ ಹೇಳಿಕೆ ನೀಡಿದ್ದಾರೆ. ಇತ್ತೀಚೆಗಷ್ಟೇ ರಣಜಿ ಟ್ರೋಫಿ ಕ್ರಿಕೆಟ್ಗೆ ಜಾಫರ್ ನಿವೃತ್ತಿ ಘೋಷಿಸಿದ್ದರು. ರಣಜಿಯಲ್ಲಿ ಅತಿ ಹೆಚ್ಚು ಪಂದ್ಯಗಳನ್ನು ಹಾಗೂ ಅತಿ ಹೆಚ್ಚು ರನ್ ಗಳಿಸಿದ ದಾಖಲೆಯನ್ನು ಜಾಫರ್ ಹೊಂದಿದ್ದಾರೆ. "ಧೋನಿ ಫಿಟ್ ಆಗಿದ್ದು, ಇನ್ ಫಾರ್ಮ್ನಲ್ಲಿದ್ದರೆ ಅವರನ್ನು ಮೀರಿ ಬೇರೆಯವರನ್ನು ಹುಡುಕಬಾರದು. ವಿಕೆಟ್ ಹಿಂದುಗಡೆ ಮತ್ತು ಕೆಳ ಕ್ರಮಾಂಕದಲ್ಲಿ ಅವರು ತಂಡದ ಆಸ್ತಿಯಾಗಿದ್ದಾರೆ. ಇದು ವಿಕೆಟ್ ಕೀಪರ್ ಕೆಎಲ್ ರಾಹುಲ್ ಮೇಲಿನ ಒತ್ತಡವನ್ನು ನಿವಾರಿಸಲಿದೆ. ಹಾಗೊಂದು ವೇಳೆ ಭಾರತಕ್ಕೆ ಎಡಗೈ ಬ್ಯಾಟ್ಸ್ಮನ್ ಅಗತ್ಯವಿದ್ದರೆ ರಿಷಬ್ ಪಂತ್ ಅವರಿಗೂ ಅವಕಾಶ ನೀಡಬಹುದಾಗಿದೆ" ಎಂದು ಸಲಹೆ ಮಾಡಿದ್ದಾರೆ. 38ರ ಹರೆಯದ ಮಹೇಂದ್ರ ಸಿಂಗ್ ಧೋನಿ 2019 ಏಕದಿನ ವಿಶ್ವಕಪ್ನಲ್ಲಿ ನ್ಯೂಜಿಲೆಂಡ್ ವಿರುದ್ಧ ಸೆಮಿಫೈನಲ್ನಲ್ಲಿ ಕೊನೆಯದಾಗಿ ನೀಲಿ ಜೆರ್ಸಿ ಧರಿಸಿದ್ದರು. ಕೆಳ ಕ್ರಮಾಂಕದಲ್ಲಿ ರವೀಂದ್ರ ಜಡೇಜಾ ಜೊತೆಗೆ ಅಮೂಲ್ಯ ಜೊತೆಯಾಟ ಕಟ್ಟಿದ ಧೋನಿ ನಿರ್ಣಾಯಕ ಹಂತದಲ್ಲಿ ರನೌಟ್ ಆಗುವ ಮೂಲಕ ಪೆವಿಲಿಯನ್ಗೆ ಮರಳಿದ್ದರು. ಇದರೊಂದಿಗೆ ಭಾರತದ ವಿಶ್ವಕಪ್ ಕನಸು ಭಗ್ನಗೊಂಡಿತ್ತು. ಆದರೂ ನಿಧಾನಗತಿಯ ಆಟದ ಬಗ್ಗೆ ಧೋನಿ ವ್ಯಾಪಕ ಟೀಕೆಗಳನ್ನು ಎದುರಿಸಿದ್ದರು. ಅಲ್ಲಿಂದ ಬಳಿಕ ಸ್ಪರ್ಧಾತ್ಮಕ ಕ್ರಿಕೆಟ್ನಿಂದ ದೂರವುಳಿದಿರುವ ಧೋನಿಯನ್ನು ಬಿಸಿಸಿಐ ವಾರ್ಷಿಕ ಗುತ್ತಿಗೆ ಒಪ್ಪಂದದಿಂದಲೂ ಕೈಬಿಡಲಾಗಿತ್ತು. ತದಾ ಬಳಿಕ ಆವೃತ್ತಿಯಲ್ಲಿ ಭಾಗವಹಿಸುವುದರ ಸಲುವಾಗಿ ಚೆನ್ನೈನ ಎಂಎ ಚಿದಂಬರಂ ಸ್ಟೇಡಿಯಂನಲ್ಲಿ ಅಭ್ಯಾಸವನ್ನು ಆರಂಭಿಸಿದ್ದರು. ಆದರೆ ಕೊರೊನಾ ವೈರಸ್ ಸೋಂಕು ಹರಡುವ ಭೀತಿಯ ಹಿನ್ನೆಲೆಯಲ್ಲಿ ಐಪಿಎಲ್ ಟೂರ್ನಿಯನ್ನು ಏಪ್ರಿಲ್ 15ರ ವರೆಗೆ ಮುಂದೂಡಲಾಗಿದೆ. ಅತ್ತ ಚೆನ್ನೈ ಸೂಪರ್ ಕಿಂಗ್ಸ್ ತರಬೇತಿ ಶಿಬಿರವನ್ನು ಸ್ಥಗಿತಗೊಳಿಸಲಾಗಿದೆ. ಇದರಿಂದಾಗಿ ಧೋನಿ ರಾಂಚಿಗೆ ಮರಳಿದ್ದಾರೆ. ಮುಂಬರುವ ಟಿ20 ವಿಶ್ವಕಪ್ ವೇಳೆಗೆ ಧೋನಿ ಟೀಮ್ ಇಂಡಿಯಾವನ್ನು ಪ್ರವೇಶಿಸುತ್ತಾರೆಯೇ ಎಂಬುದನ್ನು ಕಾದು ನೋಡಬೇಕಿದೆ. ಅಲ್ಲದೆ ಬ್ಯಾಟಿಂಗ್ನಲ್ಲಿ ಹಳೆಯ ವೈಭವ ಬಾಕಿ ಉಳಿದಿದೆ ಎಂಬುದನ್ನು ತಿಳಿಯುವ ಕುತೂಹಲ ಕ್ರಿಕೆಟ್ ಪ್ರೇಮಿಗಳಲ್ಲಿದೆ. ಏತನ್ಮಧ್ಯೆ ಭಾರತದ ಸಾರ್ವಕಾಲಿಕ ಶ್ರೇಷ್ಠ ರಣಜಿ ಬ್ಯಾಟ್ಸ್ಮನ್ ಆಗಿರುವ ವಾಸೀಂ ಜಾಫರ್ ಮಾರ್ಚ್ 7ರಂದು ಎಲ್ಲ ಪ್ರಕಾರದ ಕ್ರಿಕೆಟ್ಗೂ ನಿವೃತ್ತಿ ಸಲ್ಲಿಸಿದ್ದರು. ಭಾರತದ ಪರ 31 ಟೆಸ್ಟ್ ಪಂದ್ಯಗಳನ್ನು ಆಡಿರುವ ಜಾಫರ್ 34.11ರ ಸರಾಸರಿಯಲ್ಲಿ 1944 ರನ್ ಪೇರಿಸಿದ್ದಾರೆ. ಇದರಲ್ಲಿ ಐದು ಶತಕ ಹಾಗೂ 11 ಅರ್ಧಶತಕಗಳು ಒಳಗೊಂಡಿದೆ.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2xcDU7B
