ಹೊಸದಿಲ್ಲಿ: ಪ್ರಸ್ತುತ ವಿಶ್ವದ ಅತ್ಯುತ್ತಮ ವೇಗಿಗಳಲ್ಲಿ ತಂಡದ ಕೂಡ ಒಬ್ಬರು. ಟೆಸ್ಟ್, ಓಡಿಐ ಹಾಗೂ ಟಿ20 ಯಾವುದೇ ಕ್ರಿಕೆಟ್ ಇರಲಿ ಎದುರಾಳಿ ಬ್ಯಾಟ್ಸ್ಮನ್ಗಳಿಗೆ ಆಸೀಸ್ ವೇಗಿ ಮಾರಕವಾಗಿ ಕಾಡುವುದಂತೂ ಗ್ಯಾರೆಂಟಿ. ಅದರಂತೆ ಐಪಿಎಲ್ ಟೂರ್ನಿಗೂ ಅವರು ಹೇಳಿ ಮಾಡಿಸಿದ ವೇಗಿಯಾಗಿದ್ದಾರೆ. ಆದರೆ, ಅವರು 2021ರ ಐಪಿಎಲ್ ಟೂರ್ನಿಯಿಂದ ಹೊರಗುಳಿಯುತ್ತಿರುವುದು ಬೇಸರದ ಸಂಗತಿ. ನ್ಯೂ ಸೌಥ್ ವೇಲ್ಸ್ ಪರ ಶೆಫೀಲ್ಡ್ ಶೀಲ್ಡ್ ಟ್ರೋಫಿ ಆಡುವ ಸಲುವಾಗಿ ಅವರು (ಸ್ಟಾರ್ಕ್) 2021ರ ಆವೃತ್ತಿಯ ಟೂರ್ನಿಯಿಂದ ಹೊರಗುಳಿಯುವ ನಿರ್ಧಾರ ತೆಗೆದುಕೊಂಡಿದ್ದಾರೆ. ಅಂದಹಾಗೆ ಅವರು 2014 ಮತ್ತು 2015ರ ಆವೃತ್ತಿಗಳಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಪರ ಐಪಿಎಲ್ ಆಡಿದ್ದರು. ಆ ಮೂಲಕ 17.05 ಸ್ಟ್ರೈಕ್ರೇಟ್ನಲ್ಲಿ 34 ವಿಕೆಟ್ಗಳನ್ನು ಕಬಳಿಸಿದ್ದಾರೆ. ಕ್ರಿಕೆಟ್.ಕಾಮ್.ಎಯು ಜತೆ ಮಾತನಾಡಿದ ಮಿಚೆಲ್ ಸ್ಟಾರ್ಕ್, ನ್ಯೂ ಸೌಥ್ ವೇಲ್ಸ್ ಪರ ಹಿರಿಯ ಆಟಗಾರನಾಗಿ ಶೆಫೀಲ್ಡ್ ಶೀಲ್ಡ್ ಟ್ರೋಫಿ ಆಡಬೇಕೇಂದು ಹೇಳಿದ್ದಾರೆ. "ನನ್ನಿಂದ ಸಾಧ್ಯವಾದಷ್ಟು ಶೆಫೀಲ್ಡ್ ಶೀಲ್ಡ್ ಟ್ರೋಫಿಯ ಪಂದ್ಯಗಳಾಡಲು ಪ್ರಯತ್ನಿಸುತ್ತೇನೆ. ದೇಹದ ಕೆಲ ಸಂಗತಿಗಳನ್ನು ನಿರ್ವಹಿಸಲು ಪ್ರಯತ್ನಿಸುತ್ತೇನೆ ಹಾಗೂ ರೆಡ್ ಬಾಲ್ನಲ್ಲಿ ಸಾಧ್ಯವಾದಷ್ಟು ಹೆಚ್ಚು ಪಂದ್ಯಗಳಾಡುತ್ತೇನೆ. ತಂಡದ ಹಲವು ಆಟಗಾರರು ಇಂಡಿಯನ್ ಪ್ರೀಮಿಯರ್ ಲೀಗ್ ಟೂರ್ನಿಗೆ ತೆರಳಲಿದ್ದಾರೆ. ಇವರ ಅನುಪಸ್ಥಿತಿಯಲ್ಲಿ ಒಬ್ಬ ಹಿರಿಯ ಆಟಗಾರನಾಗಿ ತಂಡದ ಜವಾಬ್ದಾರಿಯನ್ನು