ನವದೆಹಲಿ: ಭಾರರತವೂ ಸೇರಿದಂತೆ ಇಡೀ ವಿಶ್ವವನ್ನು ಭಯನಾಕವಾಗಿ ಕಾಡುತ್ತಿರುವ ಕೊರೊನಾ ವೈರಸ್ ಇಷ್ಟು ಬೇಗ ತೊಲಗುವ ಲಕ್ಷಣಗಳು ಕಾಣುತ್ತಿಲ್ಲ. ನರಹಂತಕ ವೈರಾಣು ದಿನದಿಂದ ದಿನಕ್ಕೆ ಅತ್ಯಂತ ವೇಗವಾಗಿ ಹರಡುತ್ತಲೇ ಇದ್ದು, ಹೆಚ್ಚೆಚ್ಚು ಜನರನ್ನು ಬಲಿ ಪಡೆಯುತ್ತಿದೆ. ಅದರಂತೆ ಇದೀಗ ಕೊರೊನಾ ವೈರಸ್ ಹರಡುವಿಕೆಯಲ್ಲಿ ಹಂತದಲ್ಲಿದ್ದು, ಶೀಘ್ರ ಕ್ರಮ ಕೈಗೊಳ್ಳುವುದು ಅತ್ಯಂತ ತುರ್ತು ಅವಶ್ಯವಾಗಿದೆ ಎಂದು ತಜ್ಞರು ಅಂದಾಜಿಸಿದ್ದಾರೆ. ಕೊರೊನಾ ವೈರಸ್ ಅಪಾಯವನ್ನು ಒಟ್ಟು ನಾಲ್ಕು ಹಂತಗಳಲ್ಲಿ ವಿಂಗಡಿಸಿರುವ ತಜ್ಞರು, ಪ್ರತೀ ಹಂತದಲ್ಲೂ ವೈರಾಣು ಹರಡುವಿಕೆಯ ವೇಗ ಹಾಗೂ ಅದರಿಂದಾಗುವ ಪರಿಣಾಮಗಳ ಕುರಿತು ವಿಸ್ತೃತ ಅಧ್ಯಯನ ನಡೆಸಿದ್ದಾರೆ. ಭಾರತ ಇದೀಗ ಸ್ಟೇಜ್-2 ಹಂತದಲ್ಲಿದ್ದು, ಭವಿಷ್ಯದ ಅಪಾಯಗಳನ್ನು ತಡೆಗಟ್ಟಲು ತುತ್ತು ಕ್ರಮ ಅನಿವಾರ್ಯ ಎಂದು ತಜ್ಞರು ಎಚ್ಚರಿಸಿದ್ದಾರೆ. ಈ ಹಂತಗಳನ್ನು ಪರಿಶೀಲಿಸುವುದಾದರೆ... ಸ್ಟೇಜ್-1 : ಕೊರೊನಾ ಪೀಡಿತ ದೇಶಗಳ ಜನರು ದೇಶಕ್ಕೆ ಬಂದ ಪರಿಣಾಮ ವೈರಸ್ ಹರುತ್ತದೆ. ಅಲ್ಲದೇ ಕೊರೊನಾ ಪೀಡಿತ ದೇಶಗಳಿಗೆ ಜನ ಪ್ರವಾಸ ಮಾಡಿದ ಪರಿಣಾಮವಾಗಿ ಅವರಲ್ಲೂ ವೈರಸ್ ಕಾಣಿಸಿಕೊಳ್ಳುತ್ತದೆ. ಸ್ಟೇಜ್-೨: ವಿದೇಶಗಳಿಂದ ಬಂದ ಜನರಿಂದ ಸ್ಥಳಿಯ ಜನರಲ್ಲೂ ಮಾರಕ ವೈರಸ್ ಹರಡುವ ಪ್ರಕ್ರಿಯೆಯನ್ನು ಹಂತ-2 ಎಂದು ಗುರುತಿಸಲಾಗಿದೆ. ಈ ಹಂತದಲ್ಲಿ ಕೊರೊನಾ ಪೀಡಿತ ದೇಶಗಳಿಂದ ಬಂದ ಜನರಿಂದಾಗಿ ಸ್ಥಳಿಯರಲ್ಲೂ ಸೋಂಕು ಕಾಣಿಸಿಕೊಳ್ಳುತ್ತದೆ. ಭಾರತ ಸ್ಟೇಜ್-2 ಹಂತದಲ್ಲಿದೆ ಎಂದು ತಜ್ಞರು ಖಚಿತಪಡಿಸಿದ್ದಾರೆ. ಸ್ಟೇಜ್-3: ವ್ಯಕ್ತಿಯಿಂದ ವ್ಯಕ್ತಿಗೆ ವೈರಸ್ ಹರಡಿ ಒಂದು ನಿರ್ದಿಷ್ಟ ಪ್ರದೇಶವನ್ನು ವ್ಯಾಪಿಸಿಕೊಂಡಾಗ ಅದನ್ನು ಸ್ಟೇಜ್-3 ಎಂದು ಕರೆಯಲಾಗುತ್ತದೆ. ಈ ನಿರ್ದಿಷ್ಟ ಪ್ರದೇಶ ಜನರನ್ನು ಸ್ಥಳಾಂತರಿಸಲೇಬಾಕದ ಅನಿವಾರ್ಯತೆ ಸೃಷ್ಟಿಯಾಗುತ್ತದೆ. ಅಂದರೆ ಜನಸಂಖ್ಯೆಯ ಬಹುಭಾಗವನ್ನು ಮುಖ್ಯಧಾರೆಯಿಂದ ದೂರವಿಡಬೇಕಾಗುತ್ತದೆ. ಇಟಲಿ ಹಾಗೂ ಸ್ಪೇನ್ ರಾಷ್ಟ್ರಗಳು ಸ್ಟೇಜ್-3 ಹಂತದಲ್ಲಿವೆ. ಸ್ಟೇಜ್-4: ಇದು ಅತ್ಯಂತ ಭಯಾನಕ ಹಂತವಾಗಿದ್ದು, ವೈರಸ್ ಹರಡುವಿಕೆಯ ಪರಿಣಾಮ ಭಾರೀ ಸಾವು-ನೋವು ಸಂಭವಿಸುತ್ತವೆ. ಒಂದಿಡೀ ಪ್ರದೇಶದದ ಜನಸಮುದಾಯಕ್ಕೆ ಮಾರಕ ಕೊರೊನಾ ವೈರಾಣು ಅಂಟಿಕೊಂಡು ಸರ್ವನಾಶಕ್ಕೆ ನಾಂದಿ ಹಾಡುತ್ತದೆ. ಚೀನಾ ಈ ಹಂತ ತಲುಪಿ ಇದೀಗ ಮತ್ತೆ ನಿಯಂತ್ರಣದ ಹಂತಕ್ಕೆ ಮರಳಿರುವುದು ಸಂತಸದ ವಿಷಯ. ಹೀಗೆ ಕೊರೊನಾ ವೈರಸ್ ಹರಡುವಿಕೆಯ ಹಂತಗಳನ್ನು ವಿಭಾಗಿಸಲಾಗಿದ್ದು, ಭಾರತ ಸ್ಟೇಜ್-2 ಹಂತದಲ್ಲಿರುವುದು ಮುಂದಿನ ಎರಡು ಹಂತಗಳನ್ನು ತಲುಪದಂತೆ ತಡೆಗಟ್ಟಲು ಎಲ್ಲಾ ಅಗತ್ಯ ಕ್ರಮಗಳನ್ನು ಕೈಗೊಳ್ಳಬೇಕಿದೆ.
from India & World News in Kannada | VK Polls https://ift.tt/2TZO9p2
