ಪುಣೆ: ವಿರುದ್ಧ ಅಂತಾರಾಷ್ಟ್ರೀಯ ಓಡಿಐ ಕ್ರಿಕೆಟ್ ಪದಾರ್ಪಣೆ ಪಂದ್ಯದಲ್ಲಿ 54 ರನ್ ನೀಡಿ 4 ವಿಕೆಟ್ ಪಡೆದು ಭಾರತೀಯ ಕ್ರಿಕೆಟ್ನಲ್ಲಿ ನೂತನ ಮೈಲುಗಲ್ಲು ಸ್ಥಾಪಿಸಿದ್ದ ಯುವ ವೇಗಿ ಪ್ರಸಿಧ್ ಕೃಷ್ಣ, ತಮ್ಮ ಯಶಸ್ವಿನ ಹಿಂದೆ ಆಸ್ಟ್ರೇಲಿಯಾ ಬೌಲಿಂಗ್ ದಂತಕತೆ ಗ್ಲೆನ್ ಮೆಗ್ರಾತ್ ಅವರ ಪಾತ್ರವಿದೆ ಎಂಬುದನ್ನು ಬಹಿರಂಗಪಡಿಸಿದರು. 563 ವಿಕೆಟ್ಗಳೊಂದಿಗೆ ಟೆಸ್ಟ್ ವೃತ್ತಿ ಜೀವನವನ್ನು ಅಂತ್ಯಗೊಳಿಸಿರುವ , 2017ರಲ್ಲಿ ಚೆನ್ನೈನಲ್ಲಿರುವ ಎಂಆರ್ಎಫ್ ಪೇಸ್ ಆಕಾಡೆಮಿಯಲ್ಲಿ ಕರ್ನಾಟಕದ ಅವರ ಬೌಲಿಂಗ್ ಕೌಶಲದ ಬೆಳವಣಿಗೆಗೆ ಶ್ರಮಿಸಿದ್ದರು. ಕೋಲ್ಕತಾ ನೈಟ್ ರೈಡರ್ಸ್ ಜೊತೆ ಸಂದರ್ಶನದಲ್ಲಿ ಮಾತನಾಡಿದ ಪ್ರಸಿಧ್ ಕೃಷ್ಣ, ಬೌಲಿಂಗ್ನಲ್ಲಿ ಸ್ಥಿರವಾಗಿ ಲೈನ್ ಅಂಡ್ ಲೆನ್ತ್ ಹಾಕಲು ಗ್ಲೆನ್ ಮೆಗ್ರಾತ್ ಅವರು ನನಗೆ ಹಲವು ತರಬೇತಿಗಳನ್ನು ನೀಡಿದ್ದಾರೆ ಎಂಬ ವಿಷಯವನ್ನು ರಿವೀಲ್ ಮಾಡಿದರು. "ಅವರು(ಮೆಗ್ರಾತ್) ನನ್ನಲ್ಲಿ ತುಂಬಾ ವ್ಯತ್ಯಾಸವನ್ನುಂಟು ಮಾಡಿದ್ದಾರೆ. ತಾಳ್ಮೆಯಿಂದ ಅವರು ನನ್ನನ್ನು ಸೆಳೆಯುತ್ತಿದ್ದರು ಹಾಗೂ ವಿಭಿನ್ನ ಪಿಚ್ಗಳಲ್ಲಿ ಸ್ಥಿರವಾಗಿ ಲೈನ್ ಅಂಡ್ ಲೆನ್ತ್ ಹಾಕುವ ಬಗ್ಗೆ ಅವರು ನನಗೆ ಹೇಳಿಕೊಟ್ಟಿದ್ದರು. ಅವರು ಯಾವಾಗಲೂ ಸ್ಥಿರವಾಗಿರುವುದರ ಬಗ್ಗೆ ಮಾತನಾಡುತ್ತಿದ್ದರು," ಎಂದು ಪ್ರಸಿಧ್ ಕೃಷ್ಣ ತಿಳಿಸಿದರು. ಆರಂಭಿಕ ಪಂದ್ಯದಲ್ಲಿ 