ಶಶಿಧರ್‌ ಎಸ್‌.ದೋಣಿಹಕ್ಲು, ಬೆಂಗಳೂರು: ರೈತರಿಗೆ ಸುಲಭವಾಗಿ ಸಾಲ ದೊರೆಯುವಂತೆ ಮಾಡಲು ಕೃಷಿ ಸಾಲ ಕೇಂದ್ರಗಳನ್ನು ಆರಂಭಿಸಿದೆ. ದೇಶದ 5 ಕಡೆಗಳಲ್ಲಿ ಕೇಂದ್ರಗಳನ್ನು ತೆರೆದಿದ್ದು, ತುಮಕೂರಿನಲ್ಲಿ ರಾಜ್ಯದ ಮೊದಲ ಕಾರ್ಯಾರಂಭ ಮಾಡಿದೆ. ಬ್ಯಾಂಕ್‌ಗಳಲ್ಲಿ ಅಧಿಕಾರಿಗಳ ಕಾರ್ಯಭಾರದ ಒತ್ತಡದಿಂದ ಕೃಷಿ ಸಾಲ ನೀಡಿಕೆ ವಿಳಂಬವಾಗುವುದನ್ನು ತಮ್ಮ ಪ್ರಮುಖ ಶಾಖೆಗಳಲ್ಲಿ ಪ್ರತ್ಯೇಕವಾಗಿ ಕೃಷಿ ಸಾಲ ಕೇಂದ್ರವನ್ನು ಬ್ಯಾಂಕ್‌ ಆರಂಭಿಸಿದೆ. ಈ ಕೇಂದ್ರದಲ್ಲಿ ವ್ಯವಸ್ಥಾಪಕರು ಸೇರಿದಂತೆ 5-6 ಮಂದಿ ಕೃಷಿ ಅಧಿಕಾರಿಗಳಿದ್ದು, ಕೃಷಿ ಸಾಲಕ್ಕೆ ಸಂಬಂಧಿಸಿದ ಕಾರ್ಯಕ್ಕೇ ಮೀಸಲಾಗಿರುತ್ತಾರೆ. ಅವರಿಗೆ ಬ್ಯಾಂಕ್‌ನ ಇತರೆ ಕೆಲಸಗಳನ್ನು ನೀಡುವುದಿಲ್ಲ. ಹೀಗಾಗಿ ಸಾಲ ನೀಡಿಕೆ ಪ್ರಕ್ರಿಯೆ ವೇಗ ಪಡೆದು ರೈತರಿಗೆ ಬಹುಬೇಗ ಸಾಲ ದೊರೆಯುತ್ತದೆ. ಎಲ್ಲೆಲ್ಲಿಆರಂಭ?ಕರ್ನಾಟಕ, ಉತ್ತರ ಪ್ರದೇಶ, ಆಂಧ್ರಪ್ರದೇಶ, ತಮಿಳುನಾಡು ಹಾಗೂ ಹರಿಯಾಣ ರಾಜ್ಯಗಳ ತಲಾ ಒಂದೊಂದು ಶಾಖೆಗಳಲ್ಲಿ ಕೃಷಿ ಸಾಲ ಕೇಂದ್ರಗಳನ್ನು ಕೆನರಾ ಬ್ಯಾಂಕ್‌ ತೆರೆದಿದೆ. ಕರ್ನಾಟಕದಲ್ಲಿ ತುಮಕೂರಿನ ಬಿ.ಎಚ್‌.ರಸ್ತೆಯಲ್ಲಿರುವ ಕೆನರಾ ಬ್ಯಾಂಕ್‌ ಆರ್‌ಎಎಚ್‌ ಶಾಖೆಯಲ್ಲಿ ಸೋಮವಾರ ಕೃಷಿ ಸಾಲ ಕೇಂದ್ರವನ್ನು ಉದ್ಘಾಟಿಸಲಾಯಿತು. ಮೊದಲ ದಿನವೇ ಜಿಲ್ಲೆಯ ನಾನಾ ಭಾಗದ 40 ರೈತರಿಗೆ ಒಟ್ಟು 9.5 ಕೋಟಿ ರೂ.