ಮುಂಬಯಿ: ಅವರು ಈ ಸಲದ ಕ್ರಿಸ್‌ಮಸ್‌ ಸಂದರ್ಭದಲ್ಲಿ 4,000 ದೀನದುರ್ಬಲ ಮಕ್ಕಳ ಪಾಲಿಗೆ ಅಕ್ಷರಶಃ ಸಾಂತಾ ಕ್ಲಾಸ್‌ ಆಗಿ ರೂಪಾಂತರಗೊಂಡರು. ರಿಲಯನ್ಸ್‌ ಇಂಡಸ್ಟ್ರೀಸ್‌ ಮುಖ್ಯಸ್ಥ ಮುಕೇಶ್‌ ಅಂಬಾನಿಯ ಪತ್ನಿ ನೀತಾ ಜೊತೆ ಸೇರಿದ ಮಕ್ಕಳು ಸಂಭ್ರಮ ಪಟ್ಟರು. ಮುಂಬಯಿನಲ್ಲಿ ರಿಲಯನ್ಸ್‌ನ ಜಿಯೊವಂಡರ್‌ಲ್ಯಾಂಡ್‌ ಅನಾವರಣಗೊಂಡಿದ್ದು, ಸಾವಿರಾರು ಮಕ್ಕಳು ಕುಣಿದು ಕುಪ್ಪಳಿಸಿ ಸಂಭ್ರಮಗೊಂಡರು. ಡ್ರೋನ್‌ ಶೋಗಳು, ಏರಿಳಿತದ ಆಟಗಳು, ಮ್ಯಾಜಿಕ್‌, ಮೋಜಿನ ಫೆರ್ರೀಸ್‌ ವ್ಹೀಲ್‌, ಆಕರ್ಷಕ ಉದ್ಯಾನ ಎಲ್ಲವೂ ಮಕ್ಕಳಿಗೆ ಮುದ ನೀಡಿದವು. ಪುತ್ರಿ-ಅಳಿಯ ಜೊತೆ(ಇಶಾ ಅಂಬಾನಿ-ಪಿರಮಲ್‌) ಕ್ರಿಸ್‌ಮಸ್‌ ಅನ್ನು ಜಿಯೊವಂಡರ್‌ಲ್ಯಾಂಡ್‌ನಲ್ಲಿ ನೀತಾ ಈ ವರ್ಷ ಆಚರಿಸಿದ್ದಾರೆ. ಕ್ರಿಸ್‌ಮಸ್‌ ಆಚರಣೆಗಾಗಿಯೇ ಈ ಜಿಯೊವಂಡರ್‌ಲ್ಯಾಂಡ್‌ ರೂಪುಗೊಂಡಿದ್ದು, ಡಿ.29ರ ತನಕ ಇಲ್ಲಿ ಮೆಗಾ ಉತ್ಸವ ಮುಂದುವರಿಯಲಿದೆ. 4,000 ಮಕ್ಕಳಿಗೆ ಇಲ್ಲಿನ ಸವಿಯನ್ನು ಸವಿಯಲು ಅವಕಾಶ ಮಾಡಿಕೊಡಲಾಗಿತ್ತು. ಆರ್ಥಿಕ ಮಂದಗತಿಯಿಂದ ದೇಶಕ್ಕೆ 2.8 ಲಕ್ಷ ಕೋಟಿ ರೂ. ನಷ್ಟ ಹೊಸದಿಲ್ಲಿ: ಆರ್ಥಿಕ ಮಂದಗತಿಯ ಬಿಸಿ ಎಲ್ಲರಿಗೂ ಅನುಭವಕ್ಕೆ ಬರುತ್ತಿದೆ. ಇದರಿಂದ ದೇಶಕ್ಕೆ ಪ್ರಸಕ್ತ ಹಣಕಾಸು ವರ್ಷದಲ್ಲಿ2.8 ಲಕ್ಷ ಕೋಟಿ ರೂ.