ನವದೆಹಲಿ : ಸೇನಾ ಪಡೆಯಲ್ಲಿ ಪಡೆಯುವುದು ಅಷ್ಟು ಸುಲಭವಲ್ಲ. ಕಠಿಣ ಪರಿಶ್ರಮ ಹಾಗೂ ದೀರ್ಘ ಸೇವೆ ಬಳಿಕವಷ್ಟೇ ಸೇನಾ ಪಡೆಗಳಲ್ಲಿ 3 ಸ್ಟಾರ್ ಹುದ್ದೆ ಪಡೆಯಲು ಸಾಧ್ಯ. ಅಂತದ್ದರಲ್ಲಿ ಸೇನಾಧಿಕಾರಿ ಜೋಡಿಯೊಂದು 3 ಸ್ಟಾರ್ ಹುದ್ದೆ ಪಡೆಯುವ ಮೂಲಕ ಈ ವಿಶಿಷ್ಟ ಸಾಧನೆ ಮಾಡಿದ ಮೊದಲನೇ ಸೇನಾಧಿಕಾರಿ ಜೋಡಿ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ. ಭಾರತೀಯ ಭೂಸೇನೆಯಲ್ಲಿ ಸೇವೆ ಸಲ್ಲಿಸುತ್ತಿದ್ದ 3 ಸ್ಟಾರ್ ಹುದ್ದೆಗೆ ಏರಿ ನಿವೃತ್ತರಾಗಿದ್ದರು. ಇದೀಗ ಅವರ ಪತ್ನಿ ಲೆ.ಜ. ಕೂಡ 3 ಸ್ಟಾರ್ ಹುದ್ದೆ ಅಲಂಕರಿಸುವ ಮೂಲಕ ಇತಿಹಾಸ ರಚಿಸಿದ್ದಾರೆ. ಲೆ.ಜ ಮಾಧುರಿ ಕಾನಿಟ್ಕರ್ ಸಶಸ್ತ್ರ ಪಡೆಯ (ವೈದ್ಯಕೀಯ) ನೂತನ ಉಪ ಮುಖ್ಯಸ್ಥರಾಗಿ ಅಧಿಕಾರ ಸ್ವೀಕರಿಸಿದ್ದಾರೆ. ಮಾಧುರಿ ಪತಿ ಲೆ.ಜ ರಾಜೀವ್ ಕಾನಿಟ್ಕರ್ ಕೂಡ ಭಾರತೀಯ ಭೂಸೇನೆಯಲ್ಲಿ ಲೆ.ಜ. ಆಗಿ ೨೦೧೭ರಲ್ಲಿ ನಿವೃತ್ತಿ ಹೊಂದಿದ್ದರು. 1982ರಲ್ಲಿ ಭೂಸೇನೆಯ ಮೆಡಿಕಲ್ ಕಾರ್ಪ್ಸ 'ಗೆ ಸೇರ್ಪಡೆಯಾದ ಮಾಧುರಿ ಕಾನಿಟ್ಕರ್, ಭೂಸೇನೆಯಲ್ಲಿ ಅಧಿಕಾರಿಯಾಗಿದ್ದ ರಾಜೀವ್ ಕಾನಿಟ್ಕರ್ ಅವರನ್ನು ವಿವಾಹವಾಗಿದ್ದರು. ಇನ್ನು ಸಶಸ್ತ್ರ ಪಡೆಗಳಲ್ಲಿ 3 ಸ್ಟಾರ್ ಶ್ರೇಯಾಂಕ ಪಡೆದ ಮೂರನೇ ಮಹಿಳೆ ಎಂಬ ಹೆಗ್ಗಳಿಕೆಗೆ ಮಾಧುರಿ ಕಾನಿಟ್ಕರ್ ಪಾತ್ರರಾಗಿದ್ದಾರೆ. ಈ ಮೊದಲು ಏರ್ ಮಾರ್ಷಲ್ (ನಿವೃತ್ತ) ಪದ್ಮಾವತಿ ಮತ್ತು ವೈಸ್ ಅಡ್ಮಿರಲ್ (ನಿವೃತ್ತ) ಪುನಿತಾ ಅರೋರಾ 3 ಸ್ಟಾರ್ ಹುದ್ದೆಗಳನ್ನು ಅಲಂಕರಿಸಿದ್ದರು.
from India & World News in Kannada | VK Polls https://ift.tt/2x29gxU
