ಹೊಸದಿಲ್ಲಿ: ಜಮ್ಮು ಮತ್ತು ಕಾಶ್ಮೀರದಲ್ಲಿ ಇನ್ನು ವ್ಯವಹಾರಗಳಿಗೆ ಇದ್ದ ಅಡ್ಡಿ ಕೊನೆಯಾಗಿದೆ. ಈ ವರೆಗೆ ಸಂವಿಧಾನದ 370ರ ಅಡಿ ವಿಶೇಷ ಸ್ಥಾನಮಾನ ನೀಡಲಾಗಿದ್ದರಿಂದ ಜಮ್ಮು ಕಾಶ್ಮೀರದ ಶಾಶ್ವತ ನಾಗರಿಕರನ್ನು ಹೊರತು ಪಡಿಸಿ, ಹೊರಗಿನವರಿಗೆ ವ್ಯಾಪಾರ, ವ್ಯವಹಾರ, ಭೂ ಖರೀದಿಗೆ ಅವಕಾಶ ಇರಲಿಲ್ಲ. ಆರ್ಟಿಕಲ್ 35Aನಲ್ಲಿ ಈ ವಿಚಾರಗಳನ್ನು ನಮೂದಿಸಲಾಗಿತ್ತು. ಕೇಂದ್ರ ಸರಕಾರ ಸೋಮವಾರ ರಾಜ್ಯಸಭೆಯಲ್ಲಿ, ರಾಜ್ಯವನ್ನು ಜಮ್ಮು-ಕಾಶ್ಮೀರ ಹಾಗೂ ಲಡಾಖ್ ಎಂದು ವಿಂಗಡಿಸಿ, ಸಂವಿಧಾನದ 370ರಡಿ ನೀಡಿದ್ದ ವಿಶೇಷ ಸ್ಥಾನಮಾನವನ್ನು ಹಿಂಪಡೆಯಲಾಗಿದೆ. ಹೀಗಾಗಿ ಇದರಡಿ ಬರುವ ಆರ್ಟಿಕಲ್ 35Aಯೂ ರದ್ದಾದಂತೆ. ಹೀಗಾಗಿ ಇನ್ನು ಶಾಶ್ವತ ನಾಗರಿಕರಿಗೆ ಮಾತ್ರವೇ ಭೂ ಖರೀದಿ, ಅಥವಾ ಸರಕಾರಿ ನೌಕರಿ ಎಂಬ ನಿಯಮ ಅನ್ವಯವಾಗದು. ಅಂದರೆ, ಜಮ್ಮು ಕಾಶ್ಮೀರದ ಸರಕಾರ ಅಥವಾ ವಿಧಾನಸಭೆಯಲ್ಲಿ ಶಾಶ್ವತ ನಿವಾಸಿ ಎಂದು ನಮೂದಿಸಿದವರು ಮಾತ್ರವೇ ಭೂ ಖರೀದಿಗೆ ಅನುಮತಿ ಎಂಬ ನಿಯಮ ರದ್ದಾಗಿದೆ. 1989ರ ಸಮಯದಲ್ಲಾದ ಅನೇಕ ಘಟನೆಗಳಿಂದ ಜಮ್ಮು ಕಾಶ್ಮೀರ ಭಾಗದಿಂದ ಪಲಾಯನ ಮಾಡಿದ ಅನೇಕ ಮಂದಿ ಕಾಶ್ಮೀರದ ಪಂಡಿತರು ಹಾಗೂ ಪ್ರತಿಯೊಬ್ಬ ನಾಗರಿಕರಲ್ಲಿ ಇದೀಗ ಇನ್ನು ಮುಂದೆ ಕೇಂದ್ರಾಡಳಿತ ಪ್ರದೇಶವಾದ ಭಾಗದಲ್ಲಿ ಭೂಮಿ ಖರೀದಿ ಸಾಧ್ಯವೇ ಎಂಬುದಾಗಿದೆ. ಇದಕ್ಕೆ ಉತ್ತರವೂ ಸುಲಭ. ಇನ್ನು ಮುಂದೆ ಈ ಭಾಗದಲ್ಲಿ ಯಾರು ಬೇಕಾದರೂ ಭೂಮಿ ಖರೀದಿಸಬಹುದು. ಜಮ್ಮು-ಕಾಶ್ಮೀರಕ್ಕೆ ಸೇರದ ಅಥವಾ ಶಾಶ್ವತ ನಿವಾಸಿಗಳಲ್ಲದವರನನ್ನು ಅಲ್ಲಿನ ಮಹಿಳೆ ಮದುವೆಯಾದರೂ, ಕುಟುಂಬದ ಭೂಮಿಯಲ್ಲಿ ಹಕ್ಕಿರುತ್ತದೆ. ಇದಲ್ಲದೆ ಕಾಶ್ಮೀರದಿಂದ ಪಲಾಯನ ಮಾಡಿದ ಅನೇಕ ಮಂದಿ ಕಾಶ್ಮೀರಿ ಪಂಡಿತರು, ತಮ್ಮ ನಾಡಿಗೆ ವಾಪಾಸಾಗಬಹುದು. ವ್ಯಾಪಾರ, ವ್ಯವಹಾರ ಆರಂಭಿಸಬಹುದಾಗಿದೆ.
from India & World News in Kannada | VK Polls https://ift.tt/2YNlsec