ಗಳ ಸಾಲ ನೀಡಲಾಯಿತು. ಅಂತೆಯೇ ಉತ್ತರ ಪ್ರದೇಶದ ಆಗ್ರ, ಆಂಧ್ರಪ್ರದೇಶದ ಒಂಗೊಲೆ, ತಮಿಳು ನಾಡಿನ ಸೇಲಂ, ಹರಿಯಾಣದ ಕರ್ನಲ್‌ನಲ್ಲಿ ಕೇಂದ್ರಗಳನ್ನು ಪ್ರಾರಂಭಿಸಲಾಗಿದ್ದು, ಮುಂದಿನ ದಿನಗಳಲ್ಲಿ ದೇಶ ಮತ್ತು ರಾಜ್ಯದ ನಾನಾ ಭಾಗಗಳಲ್ಲಿ ಸಾಲ ಕೇಂದ್ರಗಳು ಆರಂಭವಾಗಲಿವೆ. ಕೃಷಿ ಸಾಲ ಕೇಂದ್ರ ಏಕೆ? ಬ್ಯಾಂಕ್‌ನ ಕಾರ್ಯಚಟುವಟಿಕೆಗಳು ಹೆಚ್ಚಿರುವುದರಿಂದ ಕೆಲವೊಮ್ಮೆ ರೈತರಿಗೆ ತ್ವರಿತಗತಿಯಲ್ಲಿ ಸ್ಪಂದಿಸಲು, ಯೋಜನೆಗಳನ್ನು ತಲುಪಿಸಲು ಸಾಧ್ಯವಾಗುತ್ತಿಲ್ಲ. ಆದ್ದರಿಂದ ಪ್ರತ್ಯೇಕವಾಗಿ ರೈತರಿಗಾಗಿಯೇ ಕೇಂದ್ರಗಳನ್ನು ತೆರೆದರೆ ಅನುಕೂಲವಾಗುತ್ತದೆ ಎಂಬ ಉದ್ದೇಶದಿಂದ ಆರಂಭಿಸಲಾಗಿದೆ. ರೈತರು ತಮ್ಮ ಸಮೀಪದ ಕೆನರಾ ಬ್ಯಾಂಕ್‌ ಕೃಷಿ ಸಾಲ ಕೇಂದ್ರಕ್ಕೆ ತೆರಳಿ ಅಲ್ಲಿರುವ ಕೃಷಿ ಅಧಿಕಾರಿಗಳನ್ನು ಸಂಪರ್ಕಿಸಿ ಸಾಲ ಸೌಲಭ್ಯ ಪಡೆಯಬಹುದು. ಬೆಳೆ ಸಾಲ, ಆಹಾರ ಸಂಸ್ಕರಣಾ ಘಟಕಗಳು, ಕೃಷಿ ಅಭಿವೃದ್ಧಿ ಚಟುವಟಿಕೆ ಸೇರಿದಂತೆ ಎಲ್ಲಾ ರೀತಿಯ ಕೃಷಿ ಸಾಲವೂ ಈ ಕೇಂದ್ರದಲ್ಲಿ ಸಿಗುತ್ತದೆ. ರೈತರಿಗೆ ವೇಗವಾಗಿ ಮತ್ತು ಸುಲಭವಾಗಿ ಸಾಲ ನೀಡಲೆಂದೇ ಕೆನರಾ ಬ್ಯಾಂಕ್‌ನಿಂದ ಕೃಷಿ ಸಾಲ ಕೇಂದ್ರಗಳನ್ನು ತೆರೆಯಲಾಗಿದೆ. ದೇಶದಲ್ಲಿ ಒಟ್ಟು 5 ಕಡೆಗಳಲ್ಲಿ ಕೇಂದ್ರ ಆರಂಭವಾಗಿದ್ದು, ರಾಜ್ಯದಲ್ಲಿ ಮೊದಲ ಕೇಂದ್ರವನ್ನು ತುಮಕೂರಿನಲ್ಲಿ ಪ್ರಾರಂಭಿಸಲಾಗಿದೆ. ವಿ.ಎಂ. ಗಿರಿಧರ್‌, ಸಿಜಿಎಂ, ಬೆಂಗಳೂರು ವೃತ್ತ ಕಚೇರಿ
from India & World News in Kannada | VK Polls https://ift.tt/3sEYQeZ
