ಸ್ಟೀವನ್ ರೇಗೊ : ಬರೀ ಹದಿನೈದು ದಿನಗಳ ಅಂತರದಲ್ಲಿ ಎರಡು ಚಂಡಮಾರುತಗಳು ಅಪ್ಪಳಿಸಿದ ಪರಿಣಾಮ ಮೀನುಗಾರಿಕೆಗಂತೂ ಲಾಭವಾಗಿದೆ. ಈ ಕಾರಣದಿಂದ ಕಳೆದ ಕೆಲವು ದಿನಗಳಿಂದ ಮೀನುಗಾರಿಕೆಗೆ ಹೋದ ಪರ್ಸಿನ್, ಆಳ ಸಮುದ್ರ ಮೀನುಗಾರರ ಬಲೆಗೆ ಭರ್ಜರಿ ಮೀನು ಬೀಳುತ್ತಿದೆ. ಇದೊಂದು ವಿಶೇಷ ಬೆಳವಣಿಗೆಯನ್ನು ಸಿಎಂಫ್ ಆರ್ಐ ಕೂಡ ದೃಢಪಡಿಸಿದೆ. ಸೆಪ್ಟೆಂಬರ್ 24ರಿಂದ ಸೆಪ್ಟೆಂಬರ್ 29ರ ವರೆಗೆ ಬಂಗಾಳ ಕೊಳ್ಳಿ, ಒರಿಸ್ಸಾ, ಆಂಧ್ರ ಪ್ರದೇಶ ವ್ಯಾಪ್ತಿಯಲ್ಲಿ ಕಾಣಿಸಿಕೊಂಡ ಗುಲಾಬ್ ಒಂದಾದರೆ, ಈ ಬಳಿಕ ಅಕ್ಟೋಬರ್ 1 ರಿಂದ ಗುಜರಾತ್ನಲ್ಲಿ ಕಾಣಿಸಿಕೊಂಡ ಶಹೀನ್ ಚಂಡಮಾರುತ ಈಗ ಮಸ್ಕತ್ ಭಾಗದ ಕಡೆಗೆ ಸಾಗಿದಾಗ ಉಂಟಾದ ತಲ್ಲಣಗಳು ವಿಶೇಷವಾಗಿ ಅರಬ್ಬಿ ಸಮುದ್ರದಲ್ಲಿ ಕಾಣಿಸಿಕೊಂಡ ಶಹೀನ್ನ ಅಬ್ಬರದಿಂದ ಮೀನುಗಾರಿಕೆಗಂತೂ ಪೂರ್ಣ ರೂಪದಲ್ಲಿ ಪ್ಲಸ್ ಆಗಿದೆ ಎನ್ನುವುದು ವಿಜ್ಞಾನಿಗಳ ಲೆಕ್ಕಚಾರ. ಚಂಡ ಮಾರುತ ಪ್ಲಸ್ ಆಯಿತು ಮೀನುಗಾರಿಕಾ ರಜೆ ಮುಗಿಸಿಕೊಂಡು ಮೀನುಗಾರಿಕೆಗೆ ಇಳಿಯುವ ಹೊತ್ತಿನಲ್ಲೇ ಎರಡು ಚಂಡಮಾರುತಗಳು ಮೀನುಗಾರರನ್ನು ಮೀನುಗಾರಿಕೆಗೆ ಇಳಿಯದಂತೆ ಮಾಡಿತು. ವಿಶೇಷವಾಗಿ ಆಗಾಗ ಕಾಣಿಸಿಕೊಳ್ಳುತ್ತಿದ್ದ ಹವಾಮಾನ ಇಲಾಖೆ ಎಚ್ಚರಿಕೆಯ ಸೂತ್ರಗಳು ಕೂಡ ಮೀನುಗಾರರನ್ನು ಕಟ್ಟಿ ಹಾಕಿತ್ತು. ಆದರೆ ಸೆಪ್ಟೆಂಬರ್ ಹೊತ್ತಿನಲ್ಲಿ ಪೂರ್ಣ ಪ್ರಮಾಣದಲ್ಲಿ ಇಳಿದಾಗ ಗುಲಾಬ್ ಅವರನ್ನು ಅಡ್ಡ ಹಾಕಿತು. ಈ ಬಳಿಕ ಶಹೀನ್ ಕೂಡ ತನ್ನ ಕೆಲಸವನ್ನು ತೋರಿಸಿದ ಬಳಿಕ, ಈಗ ಮೀನುಗಾರರು ಬಲೆ ತುಂಬಾ ಮೀನು ಹಿಡಿದುಕೊಂಡು ಬರುತ್ತಿದ್ದಾರೆ. ಈ ಕುರಿತು ಸಿಎಂಫ್ ಆರ್ಐ (ಸೆಂಟ್ರಲ್ ಮರೈನ್ ಫಿಶರೀಸ್ ರಿಸರ್ಚ್ ಇನ್ಸ್ಸ್ಟಿಟ್ಯೂಟ್) ಪ್ರಾಂತೀಯ ನಿರ್ದೇಶಕ ಪ್ರತಿಭಾ ರೋಹಿತ್ ಅವರು ಹೇಳುವಂತೆ, ಚಂಡಮಾರುತದಿಂದಾಗಿ ಸಮುದ್ರದಲ್ಲಿರುವ ಖನಿಜ ಲವಣಗಳು ಕೆಳ ಭಾಗದಿಂದ ಮೇಲ್ಭಾಗಕ್ಕೆ ಬಂದು ನಿಲ್ಲುತ್ತದೆ. ಇದರ ಜತೆಯಲ್ಲಿ ಸಣ್ಣ ಮೀನುಗಳು ಇದನ್ನು ತಿನ್ನಲು ಬರುತ್ತದೆ. ಈ ಮೀನುಗಳನ್ನು ತಿನ್ನಲು ದೊಡ್ಡ ಮೀನುಗಳು ಬಂದು ನಿಂತಾಗ ಸುಲಭದಲ್ಲಿ ಇವು ಬಲೆಗೆ ಸಿಲುಕಿ ಬೀಳುತ್ತದೆ. ಕಳೆದ ಎರಡು ಚಂಡಮಾರುತಗಳು ಕೂಡ ಮೀನುಗಾರರಿಗೆ ನೆರವಾಗಿದೆ ಎನ್ನಬಹುದು. ಕೆಎಸ್ಎನ್ಡಿಎಂಸಿ ವಿಜ್ಞಾನಿ ಸುನಿಲ್ ಗವಾಸ್ಕರ್ ಅವರು ಹೇಳುವಂತೆ ಎರಡು ಚಂಡಮಾರುತಗಳು ಕೆಲವೇ ದಿನಗಳ ಅಂತರದಲ್ಲಿ ಕಾಣಿಸಿಕೊಂಡಿದೆ. ಜತೆಗೆ ಮುಂಗಾರು ಕೂಡ ಚುರುಕಾಗಿತ್ತು. ಇನ್ನು ಕೆಲವು ದಿನಗಳಲ್ಲಿಯೇ ಹಿಂಗಾರು ಪ್ರವೇಶ ಮಾಡಲಿದೆ. ಚಂಡಮಾರುತದಿಂದಾಗಿ ಸಮುದ್ರದಲ್ಲಿ ತಲ್ಲಣ ಉಂಟಾಗುತ್ತದೆ. ಅಲ್ಲಿನ ಲವಣಗಳು ಮೇಲಕ್ಕೆ ಬರುವುದನ್ನು ಕೂಡ ಗಮನಿಸಿದ್ದೇವೆ. ಇದಕ್ಕಾಗಿ ಮೀನುಗಳು ಬರುತ್ತದೆ ಎನ್ನುತ್ತಾರೆ ಅವರು. ಮೀನು ರೇಟ್ ಇಳಿಕೆ ಮೀನುಗಾರಿಕೆಯ ಈ ಬೆಳವಣಿಗೆಯಿಂದ ಹೆಚ್ಚಿದ ಮೀನಿನಿಂದ ರೇಟ್ ಕಡಿಮೆಯಾಗಿದೆ. ಆಂಜಲ್ ಕೆಜಿಗೆ 700 ರೂ. ನಿಂದ ಏಕ್ ದಂ 400ಕ್ಕೆ ಬಂದು ನಿಂತಿದೆ. 400 ರೂ ಮಾಂಜಿ 200 ರೂ. ದರದಲ್ಲಿ ಸಿಗುತ್ತಿದೆ. ಇದರ ಜತೆಯಲ್ಲಿ ಬಂಗುಡೆ, ಬೂತಾಯಿ, ಸಿಗಡಿ ರೇಟ್ ಕೂಡ ಕಡಿಮೆಯಾಗುತ್ತಿದೆ. ಇದು ಈಗಿನ ಮೀನು ಮಾರ್ಕೆಟ್ನ ರೇಟ್ ಕಾರ್ಡ್.
from India & World News in Kannada | VK Polls https://ift.tt/2Yq9Vqu
