ಅಹಮದಾಬಾದ್: ಪ್ರಯಾಣಿಕರ ಸುರಕ್ಷತೆಗಾಗಿ ಸಿದ್ಧಪಡಿಸಲಾದ ಆ್ಯಪ್'ನಲ್ಲಿ ಪಾಕಿಸ್ತಾನದ ರೈಲಿನ ಫೋಟೋ ಹಾಕಲಾಗಿದ್ದು, ರೈಲ್ವೇ ಪೊಲೀಸ್ ಇಲಾಖೆ ತೀವ್ರ ಮುಜುಗರಕ್ಕೀಡಾಗಿದೆ. ಪ್ರಯಾಣಿಕರ ಸುರಕ್ಷತೆ ಕುರಿತು ಮಾಹಿತಿ ನೀಡುವ '' ಎಂಬ ಆ್ಯಪ್'ನ್ನು ಗುಜರಾತ್ ರೈಲ್ವೇ ಪೊಲೀಸ್ ಇಲಾಖೆ ಬಿಡುಗಡೆ ಮಾಡಿತ್ತು. ಇದರ ಮುಖಪುಟದಲ್ಲಿ ಹಾಕಲಾದ ಪಾಕಿಸ್ತಾನದ್ದು ಎಂದು ಗೊತ್ತಾದ ಮೇಲೆ ಇಲಾಖೆ ಭಾರೀ ಮುಜುಗರ ಅನುಭವಿಸಿದೆ. ಆ್ಯಪ್'ನಲ್ಲಿರುವ ಹಸಿರು ಬಣ್ಣದ ಇಂಜಿನ್ ಇರುವ ರೈಲನ್ನು ನೋಡಿದ ಹಲವರು, ಇದು ಪಾಕಿಸ್ತಾನದ ರೈಲು ಎಂದು ಸಾಮಾಜಿಕ ಜಾಲತಾಣದಲ್ಲಿ ಅಸಮಾಧಾನ ಹೊರಹಾಕಿದ್ದರು. ಪಾಕಿಸ್ತಾನದ ಎಲ್ಲಾ ಪ್ರಯಾಣಿಕ ರೈಲುಗಳು ಹಾಗೂ ಇಂಜಿನ ಬಣ್ಣ ಹಸಿರಾಗಿದ್ದು, ಭಾರತದ ಯಾವ ರೈಲುಗಳೂ ಈ ಬಣ್ಣ ಹೊಂದಿಲ್ಲ. ಬಹತೇಕ ಭಾರತೀಯ ಪ್ರಯಾಣಿಕ ರೈಲುಗಳು ನೀಲಿ ಬಣ್ಣ ಹೊಂದಿರುತ್ತವೆ. ಕಳೆದ ಫೆ.29ರಂದು ಕೆಂದ್ರ ರೈಲ್ವೇ ಇಲಾಖೆ ರಾಜ್ಯ ಸಚಿವ ಪ್ರದೀಪ್ ಸಿನ್ಹಾ ಜಡೇಜಾ ಸುರಕ್ಷಿತ್ ಸಫರ್ ಆ್ಯಪ್'ನ್ನು ಬಿಡುಗಡೆ ಮಾಡಿದ್ದರು. ಇನ್ನು ಈ ಕುರಿತು ಸ್ಪಷ್ಟನೆ ನೀಡಿರುವ ಗುಜರಾತ್ ರೈಲ್ವೇ ಪೊಲೀಸ್ ಇಲಾಖೆ, ಆ್ಯಪ್' ಡವಲಪರ್ ನಿರ್ಲಕ್ಷ್ಯದಿಂದಾಗಿ ಅಚಾತುರ್ಯ ನಡೆದಿದೆ ಎಂದು ಹೇಳಿದೆ. ಅಲ್ಲದೇ ಸುರಕ್ಷಿತ್ ಸಫರ್ ಆ್ಯಪ್'ನಿಂದ ಪಾಕಿಸ್ತಾನದ ರೈಲಿನ ಫೋಟೋ ತೆಗೆದು ಹಾಕಲಾಗಿದೆ ಎಂದು ಇಲಾಖೆ ಸ್ಪಷ್ಟಪಡಿಸಿದೆ.
from India & World News in Kannada | VK Polls https://ift.tt/38dRxAj
