ವಾಟ್ಸ್ಆ್ಯಪ್ಗಳಲ್ಲಿ ಹರಡುತ್ತಿರುವ ಕೆಲವು ಕಟ್ಟುಕತೆಗಳು ಮತ್ತು ವಾಸ್ತವ 1. ಕಟ್ಟುಕತೆ: ಸೋಂಕು ಆಹಾರದಿಂದ ಅದರಲ್ಲೂ ವಿಶೇಷವಾಗಿ ಕೋಳಿ, ಮೊಟ್ಟೆ ಮತ್ತು ಮಾಂಸ ತಿನ್ನುವುದರಿಂದ ಹರಡುತ್ತದೆ! ವಾಸ್ತವ: ಸರಿಯಾಗಿ ಬೇಯಿಸಿದ ಆಹಾರದಿಂದ ಸೋಂಕು ಹರಡುತ್ತದೆ ಎನ್ನುವುದಕ್ಕೆ ಯಾವುದೇ ಪುರಾವೆ ಇಲ್ಲ 2. ಕಟ್ಟುಕತೆ: ಸಾಕು ಪ್ರಾಣಿಗಳ ಮೂಲಕ ಸೋಂಕು ಹರಡುತ್ತದೆ! ವಾಸ್ತವ: ಸಾಕು ಪ್ರಾಣಿಗಳಿಂದ ಸೋಂಕು ಹರಡಿದ ಉದಾಹರಣೆಗಳು ಈವರೆಗೂ ಕಂಡು ಬಂದಿಲ್ಲ. 3. ಕಟ್ಟುಕತೆ: ಕೊರೊನಾ ಸೋಂನಿಂದ ಮೃತಪಟ್ಟ ವ್ಯಕ್ತಿಯ ಪಾರ್ಥಿವ ಶರೀರದಿಂದ ಸೋಂಕು ಹರಡುತ್ತದೆ! ವಾಸ್ತವ: ಸೋಂಕಿತ ವ್ಯಕ್ತಿಯ ಮೃತದೇಹದಿಂದ ಕೊರೊನಾ ಹರಡಿರುವ ಉದಾಹರಣೆ ಇಲ್ಲ. 4. ಕಟ್ಟುಕತೆ: ಕೊರೊನಾ ವೈರಸ್ಗೆ ಮದ್ದಿಲ್ಲ, ಬಂದರೆ ವಾಸಿಯಾಗುವುದಿಲ್ಲ! ವಾಸ್ತವ: ಸದ್ಯಕ್ಕೆ, ಕೋವಿಡ್ 19 ಸೋಂಕು ತಡೆಯಬಲ್ಲ ಚಿಕಿತ್ಸೆ ಎಲ್ಲಿಯೂ ಲಭ್ಯವಿಲ್ಲ. ಆದರೆ, ಬಹುತೇಕ ಸೋಂಕಿತರು ಬೇರೆ ಯಾವುದೇ ವೈರಲ್ ಸೋಕಿನಿಂದ ಗುಣಮುಖರಾಗುವ ಹಾಗೆ ತಮ್ಮಿಂತಾನೇ ಗುಣಮುಖರಾಗುತ್ತಾರೆ. ಇತರೆ ಕೊರೊನಾ ವೈರಸ್ ಸೋಂಕುಗಳಿಗೆ ಮೊದಲಿನಿಂದಲೂ ಬಳಸಲಾಗುತ್ತಿರುವ ಇತರೆ ಔಷಧಗಳನ್ನೇ ಕೋವಿಡ್ 19 ಸೋಂಕು ಉಲ್ಬಣಗೊಂಡವರ ಚಿಕಿತ್ಸೆಗೂ ಬಳಸಲಾಗುತ್ತಿದೆ. ಅನುಸರಣೀಯ ಮಾರ್ಗಗಳೆಂದರೆ...
- ಆಗಾಗ್ಗೆ ಕೈಗಳನ್ನು ಸೋಪ್ ಮತ್ತು ನೀರಿನಿಂದ ಕನಿಷ್ಠ 20 ಸೆಕೆಂಡ್ಗಳವರೆಗೆ ತೊಳೆಯಿರಿ. ಕನಿಷ್ಠ 70% ಆಲ್ಕೋಹಾಲ್ನಿಂದ ತಯಾರಿಸಿದ ಹ್ಯಾಂಡ್ ಸ್ಯಾನಿಟೈಸರ್ನಿಂದ ಕನಿಷ್ಠ 20 ಸೆಕೆಂಡ್ ಕೈ ಉಜ್ಜಿಕೊಳ್ಳಿ. ನಿಮ್ಮ ಕೈಗಳು ಕೊಳಕಾಗಿದ್ದರೆ, ಧೂಳು ಮೆತ್ತಿಕೊಂಡಿದ್ದರೆ ಅಂತಹ ಸಂದರ್ಭದಲ್ಲಿ ಸೋಪ್ ಮತ್ತು ನೀರಿನಿಂದ ತೊಳೆಯುವುದು ಹೆಚ್ಚು ಉಪಯುಕ್ತ.
