ಮ್ಯಾಡ್ರಿಡ್: ಕೊರೊನಾ ವೈರಸ್ ಇಡೀ ಜಗತ್ತನ್ನು ಆವರಿಸಿಕೊಂಡಾಗಿದೆ. ಭೂಮಿಯ ಮೇಲಿನ ಮಾನವನ ಎಲ್ಲಾ ಆವಾಸ ಸ್ಥಾನಗಳಿಗೂ ಹರಡಿಕೊಂಡಿರುವ ಕೊರೊನಾ ವೈರಸ್, ಮಾನವರನ್ನು ನಿರ್ದಯವಾಗಿ ಕೊಲ್ಲುತ್ತಿದೆ. ಇದಿಷ್ಟೇ ಅಲ್ಲದೇ ಮಾನವರ ಸಾಮಾಜಿಕ ಜೀವನದ ಮೇಲೂ ದುಷ್ಪರಿಣಾಮ ಬೀರಿರುವ ಕೊರೊನಾ ವೈರಸ್, ಸಂಘ ಜೀವಿಯನ್ನು ಸಮಾಜದಿಂದಲೇ ದೂರ ಮಾಡಿಟ್ಟಿದೆ. ಒಬ್ಬರನ್ನೊಬ್ಬರು ಭೇಟಿ ಮಾಡದಂತ ಪರಿಸ್ಥಿತಿ ನಿರ್ಮಾಣವಾಗಿದೆ. ಈ ಮಧ್ಯೆ ಕೊರೊನಾ ಪೀಡಿತನೋರ್ವ ಮನೆಯಲ್ಲೇ ಕುಳಿತು ಬೇಜಾರಾದ ಪರಿಣಾಮ, ವೇಷ ತೊಟ್ಟು ಮನೆಯಿಂದ ಹೊರಬಂದ ಘಟನೆ ಸ್ಪೇನ್ನಲ್ಲಿ ನಡೆದಿದೆ. ಸ್ಪೇನ್ನ ಮುರ್ಸಿಯಾ ಪಟ್ಟಣ ಕೊರೊನಾ ವೈರಸ್ ಭೀತಿಯಿಂದಾಗಿ ಸಂಪೂರ್ಣವಾಗಿ ಮುಚ್ಚಲ್ಪಪಟ್ಟಿದೆ. ಆದರೆ ಕೊರೊನಾ ಪೀಡಿತನೋರ್ವ ಮನೆಯಲ್ಲೇ ಕುಳಿತು ಬೇಜಾರಾಯ್ತು ಅಂತಾ ಡೈನಾಸೋರ್ ವೇಷ ತೊಟ್ಟು ಮನೆಯಿಂದ ಹೊರ ಬಿದ್ದಿದ್ದಾನೆ. ಮುರ್ಸಿಯಾ ಪಟ್ಟಣದ ಪೊಲೀಸರು ನಗರ ಪ್ರದಕ್ಷಿಣೆ ಹಾಕುತ್ತಿದ್ದಾಗ ಡೈನಾಸೋರ್ ವೇಷ ತೊಟ್ಟ ವ್ಯಕ್ತಿಯನ್ನು ನೋಡಿದ್ದಾರೆ. ಕೂಡಲೇ ವಾಹನ ನಿಲ್ಲಿಸಿ ಪ್ರಶ್ನಿಸಿದಾಗ ಆತ ಕೊರೊನಾ ಪೀಡಿತ ಎಂಬುದು ಗೊತ್ತಾಗಿದೆ. ಬಳಿಕ ಪೊಲೀಸರ ಮನವಿಯ ಮೇರೆಗೆ ಆತ ಮನೆ ಸೇರಿಕೊಂಡಿದ್ದಾನೆ.
from India & World News in Kannada | VK Polls https://ift.tt/3b6jeNo