318 ರನ್ ಗುರಿ ಹಿಂಬಾಲಿಸಿದ ಇಂಗ್ಲೆಂಡ್ ತಂಡದ ಪರ ಜೆಸನ್ ರಾಯ್ ಹಾಗೂ ಜಾನಿ ಬೈರ್ಸ್ಟೋವ್ ಜೋಡಿ ಆರಂಭಿಕರಾಗಿ ಕಣಕ್ಕೆ ಇಳಿದಿದ್ದರು. ಆ ಮೂಲಕ ಭಾರತೀಯ ಬೌಲರ್ಗಳನ್ನು ಮನಬಂದಂತೆ ಥಳಿಸಿದ್ದರು. ಪ್ರಸಿಧ್ ಕೃಷ್ಣ ಆರಂಭಿಕ ಮೂರು ಓವರ್ಗಳಲ್ಲಿ 37 ರನ್ ಬಿಟ್ಟುಕೊಟ್ಟಿದ್ದರು. ನಂತರ, 15ನೇ ಓವರ್ನಲ್ಲಿ ಮತ್ತೆ ಚೆಂಡು ಕೈಗೆತ್ತಿಕೊಂಡ ಅವರು, ಜೇಸನ್ ರಾಯ್ ಅವರ ವಿಕೆಟ್ ಪಡೆಯುವ ಮೂಲಕ ಪಂದ್ಯಕ್ಕೆ ತಿರುವು ತಂದುಕೊಟ್ಟರು. ಆ ಮೂಲಕ 135 ರನ್ಗಳಿಗೆ ಒಂದೂ ವಿಕೆಟ್ ಕಳೆದುಕೊಂಡಿರದ ಇಂಗ್ಲೆಂಡ್ ತಂಡ, 42.1 ಓವರ್ಗಳಿಗೆ 251 ರನ್ಗಳಿಗೆ ಆಲೌಟ್ ಆಯಿತು. ಪ್ರಸಿಧ್ ಕೃಷ್ಣ ಪ್ರಮುಖ ನಾಲ್ಕು ವಿಕೆಟ್ಗಳನ್ನು ಕಬಳಿಸಿದರು. ಬಲಿಷ್ಠವಾಗಿ ಕಮ್ಬ್ಯಾಕ್ ಮಾಡಿದ ಶ್ರೇಯವನ್ನು ಪ್ರಸಿಧ್ ಕೃಷ್ಣ ತಮ್ಮ ಮೆಂಟರ್ ಗ್ಲೆನ್ ಮೆಗ್ರಾತ್ಗೆ ಅರ್ಪಿಸಿದರು. ವರ್ತಮಾನದಲ್ಲಿ ಉಳಿಯುವುದು ಮೆಗ್ರಾತ್ ಅವರಿಂದ ಕಲಿತ ಎಂಬ ಪ್ರಮುಖ ಸಂಗತಿಯನ್ನು ಯುವ ವೇಗಿ ಹೇಳಿದರು. "ನಾನು ಅವರಿಂದ (ಮೆಗ್ರಾತ್) ಆರಿಸಿಕೊಂಡ ಮೊದಲನೆಯದು ಎಲ್ಲಾ ಸಂದರ್ಭಗಳಲ್ಲಿಯೂ ವರ್ತಮಾನದಲ್ಲಿ ಉಳಿಯುವುದು, ಏಕೆಂದರೆ ನೀವು ಆಟವನ್ನು ಆಡುವಾಗ ಬೌಲರ್ಗೆ ಇದು ಅತ್ಯಂತ ಮುಖ್ಯವಾದ ಅಂಶವಾಗಿದೆ," ಎಂದು ಪ್ರಸಿಧ್ ಕೃಷ್ಣ ಮಾತು ಮುಗಿಸಿದರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/3skJZXz