ನಷ್ಟವಾಗಿದೆ ಎಂದು ಆರ್ಥಿಕ ಸಹಕಾರ ಮತ್ತು ಅಭಿವೃದ್ಧಿಗೆ ಸಂಬಂಧಿಸಿದ ಸಂಸ್ಥೆಯಾದ ಒಇಸಿಡಿ ಅಂದಾಜು ಮಾಡಿದೆ. ಆರ್ಥಿಕ ಬೆಳವಣಿಗೆ ಹಾಗೂ ಕುಸಿತವನ್ನು ಸಾಮಾನ್ಯವಾಗಿ ಪರ್ಸೆಂಟ್‌ನಲ್ಲಿಅಳೆಯುವ ಪದ್ಧತಿ ಇದೆ. ವಾಸ್ತವಿಕ ಜಿಡಿಪಿ ಮತ್ತು ಸಂಭಾವ್ಯ ಜಿಡಿಪಿ ನಡುವಿನ ವ್ಯತ್ಯಾಸವನ್ನು ಗಮನಿಸಿದರೆ, ಆರ್ಥಿಕ ವರ್ಷದಲ್ಲಿ2.8 ಲಕ್ಷ ಕೋಟಿ ರೂಪಾಯಿ ನಷ್ಟವಾಗಿದೆ ಎನ್ನಲಾಗಿದೆ. ಆರ್‌ಬಿಐನಿಂದ ಹೊಸ ಪ್ರೀಪೇಯ್ಡ್‌ ಪೇಮೆಂಟ್‌ ಕಾರ್ಡ್‌ ಮುಂಬಯಿ: ನೂತನ ಪ್ರೀಪೇಯ್ಡ್‌ ಪೇಮೆಂಟ್‌ ಇನ್‌ಸ್ಟು್ರಮೆಂಟ್‌(ಪಿಪಿಐ) ಕಾರ್ಡ್‌ ಸೇವೆಗೆ ರಿಸವ್‌ರ್‍ ಬ್ಯಾಂಕ್‌ ಚಾಲನೆ ನೀಡಿದೆ. ಇದರನ್ವಯ 10,000 ರೂ.ವರೆಗಿನ ಮಿತಿಯಲ್ಲಿಸರಕು ಮತ್ತು ಸೇವೆಗಳಿಗೆ ಸಂಬಂಧಿಸಿದ ವ್ಯವಹಾರಗಳನ್ನು ಜನರು ಸುಲಭವಾಗಿ ಮಾಡಬಹುದು. ಈ ಸೇವೆಯಲ್ಲಿಬಳಕೆಯಾಗುವ ಕಾರ್ಡ್‌ ಅನ್ನು ಬ್ಯಾಂಕ್‌ ಖಾತೆಗೆ ಮಾತ್ರ ಲಿಂಕ್‌ ಮಾಡಲಾಗಿರುತ್ತದೆ. ಸಣ್ಣ ಮಟ್ಟದ ಡಿಜಿಟಲ್‌ ವ್ಯವಹಾರಗಳನ್ನು ಉತ್ತೇಜಿಸಲು ಈ ಸಾಧನ ಸೇವೆಯನ್ನು ಆರಂಭಿಸಲಾಗಿದೆ. ಪಿಪಿಐಗಳನ್ನು ಬ್ಯಾಂಕ್‌ಗಳು ಮತ್ತು ಬ್ಯಾಂಕೇತರ ಪಿಪಿಐ ವಿತರಕರೂ ವಿತರಿಸಲಿದ್ದಾರೆ. ನಾಗರಿಕ ಸೇವೆಗಳ ಬಿಲ್‌ ಪಾವತಿ, ಸರಕು ಖರೀದಿಗೆ ಇದನ್ನು ಬಳಸಬಹುದು. ಇದರ ಮೂಲಕ ಹಣ ವರ್ಗಾವಣೆಗೆ ಸಾಧ್ಯವಿಲ್ಲ. ಕಾರ್ಡ್‌ನಲ್ಲಿನ ಹಣವನ್ನು ಗ್ರಾಹಕರು ಬೇಕಾದರೆ, ತಮ್ಮ ಬ್ಯಾಂಕಿನ ಖಾತೆಗೆ ವರ್ಗಾಯಿಸಬಹುದು.
from India & World News in Kannada | VK Polls https://ift.tt/34YyBnB
