Daily News in Kannda: ದಾಖಲೆಗಳ ಸತ್ಯರೂಪ; ಲಿಮ್ಕಾ ಪಟ್ಟಿಗೆ ಬೆಂಗಳೂರಿನ ಪರ್ವತಾರೋಹಿ

ದಾಖಲೆಗಳ ಸತ್ಯರೂಪ; ಲಿಮ್ಕಾ ಪಟ್ಟಿಗೆ ಬೆಂಗಳೂರಿನ ಪರ್ವತಾರೋಹಿ

ಮಂಜುನಾಥ ಕೆ. ಜಾಬಗೆರೆ ಬೆಂಗಳೂರು: ಹಲವು ದಾಖಲೆಗಳ ವೀರ, ಸಾಹಸಿ, ಸತ್ಯರೂಪ್‌ ಸಿದ್ಧಾಂತ್‌ ಅವರ ದಾಖಲೆಗಳ ಸರಣಿಗೆ ಇದೀಗ ‘’ಯೂ ಸೇರ್ಪಡೆಗೊಂಡಿದ್ದು, ಬೆಂಗಳೂರು ಮೂಲದ ಈ ಸಾಹಸಿಯ ದಾಖಲೆಗಳ ಸಂಖ್ಯೆ ಇನ್ನಷ್ಟು ಎತ್ತರಕ್ಕೇರಿದೆ. ವಿಶ್ವದ ಅತಿ ಎತ್ತರದ ಏಳು ಪರ್ವತಗಳು ಮತ್ತು ಏಳು ಅಗ್ನಿ ಪರ್ವತಗಳನ್ನು ಅತಿ ಕಿರಿಯ ವಯಸ್ಸಿನಲ್ಲಿ (35 ವರ್ಷ, 261 ದಿನ) ಏರಿದ ಜಗತ್ತಿನ ಮೊದಲ ಪರ್ವತಾರೋಹಿ ಎಂಬ ದಾಖಲೆ ಬರೆದ ಸತ್ಯರೂಪ್‌, 2019ರ ಜನವರಿಯಲ್ಲೇ ಗಿನ್ನಿಸ್‌ ದಾಖಲೆ ಬರೆದಿದ್ದರು. ಅಂಟಾರ್ಟಿಕಾದಲ್ಲಿರುವ 4,285 ಮೀ. ಎತ್ತರದ ಅತಿದೊಡ್ಡ ಅಗ್ನಿ ಪರ್ವತ ‘ಮೌಂಟ್‌ ಸಿಡ್ನಿ’ ಏರುವುದರೊಂದಿಗೆ ಸತ್ಯರೂಪ್‌ ಈ ದಾಖಲೆ ಬರೆದಿದ್ದರು. ಜಗತ್ತಿನ ಅತಿ ಎತ್ತರದ 7ನೇ ಅಗ್ನಿ ಪರ್ವತವನ್ನೇರಿದ ಭಾರತದ ಮೊದಲ ಪರ್ವತಾರೋಹಿ ಎಂಬ ದಾಖಲೆಗೆ ಪಾತ್ರವಾದ ಹಿನ್ನೆಲೆಯಲ್ಲಿ ಸಿದ್ಧಾಂತ್‌, 2020ರ ಮಾರ್ಚ್‌ 13ರಂದು ಲಿಮ್ಕಾ ದಾಖಲೆಗೆ ಸೇರ್ಪಡೆಗೊಂಡಿದ್ದಾರೆ. ಪಪುವಾ ನ್ಯೂಗಿನಿಯ ಅತಿ ಎತ್ತರದ ಪರ್ವತ ‘ಮೌಂಟ್‌ ವಿಲ್ಹೆಲ್ಮ್‌’ ಏರಿದ ಹಿನ್ನೆಲೆಯಲ್ಲಿ 2020ರ ಫೆಬ್ರವರಿಯಲ್ಲಿ ವಿಶ್ವದಾಖಲೆಯ ಚಾಂಪಿಯನ್ಸ್‌ ಬುಕ್‌ನಲ್ಲಿ ತಮ್ಮ ಹೆಸರನ್ನು ಹಚ್ಚಾಗಿಸಿರುವ ಸತ್ಯರೂಪ್‌, ಏಷ್ಯಾ ಬುಕ್‌ ಆಫ್‌ ರೆಕಾರ್ಡ್‌ ಸೇರಿದಂತೆ ಅನೇಕ ದಾಖಲೆಗಳನ್ನು ತಮ್ಮದಾಗಿಸಿಕೊಂಡಿದ್ದಾರೆ. ಬೆಂಗಳೂರೇ ಕಾರ್ಯಸ್ಥಾನ ಸತ್ಯರೂಪ್‌ ಸಿದ್ಧಾಂತ್‌ ಮೂಲತಃ ಕೋಲ್ಕೊತಾದ ಹರಿದೇವ್‌ಪುರದವರಾಗಿದ್ದಾರೆ. ವೃತ್ತಿಯಲ್ಲಿ ಸಾಫ್ಟ್‌ ವೇರ್‌ ಎಂಜಿನಿಯರ್‌ ಆಗಿರುವ ಸತ್ಯರೂಪ್‌, ಹಲವು ವರ್ಷಗಳಿಂದ ಬೆಂಗಳೂರನ್ನೇ ತಮ್ಮ ಪ್ರವೃತ್ತಿಯ ಕಾರ್ಯಸ್ಥಾನವನ್ನಾಗಿ ಮಾಡಿಕೊಂಡಿದ್ದಾರೆ. ಲಿಮ್ಕಾ ದಾಖಲೆಯ ಪ್ರಮಾಣ ಪತ್ರದಲ್ಲಿ ಸತ್ಯರೂಪ್‌ ಸಿದ್ಧಾಂತ್‌ ಕರ್ನಾಟಕದ ಬೆಂಗಳೂರಿನವರೆಂದೇ ನಮೂದಿಸಿದ್ದಾರೆ. ಸದ್ಯ ಸಾಫ್ಟ್‌ವೇರ್‌ ಎಂಜಿನಿಯರ್‌ ವೃತ್ತಿಗೆ ಇತಿಶ್ರೀ ಹಾಡಿರುವ ಸತ್ಯರೂಪ್‌, ಪ್ರವೃತ್ತಿಯನ್ನೇ ವೃತ್ತಿಯಾಗಿಸಿಕೊಂಡಿದ್ದು, ದೇಶದ ಪರ್ವತಾರೋಹಿಗಳಿಗೆ ಬೆಳಕಾಗಿದ್ದಾರೆ. ಆಸಕ್ತರಿಗಾಗಿ ಬೆಂಗಳೂರಿನಲ್ಲಿ ‘ವಿನ್ನರ್ಸ್‌ ಆ್ಯಂಡ್‌ ಅಚೀವರ್ಸ್‌’ ಕಂಪನಿ ಸ್ಥಾಪಿಸಿರುವ ಸಿದಾಟಛಿಂತ್‌, ಆಸಕ್ತದಾಯಕ ಪರ್ವತಾರೋಹಿಗಳಿಗೆ ತರಬೇತಿ ನೀಡಿ, ಭಾರತ ಸೇರಿದಂತೆ ಇತರ ದೇಶಗಳ ಪರ್ವತಾರೋಹಣಕ್ಕೆ ಮುಂದಾಳತ್ವ ವಹಿಸುತ್ತಿದ್ದಾರೆ.\ ಸಾಹಸ ಕ್ರೀಡೆಗೆ ಪ್ರೇರಣೆ ತಮ್ಮ ಸಾಧನೆ ಬಗ್ಗೆ ‘ವಿಜಯ ಕರ್ನಾಟಕ’ದ ಜತೆ ಮಾತನಾಡಿದ ಅವರು ‘‘ಯುವ ಪರ್ವತಾರೋಹಿಗಳಿಗೆ ಸಾಹಸ ಕ್ರೀಡೆಗಳ ಬಗ್ಗೆ ಆಸಕ್ತಿ ಮೂಡಿಸುವುದು ನನ್ನ ಆದ್ಯತೆಯಾಗಿದೆ. ಇತ್ತೀಚೆಗಷ್ಟೇ ಸುಮಾರು 13 ಮಂದಿಯನ್ನೊಳಗೊಂಡ ಪುರುಷರ ತಂಡವನ್ನು ತಾಂಜೇನಿಯಾದ ಕಿಲಿಮಂಜಾರೊಗೆ ಕರೆದೊಯ್ಯಲಾಗಿದೆ. ಮೇ ಅಂತ್ಯದಲ್ಲಿ 20 ಸದಸ್ಯರ ಮಹಿಳಾ ತಂಡವನ್ನು ರಷ್ಯಾದ ಮೌಂಟ್‌ ಎಲ್‌ಬ್ರಸ್‌ಗೆ ಕರೆದೊಯ್ಯಲು ಯೋಜಿಸಲಾಗಿದೆ. ಪ್ರತಿ ತಿಂಗಳು ಕರ್ನಾಟಕ ಸೇರಿದಂತೆ ದೇಶದ ಪರ್ವತಾರೋಹಿಗಳ ಸಾಹಸಕ್ಕೆ ಕೈಜೋಡಿಸಲು ನಿರ್ಧರಿಸಿದ್ದೇವೆ,’’ ಎಂದು ತಮ್ಮ ಕಾರ್ಯದ ಕುರಿತು ವಿವರಿಸಿದರು. ಸತ್ಯರೂಪ್‌ ಏರಿರುವ 7 ಪರ್ವತಗಳು