ರೋಮ್: ಕೊರೊನಾ ವೈರಸ್ ತನ್ನ ಜನ್ಮಸ್ಥಳ ಚೀನಾದಿಂದ ಕಾಲ್ಕಿತ್ತಿದೆ. ಮಾರಕ ವೈರಾಣವುನ್ನು ಹತ್ತಿಕ್ಕುವಲ್ಲಿ ಯಶಸ್ವಿಯಾಗಿರುವ ಚೀನಾದಲ್ಲಿ ಯಾವುದೇ ಹೊಸ ಕೊರೊನಾ ಪ್ರಕರಣ ಪತ್ತೆಯಾಗಿಲ್ಲ. ಆದರೆ ಕೊರೊನಾದಿಂದ ಬಳಲಿ ಬೆಂಡಾಗಿರುವ ಇಟಲಿಯಲ್ಲಿ ಮಾತ್ರ ಮರಣ ಮೃದಂಗ ಮುಂದುವರೆದಿದೆ. ಇಟಲಿಯಲ್ಲಿ ಚೀನಾಗಿಂತ ಹೆಚ್ಚು ಕೊರೊನಾ ಪೀಡಿತರ ಸಾವು ಸಂಭವಿಸಿದ್ದು, ಕೊರೊನಾ ವೈರಸ್ನಿಂದಾಗಿ ಭಾರೀ ನಷ್ಟಕ್ಕೊಳಗಾದ ಜಗತ್ತಿನ ಮೊದಲ ರಾಷ್ಟ್ರ ಎಂಬ ಕುಖ್ಯಾತಿಗೆ ಪಾತ್ರವಾಗಿದೆ. ಇಟಿಲಿಯಲ್ಲಿ ಕೊರೊನಾ ವೈರಸ್ಗೆ ಇದುವರೆಗೂ ಸುಮಾರು 3,405ಜನರು ಸಾವನ್ನಪ್ಪಿದ್ದು, ಕೊರೊನಾ ವೈರಸ್ ಜನ್ಮಸ್ಥಳ ಚೀನಾವನ್ನೇ ಹಿಂದಿಕ್ಕಿದೆ. ಚೀನಾದಲ್ಲಿ ಕೊರೊನಾ ವೈರಸ್ ಗೆ ಇದುವರೆಗೂ 3,245 ಜನರು ಸಾವನ್ನಪ್ಪಿದ್ದಾರೆ. ಕೊರೊನಾ ವೈರಸ್ಗೆ ಜಾಗತಿಕವಾಗಿ ಇದುವರೆಗೂ 9 ಸಾವಿರಕ್ಕೂ ಅಧಿಕ ಜನರು ಬಲಿಯಾಗಿದ್ದು, ಭಾರತದಲ್ಲಿ ಇದುವರೆಗೂ 4 ಜನ ಈ ಮಾರಕ ವೈರಾಣುವಿಗೆ ಬಲಿಯಾಗಿದ್ದಾರೆ. ಸದ್ಯ ಇಡೀ ಲಾಕ್ಡೌನ್ ಸ್ಥಿತಿಯಲ್ಲಿದ್ದು, ಕ್ಷಣಕ್ಷಣಕ್ಕೂ ಅಧಿಕವಾಗುತ್ತಿರುವುದು ಇಡೀ ಯೂರೋಪ್ನ್ನೇ ಬೆಚ್ಚಿ ಬೀಳಿಸಿದೆ. ಮೂಲಗಳ ಪ್ರಕಲಾರ ಇಟಲಿಯಲ್ಲಿ ಕೇವಲ ಒಂದೇ ಗಂಟೆಯಲ್ಲಿ 400ಕ್ಕೂ ಅಧಿಕ ಜನರು ಸಾವನ್ನಪ್ಪಿದ್ದಾರೆ. ಇಟಲಿಯಿಂದ ಇಡೀ ಯೂರೋಪ್ಗೆ ಕೊರೊನಾ ವೈರಸ್ ಹರಡುವ ಸಾಧ್ಯತೆ ದಟ್ಟವಾಗುತ್ತಿದ್ದು, ಇಟಲಿ ಪರಿಸ್ಥಿತಿಯನ್ನು ಕಂಡು ಇಡೀ ಯೂರೋಪ್ ಮರುಗುತ್ತಿದೆ. ಕೂಡ ಇಟಲಿಯ ಕೊರೊನಾ ವೈರಸ್ ವಿರುದ್ಧದ ಹೋರಾಟಕ್ಕೆ ಸಾತ್ ನೀಡಿದ್ದು, ವೈದ್ಯಕೀಯ ಸಲಕರಣೆಗಳು ಹಾಗೂ ವೈದ್ಯರನ್ನು ಕಳುಹಿಸಿಕೊಟ್ಟಿರುವುದನ್ನು ಇಲ್ಲಿ ಸ್ಮರಿಸಬಹುದು.
from India & World News in Kannada | VK Polls https://ift.tt/2Ww3IWT
