ಹೊಸದಿಲ್ಲಿ: ಸಲ್ಲಿಸಿದವರ ಆಸ್ತಿಗಳನ್ನು ಮತ್ತು ಬ್ಯಾಂಕ್‌ ಖಾತೆಗಳನ್ನು ತೆರಿಗೆ ಅಧಿಕಾರಿಗಳು ಮುಟ್ಟುಗೋಲು ಹಾಕಿಕೊಳ್ಳಲಿದ್ದಾರೆ. ಕೇಂದ್ರೀಯ ನೇರ ತೆರಿಗೆಗಳು ಮತ್ತು ಸುಂಕಗಳ ಮಂಡಳಿ(ಸಿಬಿಐಸಿ) ಬಿಡುಗಡೆ ಮಾಡಿರುವ ಕಾರ್ಯಾಚರಣೆ ಪ್ರಕ್ರಿಯೆಗಳಲ್ಲಿ ಮುಟ್ಟುಗೋಲಿನ ಅಂಶವಿದೆ. ಜಿಎಸ್‌ಟಿ ಆಯುಕ್ತರು ಕೇಂದ್ರೀಯ ಜಿಎಸ್‌ಟಿ ಕಾಯ್ದೆಯ ಸೆಕ್ಷನ್‌ 83ರ ಅನ್ವಯ ಈ ಕ್ರಮ ಕೈಗೊಳ್ಳಬಹುದು. 'ನಿರ್ದಿಷ್ಟ' ಅವಧಿಯ ರಿಟರ್ನ್‌ ಅನ್ನು ಪೂರ್ಣಗೊಳಿಸದೇ ಇದ್ದರೇ, ನೋಂದಣಿ ರದ್ದು ಮಾಡುವ ಅವಕಾಶವೂ ಇದೆ. ಆದರೆ, ನಿರ್ದಿಷ್ಟ ಅವಧಿ ಎಷ್ಟು ಎಂಬುದನ್ನು ಇನ್ನೂ ನಿರ್ಧರಿಸಿಲ್ಲ. ''ಜಿಎಸ್‌ಟಿ ಜಾರಿಗೆ ಮೊದಲು, ಒಂದು ವರ್ಷಕ್ಕೂ ಹೆಚ್ಚಿನ ಅವಧಿಯಲ್ಲಿ ರಿಟರ್ನ್ಸ್‌ ಸಲ್ಲಿಸದ ಕಾರಣಕ್ಕೆ ನೋಂದಣಿ ರದ್ದು ಮಾಡುವ ನಿಯಮ ಇರಲಿಲ್ಲ. ಈಗ ಈ ನಿಯಮ ಜಾರಿಯಾಗುತ್ತಿರುವುದು ಉದ್ಯಮದ ದೃಷ್ಟಿಯಿಂದ ಒಳ್ಳೆಯ ತೀರ್ಮಾನವಲ್ಲ,'' ಎಂದು ತೆರಿಗೆ ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ. ಪಿಎಂವಿವಿವೈಗೆ ಆಧಾರ್‌ ಕಡ್ಡಾಯ ಹೊಸದಿಲ್ಲಿ: ಪ್ರಧಾನ್‌ ಮಂತ್ರಿ ವಯಾ ವಂದನಾ ಯೋಜನೆಗೆ(ಪಿಎಂವಿವಿವೈ) ಕೇಂದ್ರ ಸರಕಾರವು ಈಗ ಆಧಾರ್‌ ಅನ್ನು ಕಡ್ಡಾಯಗೊಳಿಸಿದೆ. ಯೋಜನೆಯಲ್ಲಿ ಹೂಡಿಕೆ ಮಾಡಿದ ಹಿರಿಯ ನಾಗರಿಕರು ತಮ್ಮ ಆಧಾರ್‌ ಸಂಖ್ಯೆಯನ್ನು ಸಲ್ಲಿಸಬೇಕು ಎಂದು ಹಣಕಾಸು ಸಚಿವಾಲಯದ ಇತ್ತೀಚಿನ ಅಧಿಸೂಚನೆಯಲ್ಲಿ ಸೂಚಿಸಲಾಗಿದೆ. ಹಿರಿಯ ನಾಗರಿಕರಿಗಾಗಿ ಎಲ್‌ಐಸಿ ಮೂಲಕ ಪಿಎಂವಿವಿವೈ ಪಿಂಚಣಿ ಯೋಜನೆಯನ್ನು ಜಾರಿಗೊಳಿಸಲಾಗಿದ್ದು, ಶೇ.8ರಿಂದ 8.3ರಷ್ಟು ರಿಟರ್ನ್‌ ಖಾತ್ರಿಯನ್ನು ಹೊಂದಿದೆ. ಪಿಂಚಣಿ ಆಯ್ಕೆಗೆ ಅನುಗುಣವಾಗಿ ರಿಟರ್ನ್‌ನಲ್ಲಿ ವ್ಯತ್ಯಾಸವಾಗಲಿದೆ. ಮೊದಲು ಆಧಾರ್‌ ಕಡ್ಡಾಯವಾಗಿರಲಿಲ್ಲ. ವಂಚನೆಗಳನ್ನು ತಪ್ಪಿಸಿ ಪಾರದರ್ಶಕತೆ ಹೆಚ್ಚಿಸಲು ಈಗ ಆಧಾರ್‌ ದೃಢೀಕರಣವನ್ನು ಸರಕಾರ ಕಡ್ಡಾಯ ಮಾಡಿದೆ.
from India & World News in Kannada | VK Polls https://ift.tt/2Qs9h42
