ಹೊಸದಿಲ್ಲಿ: ಭಾರಿ ವಿವಾದಕ್ಕೆ ಕಾರಣವಾಗಿದ್ದ ಎಸ್ಪಿಜಿ ತಿದ್ದುಪಡಿ ವಿಧೇಯಕಕ್ಕೆ ರಾಜ್ಯಸಭೆಯಲ್ಲಿ ಅಂಗೀಕಾರ ದೊರೆತಿದೆ. ಮಾಜಿ ಪ್ರಧಾನಿ ಹಾಗೂ ಅವರ ಕುಟುಂಬಸ್ಥರಿಗೆ ನಿರ್ದಿಷ್ಟ ಅವಧಿವರೆಗೆ ಮಾತ್ರ ವಿಶೇಷ ರಕ್ಷಣಾ ದಳದ (ಎಸ್ಪಿಜಿ) ಭದ್ರತೆ ಒದಗಿಸುವ 'ಸ್ಪೆಷಲ್ ಪ್ರೊಟೆಕ್ಷನ್ ಗ್ರೂಪ್' ತಿದ್ದುಪಡಿ ವಿಧೇಯಕಕ್ಕೆ ರಾಜ್ಯಸಭೆಯಲ್ಲೂ ಅಂಗೀಕಾರ ದೊರೆತಿದೆ. ಚರ್ಚೆ ವೇಳೆ ಮಾತನಾಡಿದ ಗೃಹ ಸಚಿವ ಅಮಿತ್ ಶಾ, ಈಗ ವಿಧೇಯಕಕ್ಕೆ ತಿದ್ದುಪಡಿ ತರುತ್ತಿರುವುದು ಯಾವುದೇ ದ್ವೇಷದ ಕ್ರಮ ಅಲ್ಲ. ಇದು ರಾಷ್ಟ್ರೀಯ ಹಿತಾಸಕ್ತಿಗೆ ಪೂರಕವಾಗಿರುವ ಕ್ರಮ ಎಂದು ಹೇಳಿದರು. ಕಳೆದ ಬುಧವಾರ ಲೋಕಸಭೆಯಲ್ಲಿ ಇದಕ್ಕೆ ಅಂಗೀಕಾರ ದೊರೆತಿತ್ತು. ಆಡಳಿತಾರೂಢ ಹಾಗೂ ಪ್ರತಿಪಕ್ಷಗಳ ಸದಸ್ಯರ ವಾಕ್ಸಮರ ಹಾಗೂ ಕಾಂಗ್ರೆಸ್ ಸದಸ್ಯರ ಸಭಾತ್ಯಾಗದ ನಡುವೆಯೇ ವಿಧೇಯಕ ಅನುಮೋದನೆಗೊಂಡಿದೆ. ಕೆಲವು ದಿನಗಳ ಹಿಂದಷ್ಟೇ ಕೇಂದ್ರ ಸರಕಾರ ರಾಜೀವ್ ಗಾಂಧಿ ಅವರ ಕುಟುಂಬ ಸದಸ್ಯರಾದ ಸೋನಿಯಾ ಗಾಂಧಿ, ರಾಹುಲ್ ಗಾಂಧಿ ಮತ್ತು ಪ್ರಿಯಾಂಕಾ ಗಾಂಧಿ ವಾದ್ರಾ ಅವರಿಗೆ ನೀಡಲಾಗಿದ್ದ ಎಸ್ಪಿಜಿ ಭದ್ರತೆಯನ್ನು ಹಿಂಪಡೆದು ಝಡ್ ಪ್ಲಸ್ ರಕ್ಷಣೆ ಒದಗಿಸಲು ಕ್ರಮ ಕೈಗೊಂಡಿತ್ತು. ಗಾಂಧಿ ಕುಟುಂಬವನ್ನು ಗುರಿಯಾಗಿಸಿಕೊಂಡು ರಾಜಕೀಯ ಮಾಡಲಾಗುತ್ತಿದೆ ಎಂದು ಕಾಂಗ್ರೆಸ್ ಸದಸ್ಯರು ಕಿಡಿಕಾರಿದ್ದರು. ಹಾಲಿ ನಿಯಮವೇನು? * ಪ್ರಧಾನಿ ಮತ್ತು ಅವರ ಅಧಿಕೃತ ನಿವಾಸದಲ್ಲಿರುವ ಹತ್ತಿರದ ಕುಟುಂಬ ಸದಸ್ಯರಿಗೆ ಎಸ್ಪಿಜಿ ರಕ್ಷಣೆ * ಮಾಜಿ ಪ್ರಧಾನಿಗಳು, ಅವರಿಗೆ ಹಂಚಿಕೆ ಮಾಡಲಾದ ನಿವಾಸದಲ್ಲಿತಂಗುವ ಕುಟುಂಬಸ್ಥರಿಗೂ ಭದ್ರತೆ ಬದಲಾವಣೆ ಏನಾಗಲಿದೆ?* ಪ್ರಧಾನಿಯವರ ಎಸ್ಪಿಜಿ ಭದ್ರತೆಯಲ್ಲಿಯಾವುದೇ ಬದಲಾವಣೆ ಇರುವುದಿಲ್ಲ. * ಮಾಜಿ ಪ್ರಧಾನಿಗಳಿಗೂ ಭದ್ರತಾ ನಿಯಮ ಯಥಾಸ್ಥಿತಿಯಲ್ಲಿರಲಿದೆ. ಆದರೆ ಅವರ ಕುಟುಂಬ ಸದಸ್ಯರಿಗೆ ಮಾಜಿಯಾದ ನಂತರದ ೫ ವರ್ಷಗಳ ಅವಧಿವರೆಗೆ ಮಾತ್ರ ಎಸ್ಪಿಜಿ ಭದ್ರತೆ ದೊರೆಯುತ್ತದೆ. ಭದ್ರತೆಯಲ್ಲಿಏನೇನಿರುತ್ತದೆ ಎಸ್ಪಿಜಿ ಭದ್ರತೆ ಪಡೆದವರಿಗೆ ಬ್ಲ್ಯಾಕ್ ಕಮಾಂಡೊಗಳು, ಹೈಟೆಕ್ ಗುಂಡು ನಿರೋಧಕ ವಾಹನಗಳು, ಜಾಮರ್ಗಳು, ಬೆಂಗಾವಲು ವಾಹನಗಳು ಹಾಗೂ ಆ್ಯಂಬುಲೆಸ್ಸ್ ಸೌಲಭ್ಯ ಇರುತ್ತದೆ.
from India & World News in Kannada | VK Polls https://ift.tt/2P6dlX6
