ವಾಷಿಂಗ್ಟನ್‌: ಕೊರೊನಾ ವೈರಸ್‌ ಕೇವಲ ಒಂದು ಸಾಂಕ್ರಾಮಿಕ ರೋಗವಲ್ಲ. ಇದು ದೇಶದ ಮೇಲೆ ನಡೆ ದಾಳಿ ಎಂದು ಅಮೆರಿಕ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ಕಿಡಿಕಾರಿದ್ದಾರೆ. ಮಾಧ್ಯಮದೊಂದಿಗಿನ ಸಂವಾದದಲ್ಲಿ ಅಮೆರಿಕಾದಲ್ಲಿ ಕೊರೊನಾ ಮಹಾಮಾರಿಯ ಕುರಿತಾಗಿ ಟ್ರಂಪ್‌ ವ್ಯಾಖ್ಯಾನಿಸಿದ ಪರಿ ಇದು. 1917 ರ ಬಳಿಕ ಈ ವರೆಗೆ ಯಾರೂ ಇಂತಹ ಒಂದು ಸನ್ನಿವೇಶವನ್ನು ಎದುರಿಸಿಲ್ಲ. ಕೊರೊನಾ ವೈರಸ್‌ ಮೂಲಕ ದೇಶದ ಮೇಲೆ ದಾಳಿ ನಡೆಸಲಾಗಿದೆ. ಇದು ಕೇವಲ ಜ್ವರ ಅಥವಾ ಸಾಂಕ್ರಾಮಿಕ ರೋಗ ಅಲ್ಲ ಎಂದು ಸುದ್ದಿಗಾರರ ಪ್ರಶ್ನೆಗೆ ಉತ್ತರಿಸಿದ್ದಾರೆ. ಚೀನಾ ಕೊರೊನಾ ವೈರಸ್‌ ಕುರಿತು ಮಾಹಿತಿ ಬಚ್ಚಿಟ್ಟದ್ದೇ ಇಂತಹ ದೊಡ್ಡ ಮಟ್ಟಿನ ನಷ್ಟಕ್ಕೆ ಕಾರಣವಾಗಿದೆ. ಇದು ಉದ್ದೇಶಪೂರ್ವಕವಾಗಿ ಇಂತಹ ನಡೆ ಕೈಗೊಂಡಿದೆ. ಚೀನಾ ಕೋವಿಡ್‌-19 ನ ಅಪಾಯಗಳ ಬಗ್ಗೆ ಮುಂಚಿತವಾಗಿಯೇ ಬಹಿರಂಗ ಪಡಿಸಿಲ್ಲ. ಇದೇ ಇಂದಿನ ಈ ಪರಿಸ್ಥಿತಿಗೆ ಕಾರಣವಾಗಿದೆ ಎಂದು ಟ್ರಂಪ್‌ ಹೇಳಿದ್ದಾರೆ. ಅಮೆರಿಕದ ಮಿಸೌರಿಯ ಕೋರ್ಟ್‌ನಲ್ಲಿ ಚೀನಾ ಸರಕಾರದ ವಿರುದ್ಧ ಧಾವೆ ಹೂಡಲಾಗಿದೆ. ವಿಶ್ವಾದ್ಯಂತ ಕೊರೊನಾದಿಂದಾಗಿರುವ ಎಲ್ಲ ಕಷ್ಟ, ನಷ್ಟ ಹಾಗೂ ಸಾವು-ನೋವುಗಳಿಗೆ ಚೀನಾ ಅಧಿಕಾರಿಗಳೇ ಹೊಣೆಗಾರುರು ಎಂದು ಮಿಸೌರಿಯ ಅಟರ್ನಿ ಜನರಲ್‌ ಎರಿಕ್‌ ಫೆಡರೆರಲ್ ಕೋರ್ಟ್‌ನಲ್ಲಿ ಧಾವೆ ಹೂಡಿದ್ದಾರೆ. ಚೀನಾ ಕೊರೊನಾ ವೈರಸ್‌ನ ಅಪಾಯದ ಕುರಿತು ಜಗತ್ತಿನೆದು ಸತ್ಯ ಮರೆಮಾಚಿದೆ. ಚೀನಾದ ಅಧಿಕಾರಿಗಳು, ಲ್ಯಾಬೋರೇಟರಿ ಹಾಗೂ ಅಲ್ಲಿನ ಸರಕಾರ ವೈರಸ್‌ನ ಅಸಲಿ ಸತ್ಯವನ್ನು ಬಹಿರಂಗ ಪಡಿಸಿಲ್ಲ ಎಂದು ಕೋರ್ಟ್‌ಗೆ ಸಲ್ಲಿಸಿದ ಅರ್ಜಿಯಲ್ಲಿ ತಿಳಿಸಲಾಗಿದೆ. 6 ದಿನಗಳ ಕಾಲ ಮುಚ್ಚಿಟ್ಟ ಅಪಾಯಕಾರಿ ಸತ್ಯ!ಚೀನಾ ಕೊರೊನಾ ವಿಚಾರವಾಗಿ ಸಾರ್ವಜನಿಕರಿಗೂ ಮಾಹಿತಿ ನೀಡಿಲ್ಲ. ವೈರಸ್‌ ಪತ್ತೆಯಾಗಿ ಸುಮಾರು ಆರು ದಿನಗಳ ವರೆಗೆ ಆ ಬಗ್ಗೆ ಎಲ್ಲ ಮಾಹಿತಿಯನ್ನು ಬಚ್ಚಿಟ್ಟಿದ್ದು, ಸೂಕ್ತ ಮುನ್ನೆಚ್ಚರಿಕೆ ಕ್ರಮಗಳನ್ನು ಕೈಗೊಂಡಿಲ್ಲ. ಚೀನಾ ರಾಷ್ಟ್ರೀಯ ಆರೋಗ್ಯ ಆಯೋಗದ ಮುಖ್ಯಸ್ಥ ಮ ಕ್ಸಿಯೋವಿ, ಚೀನಾ ಅಧಿಕಾರಿಗಳೊಂದಿಗೆ ಜ.14 ರಂದು ನಡೆಸಿದ ಆಂತರಿಕ ಸಂಭಾಷಣೆಯಲ್ಲಿ, ಕೊರೊನಾ ವೈರಸ್‌ ಅತ್ಯಂತ ಅಪಾಯಕಾರಿಯಾಗಿದೆ ಎಂದು ತಿಳಿಸಿದ್ದರು. ಡಿಸೆಂಬರ್‌ ಮೊದಲ ವಾರದಲ್ಲೇ ವುಹಾನ್‌ನಲ್ಲಿನ ವೈದ್ಯರು ಹಾಗೂ ಆರೋಗ್ಯ ಸಿಬ್ಬಂದಿ, ಕೋವಿಡ್‌-19 ಒಬ್ಬರಿಂದ ಮತ್ತೊಬ್ಬರಿಗೆ ಹರಡುತ್ತದೆ ಎಂದೂ ಮಾಹಿತಿ ನೀಡಿದ್ದರು. ಆದರೆ ಸರಕಾರ ಈ ಎಲ್ಲ ಅಂಶಗಳನ್ನು ಮುಚ್ಚಿಟ್ಟಿತ್ತು ಎಂದು ಅಮೆರಿಕ ಆರೋಪಿಸಿದೆ.
from India & World News in Kannada | VK Polls https://ift.tt/2KxFJ2l
