ಧೂಮಪಾನಿಗಳಿಗೆ ಬೇಗ ಹರಡುತ್ತದಂತೆ ಹೌದೆ? ಇದಕ್ಕೆ ಸ್ಪಷ್ಟ ಉತ್ತರ ಹೌದು. ಆರೋಗ್ಯ ತಜ್ಞರು ಹೇಳುವಂತೆ ಧೂಮಪಾನಿಗಳಿಗೆ ಇಂತಹ ಸೋಂಕು ರೋಗಗಳು ಬೇಗನೆ ಆವರಿಸಿಕೊಳ್ಳುತ್ತವೆ. ವಿಶ್ವ ಆರೋಗ್ಯ ಸಂಸ್ಥೆಯು ಇದನ್ನು ದೃಢ ಪಡಿಸಿದೆ. ವೈರಸ್ ಹರಡುವಿಕೆಗೆ ಧೂಮಪಾನವೂ ಒಂದು ಕಾರಣ ಎಂದು ಆರೋಗ್ಯ ಸಂಸ್ಥೆ ಹೇಳಿದೆ. ಬೀಡಿ, ಸಿಗರೇಟುಗಳನ್ನು ಸೇದುವುದರಿಂದ ಶ್ವಾಸಕೋಶ ಮತ್ತು ಉಸಿರಾಟದ ಪೈಪ್ ಯಾವುದೇ ರೋಗದ ಜೊತೆಗೆ ರಾಜಿ ಮಾಡಿಕೊಳ್ಳಲು ಸಿದ್ಧವಾಗಿರುತ್ತವೆ. ಹಾಗಾಗಿ SARS CoV-2 ನಂತಹ ಸೋಂಕುಗಳು ಬೇಗನೆ ದಾಳಿ ಮಾಡುತ್ತವೆ. SARS CoV-2 ಮಾನವನ ಉಸಿರಾಟದ ವ್ಯವಸ್ಥೆ ಮೇಲೆ ಹಾನಿ ಮಾಡುತ್ತದೆ. ಇದರಿಂದ ಉಸಿರಾಡಲು ಕಷ್ಟವಾಗುತ್ತದೆ. ''ಈಗಾಗಲೇ ಇಂತಹ ಸೋಂಕಿಗೆ ಒಳಗಾದ ಉಸಿರಾಟದ ವ್ಯವಸ್ಥೆಗೆ ಹೊಸದೊಂದು ಸೋಂಕು ತಗುಲುವುದು ತೀರ ಸುಲಭವಾಗಿದೆ'' ಎಂದು ಲುಧಿಯಾನದ ಫೋರ್ಟಿಸ್ ಆಸ್ಪತ್ರೆಯ ತಜ್ಞ ವೈದ್ಯ ಡಾ. ಹರ್ಮಿಂದರ್ ಸಿಂಗ್ ಅವರ ಅಭಿಪ್ರಾಯ. ಅವರೇ ಸಲಹೆ ನೀಡುವಂತೆ ಇದು ಧೂಮಪಾನ ತ್ಯಜಿಸಲು ಉತ್ತಮ ಸಮಯ. ನಾನು ಕೆಲವು ಸಮಯ ಮಾತ್ರ ಸ್ಮೋಕ್ ಮಾಡ್ತೀನಿ. ರೆಗ್ಯುಲರ್ ಆಗಿ ಮಾಡುವುದಿಲ್ಲ ಎಂಬ ಕಾರಣಗಳು ಇಲ್ಲಿ ಕೆಲಸ ಮಾಡುವುದಿಲ್ಲ. ಕೆಲವು ಸಲ ಮಾತ್ರ ಸ್ಮೋಕ್ ಮಾಡಿದರೂ ಸಾಂಕ್ರಾಮಿಕ ರೋಗಗಳಿಗೆ ಬಹು ಬೇಗನೆ ತುತ್ತಾಗುವ ಸಂಭವವೇ ಹೆಚ್ಚು. ಚೈನ್ ಸ್ಮೋಕರ್ಗಳು ಅನಿವಾರ್ಯವಾಗಿ ಸೈಕಾಲಜಿ ವೈದ್ಯರನ್ನು ಭೇಟಿ ಮಾಡಿ ಹಂತ ಹಂತವಾಗಿ ಧೂಮಪಾನ ತ್ಯಜಿಸಬೇಕಾಗುತ್ತದೆ. ಆದರೆ ಕೋವಿಡ್-19 ವೈರಸ್ ಚೈನ್ ಸ್ಮೋಕರ್ ಮತ್ತು ಅಪರೂಪಕ್ಕೆ ಸ್ಮೋಕ್ ಮಾಡುವವರು ಇಬ್ಬರನ್ನು ಸಮಾನವಾಗೇ ಉಪಚರಿಸುತ್ತದೆ! ಸಿಗರೇಟ್ ಸೇದುವವರಿಗೆ ಹೇಗೂ ಅಪಾಯವಿದೆ. ಅವರಿಗಿಂತ ಹೆಚ್ಚು ಅಪಾಯವಿರುವುದು ತಂಬಾಕು ಧೂಮಪಾನಿಗಳಿಗೆ. ''ತಂಬಾಕು ಬಾಯಿಯ ಆರೋಗ್ಯದ ಮೇಲೆ ದುಷ್ಪರಿಣಾಮ ಬೀರುತ್ತದೆ. ಸಿಗರೇಟುಗಳು ಶ್ವಾಸಕೋಶದ ಮೇಲೆ ಪರಿಣಾಮ ಬೀರುತ್ತದೆ. ಹಾಗಾಗಿ ಸಿಗರೇಟು ಸೇದುವವರಿಗಿಂತಲೂ ವೇಗವಾಗಿ ತಂಬಾಕು ಸೇವನೆ ಮಾಡುವವರಿಗೆ ಸೋಂಕು ತಗಲುತ್ತದೆ. ಕೊರೊನಾ ವೈರಸ್ನ ಕುಟುಂಬದಲ್ಲಿ ಬರುವ ಇತರ ಸೋಂಕುಗಳು ಶ್ವಾಸಕೋಶದ ಮೇಲೆ ದುಷ್ಪರಿಣಾಮ ಬೀರುತ್ತವೆ ಎಂಬುದು ಈಗಾಗಲೇ ಸಂಶೋಧನೆಯಿಂದ ತಿಳಿದುಬಂದಿದೆ. ಹಾಗಾಗಿ ಕೊರೊನಾ ವೈರಸ್ನಿಂದಲೂ ಉಸಿರಾಟದ ಕ್ರಿಯೆ ಮೇಲೆ ಹಾನಿಯುಂಟು ಮಾಡಬಹುದು ಎನ್ನಲಾಗಿದೆ.
from India & World News in Kannada | VK Polls https://ift.tt/2wnSF7S