- ಕೆಮ್ಮುವಾಗ ಅಥವಾ ಸೀನುವಾಗ ಮೂಗು ಮತ್ತು ಬಾಯಿಯನ್ನು ಕರ್ಚಿಫ್ ಇಲ್ಲವೆ ಟಿಶ್ಯೂನಿಂದ ಮೂಗು, ಬಾಯಿ ಮುಚ್ಚಿಕೊಳ್ಳಿ. ಕರ್ಚಿಫ್ ಇಲ್ಲವೆ ಟಿಶ್ಯೂ ಇಲ್ಲದಿದ್ದಾಗ ಮೊಣಕೈಯನ್ನು ಅಡ್ಡ ಇಟ್ಟುಕೊಳ್ಳಬಹುದು.
- ಬಳಸಿದ ಕೂಡಲೇ ಟಿಶ್ಯೂವನ್ನು ಕೂಡಲೇ ಕಸದ ಬುಟ್ಟಿಗೆ ಹಾಕಿ ತಕ್ಷ ಣವೇ ಕೈ ತೊಳೆದುಕೊಳ್ಳಿ.
- ಆಗಾಗ್ಗೆ ಮುಖ, ಬಾಯಿ, ಮೂಗು ಮತ್ತು ಕಣ್ಣುಗಳನ್ನು ಮುಟ್ಟಿಕೊಳ್ಳದಿರಿ.
- ಕೆಮ್ಮುವವರು ಅಥವಾ ಸೀನುವವರಿಂದ ಕನಿಷ್ಠ ಒಂದು ಮೀಟರ್ ಅಂತರ ಕಾಯ್ದುಕೊಳ್ಳಿ.
- ನಿಮ್ಮ ದೇಹದ ಉಷ್ಣತೆಯನ್ನು ಸದಾ ಗಮನಿಸುತ್ತಿರಿ.
- ಸೋಂಕಿತರನ್ನು ಭೇಟಿ ಮಾಡಿ ಬಂದಾಗ, ಹೊರಗಿನಿಂದ ಮನೆಗೆ ಬಂದಾಗ ಕೂಡಲೇ ಕೈಗೊಳ್ಳನ್ನು ಸೋಪಿನಿಂದ ಚೆನ್ನಾಗಿ ತೊಳೆದುಕೊಳ್ಳಿ. ಇಲ್ಲವೇ ಆಲ್ಕೋಹಾಲ್ ಆಧಾರಿತ ಸ್ಯಾನಿಟೈಸರ್ ಬಳಸಿ ಕೈಯ್ಯನ್ನು ಉಜ್ಜಿಕೊಳ್ಳಿ.
- ಸೀನುವ, ಕೆಮ್ಮುವವರಿಂದ ಕನಿಷ್ಠ 1 ಮೀಟರ್ (3 ಅಡಿ) ಅಂತರ ಕಾಯ್ದುಕೊಳ್ಳಿ
- ಕಣ್ಣು, ಮೂಗು, ಬಾಯಿಯನ್ನು ಕೈಯಿಂದ ಮುಟ್ಟಿಕೊಳ್ಳುವುದನ್ನು ಆದಷ್ಟೂ ಕಡಿಮೆ ಮಾಡಿ.
- ನೀವು ಮತ್ತು ನಿಮ್ಮ ಸುತ್ತಮುತ್ತ ಇರುವವರು ಉಸಿರಾಡುವಾಗ ಶುದಟಛಿತೆ ಕಾಯ್ದುಕೊಂಡಿದ್ದೀರಿ ಎನ್ನುವುದನ್ನು ಖಾತ್ರಿಪಡಿಸಿಕೊಳ್ಳಿ. ಇದರರ್ಥ, ಬೇರೆಯವರು ಸೀನಿದಾಗ ಟಿಶ್ಯೂನಿಂದ ಮೂಗು, ಬಾಯಿ ಮುಚ್ಚಿಕೊಳ್ಳಿ ಇಲ್ಲವೇ ಮೊಣಕೈಯ್ಯನ್ನು ಮುಖಕ್ಕೆ ಅಡ್ಡವಾಗಿ ಹಿಡಿದುಕೊಳ್ಳಿ.
from India & World News in Kannada | VK Polls https://ift.tt/3bnJByB