ವಹಿಸಿಕೊಳ್ಳುತ್ತೇನೆ," ಎಂದು ಸ್ಟಾರ್ಕ್ ತಿಳಿಸಿದರು. ಇದೇ ವರ್ಷಾಂತ್ಯದಲ್ಲಿ ಭಾರತದಲ್ಲಿ ಐಸಿಸಿ ಟಿ20 ವಿಶ್ವಕಪ್ ಟೂರ್ನಿ ಇರುವ ಹಿನ್ನೆಲೆಯಲ್ಲಿ ಮಹತ್ವದ ಟೂರ್ನಿಗೆ ತಯಾರಿ ನಡೆಸಲು ಆಟಗಾರರಿಗೆ ಈ ಬಾರಿ ಐಪಿಎಲ್ ಅತ್ಯುತ್ತಮ ವೇದಿಕೆ ಎಂದು ಹಲವು ಕ್ರಿಕೆಟ್ ಪಂಡಿತರು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ಇತ್ತೀಚೆಗಷ್ಟೇ ಇಂಗ್ಲೆಂಡ್ ತಂಡದ ನಾಯಕ ಐಯಾನ್ ಮಾರ್ಗನ್, ಟಿ20 ವಿಶ್ವಕಪ್ ಹಿನ್ನೆಲೆಯಲ್ಲಿ ಆಟಗಾರರು ಐಪಿಎಲ್ನಲ್ಲಿ ಅತ್ಯುತ್ತಮ ಪ್ರದರ್ಶನ ತೋರಲು ಎದುರು ನೋಡುತ್ತಿದ್ದಾರೆಂದು ಹೇಳಿದ್ದರು. ಆಸ್ಟ್ರೇಲಿಯಾ ತಂಡದ ಕೆಲ ಸಹ ಆಟಗಾರರು ಪ್ರತ್ಯೇಕ ಫ್ರಾಂಚೈಸಿಗಳ ಪರ ಐಪಿಎಲ್ ಆಡುತ್ತಿದ್ದಾರೆ. ಆದರೆ, ಮಿಚೆಲ್ ಸ್ಟಾರ್ಕ್ ಶೆಫೀಲ್ಡ್ ಶೀಲ್ಡ್ ಟ್ರೋಫಿಯ ಸಾಧ್ಯವಾದಷ್ಟು ಪಂದ್ಯಗಳಾಡುವ ಮೂಲಕ ಫೈನಲ್ ತಲುಪಿ, ನ್ಯೂ ಸೌತ್ ವೇಲ್ಸ್ಗೆ ಪ್ರಶಸ್ತಿ ತಂದುಕೊಡುವ ಉದ್ದೇಶವನ್ನು ಇಟ್ಟುಕೊಂಡಿದ್ದಾರೆ. "ಇದುವರೆಗೂ ನಾನು ಫೈನಲ್ ಹಣಾಹಣಿಯಲ್ಲಿ ಆಡಿಲ್ಲ. ಆದರೆ, ಈ ಬಾರಿ ನಮ್ಮ ತಂಡ ಪೈನಲ್ ತಲುಪಿ ಪ್ರಶಸ್ತಿ ಮುಡಿಗೇರಿಸಿಕೊಳ್ಳಲು ನೆರವಾಗುತ್ತೇನೆ. ಇದು ನನ್ನ ಮೊದಲ ಗುರಿಯಾಗಿದೆ. ದೀರ್ಘ ಕಾಲ ಮೂರೂ ಸ್ವರೂಪದ ಕ್ರಿಕೆಟ್ ಆಡಿದ್ದೇನೆ. ಎಲ್ಲಾ ಸ್ವರೂಪದ ಕ್ರಿಕೆಟ್ನಲ್ಲಿ ನನಗೆ ಸಿಕ್ಕಿರುವ ಗೇಮ್ ಪ್ಲ್ಯಾನ್ ಬದಲಾವಣೆಯಾಗುವುದಿಲ್ಲ. ಆದರೆ, ಶೀಲ್ಡ್ ಹಾಗೂ ಟೆಸ್ಟ್ ಕ್ರಿಕೆಟ್ ನನಗೆ ಪರಾಕಷ್ಠೆ ಯಾಗಿದೆ," ಎಂದು ಮಿಚೆಲ್ ಸ್ಟಾರ್ಕ್ ಹೇಳಿದರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/396sO49
