: ಬಡಾವಣೆಯಲ್ಲಿ ಉದ್ಯಾನಕ್ಕೆ ಮೀಸಲಿಟ್ಟ ಜಾಗದಲ್ಲಿ ನಿರ್ಮಿಸಿ ಮಾರಾಟ ಮಾಡಿರುವ ಪ್ರಕರಣವನ್ನು ನಗರಾಭಿವೃದ್ಧಿ ಪ್ರಾಧಿಕಾರ () ಅಧಿಕಾರಿಗಳು ಪತ್ತೆ ಹಚ್ಚಿದ್ದಾರೆ. ಉದ್ಯಾನಕ್ಕೆ ಸೇರಿದ ಜಾಗದಲ್ಲಿ ಆರು ನಿವೇಶನಗಳನ್ನು ಮಾಡಿದ್ದು, ಅವುಗಳ ಮೌಲ್ಯ ಸುಮಾರು 6 ರಿಂದ 7 ಕೋಟಿ ಎಂದು ಅಂದಾಜಿಸಲಾಗಿದೆ. 4 ನಿವೇಶನಗಳನ್ನು ಈಗಾಗಲೇ ಮಾರಾಟ ಮಾಡಲಾಗಿದೆ. ಈ ಅಕ್ರಮದ ಬಗ್ಗೆ ತನಿಖೆ ನಡೆಸಲು ಸೂಚಿಸಲಾಗಿದೆ ಎಂದು ಮೈಸೂರು ನಗರಾಭಿವೃದ್ಧಿ ಪ್ರಾಧಿಕಾರ (ಮುಡಾ) ಅಧ್ಯಕ್ಷ ಎಚ್. ವಿ. ರಾಜೀವ್ ಸುದ್ದಿಗೋಷ್ಠಿಯಲ್ಲಿ ಹೇಳಿದರು. ಮೈಸೂರು ತಾಲೂಕು ಕಸಬಾ ಹೋಬಳಿ ಅಯ್ಯಜ್ಜಯ್ಯನ ಹುಂಡಿ ಗ್ರಾಮದ ಸರ್ವೆ ನಂ. 1 ರಲ್ಲಿ 4 ಎಕರೆ 39 ಗುಂಟೆ ಜಮೀನಿನಲ್ಲಿ ವಸತಿ ಬಡಾವಣೆಗಾಗಿ 2008 ರಲ್ಲಿ ಕಾರ್ಯಾದೇಶ ನೀಡಿ, ಶೇ 40 ರಷ್ಟು ನಿವೇಶನಗಳನ್ನು ಬಿಡುಗಡೆ ಮಾಡಲಾಗಿತ್ತು. ಒಟ್ಟು 62 ನಿವೇಶನಗಳಿದ್ದು, ಮೂಲ ನಕ್ಷೆಯ ಪ್ರಕಾರ ಮತ್ತು ಸಿ.ಎ ನಿವೇಶನಕ್ಕೆ ಜಾಗ ಮೀಸಲಿಡಬೇಕಿತ್ತು ಎಂದು ಹೇಳಿದರು. ಉದ್ಯಾನಕ್ಕೆ ಮೀಸಲಿಟ್ಟ ಜಾಗದಲ್ಲಿ ಅಕ್ರಮ ನಿವೇಶನ ನಿರ್ಮಿಸಿ, 2020ರ ಫೆಬ್ರವರಿಯಲ್ಲಿ ಮುಡಾಕ್ಕೆ ಅರ್ಜಿ ಸಲ್ಲಿಸಲಾಗಿದೆ. ಮಾರ್ಚ್ 2020 ರಲ್ಲಿ ಖಾತಾ ಪತ್ರಗಳನ್ನು ಪಡೆದು ಕೆಲವು ನಿವೇಶನಗಳನ್ನು ಮಾರಾಟ ಮಾಡಲಾಗಿದೆ. ಅನುಮೋದಿತ ನಕ್ಷೆಯ ಕಲರ್ ಜೆರಾಕ್ಸ್ ಅನ್ನು ತಿರುಚಲಾಗಿದೆ ಎಂದರು. ಅಧಿಕಾರಿಗಳು ಬಡಾವಣೆಗೆ ಭೇಟಿ ನೀಡಿದ್ದು, ಉದ್ಯಾನಕ್ಕೆ ಮೀಸಲಿಟ್ಟ ಜಾಗ ಪ್ರಾಧಿಕಾರಕ್ಕೆ ಸೇರಿದೆ ಎಂದು ಫಲಕ ಹಾಕಿದ್ದಾರೆ. ಮೂಲ ಖಾತೆ ಏಕೆ ರದ್ದುಪಡಿಸಬಾರದು ಎಂದು ಕೇಳಿ ಭೂ ಮಾಲೀಕರು ಹಾಗೂ ಡೆವಲಪರ್ಸ್ಗಳಿಗೆ ಪತ್ರ ಕಳುಹಿಸಿದ್ದು, ಉತ್ತರಿಸಲು ಒಂದು ವಾರ ಕಾಲಾವಕಾಶ ಕೊಡಲಾಗಿದೆ ಎಂದು ನುಡಿದರು. ಆರು ನಿವೇಶನಗಳು ಮತ್ತು ಬಡಾವಣೆಗೆ ಸಂಬಂಧಿಸಿದ ಯಾವುದೇ ನೋಂದಣಿ ಮಾಡಬಾರದು ಎಂದು ಉಪನೋಂದಣಾಧಿಕಾರಿಗೆ ಪತ್ರ ಬರೆಯಲಾಗಿದೆ. ಅಕ್ರಮದ ಬಗ್ಗೆ ವಿಸ್ತೃತ ತನಿಖೆ ನಡೆಸಲಿದ್ದು, ಖಾತೆ ಮಾಡಿಸಿಕೊಟ್ಟ ಅಧಿಕಾರಿಗಳು ಅಥವಾ ಪ್ರಾಧಿಕಾರದ ಯಾವುದೇ ಅಧಿಕಾರಿ, ಸಿಬ್ಬಂದಿ ಶಾಮೀಲಾಗಿರುವುದು ಕಂಡುಬಂದರೆ ಶಿಸ್ತು ಕ್ರಮ ಕೈಗೊಳ್ಳಲಾಗುವುದು ಎಂದು ತಿಳಿಸಿದರು. ಮೈಸೂರು ನಗರಾಭಿವೃದ್ಧಿ ಪ್ರಾಧಿಕಾರ (ಮುಡಾ) ಕಾರ್ಯದರ್ಶಿ ವೆಂಕಟರಾಜ್, ಸದಸ್ಯರಾದ ಲಿಂಗಣ್ಣ, ಕೆ. ಮಾದೇಶ್,ಲಕ್ಷ್ಮಿದೇವಿ ಇದ್ದರು. ವಸತಿ ಯೋಜನೆ: 24,348 ಮಂದಿ ಪ್ರತಿಕ್ರಿಯೆ ಗುಂಪು ವಸತಿ ಯೋಜನೆಗೆ ಸಾರ್ವಜನಿಕರಿಂದ ಉತ್ತಮ ಪ್ರತಿಕ್ರಿಯೆ ದೊರೆತಿದ್ದು, ಇದುವರೆಗೆ ಒಟ್ಟು 24,348 ಮಂದಿ ಸಮೀಕ್ಷೆಯಲ್ಲಿ ಪಾಲ್ಗೊಂಡಿದ್ದಾರೆ ಎಂದು ಮೈಸೂರು ನಗರಾಭಿವೃದ್ಧಿ ಪ್ರಾಧಿಕಾರ (ಮುಡಾ) ಅಧ್ಯಕ್ಷ ಎಚ್. ವಿ. ರಾಜೀವ್ ತಿಳಿಸಿದರು. ಆನ್ಲೈನ್ ಮೂಲಕ 5,274 ಮಂದಿ, ಆಫ್ಲೈನ್ನಲ್ಲಿ 19,074 ಮಂದಿ ಆಸಕ್ತಿ ತೋರಿದ್ದಾರೆ. ಪ್ರಾಧಿಕಾರದ ಸಿ.ಎ ನಿವೇಶನಗಳಿಗೆ ಈಗಾಗಲೇ 380 ಸಂಘ, ಸಂಸ್ಥೆಗಳು ಅರ್ಜಿ ಪಡೆದುಕೊಂಡಿವೆ. ಅರ್ಜಿ ಸಲ್ಲಿಸಲು ಇದೇ 22ರ ವರೆಗೆ ಕಾಲಾವಕಾಶ ಇದ್ದು, ಅಗತ್ಯಬಿದ್ದರೆ ಅವಧಿ ವಿಸ್ತರಿಸಲಾಗುವುದು ಎಂದು ಹೇಳಿದರು.
from India & World News in Kannada | VK Polls https://ift.tt/3afGsSI
