ನಮ್ಮ ದೇಶದ ಅಂತರಿಕ ಅರ್ಥ ವ್ಯವಸ್ಥೆ ಭದ್ರವಾಗಿದ್ದಾರೆ, ಖಂಡಿತಾ ನಮ್ಮ ಮನಸ್ಸಿಗೆ ಬಂದದ್ದನ್ನು ಮಾಡಬಹುದು. ಆದರೆ, ನಾವು ಘೋಷಿಸಿದ ಮಾತ್ರಕ್ಕೆ ಜಗತ್ತು ಹೊಸ ಮೌಲ್ಯವನ್ನು ಒಪ್ಪುತ್ತದೆ ಎನ್ನುವ ಗ್ಯಾರಂಟಿ ಇಲ್ಲ. ಉದಾಹರಣೆ ನೋಡಿ - ನಿನ್ನೆಯ ತನಕ ಒಂದು ರೂಪಾಯಿಗೆ ಹತ್ತು ಸಿವುಡು ಸೊಪ್ಪು ಕೊಡುತ್ತಿದ್ದ ಮಾರಾಟಗಾರ ನಾಳೆ ಒಂದು ರುಪಾಯಿಗೆ ಒಂದೇ ಸಿವುಡು ಎಂದು ಹೇಳಬಹುದು. ಆದರೆ ನೀವು ಅವನ ಬಳಿ ಕೊಳ್ಳುವಿರಾ? ನಿನ್ನೆಯಿಂದ ಇವತ್ತಿನಲ್ಲಿಅದೇನು ಅಂತ ಬದಲಾವಣೆ ಆಯಿತು? ಹೀಗೆ ಒಮ್ಮೆಲೇ ಬದಲಾವಣೆ ಮಾಡಿದ್ದು ಏಕೆ ಎಂದು ನೀವು ಪ್ರಶ್ನಿಸುವುದಿಲ್ಲವೇ? ಸಹಜವಾಗೆ ಬೇರೊಬ್ಬ ಮಾರಾಟಗಾರನಲ್ಲಿಕೊಳ್ಳುವಿರಿ ಅಲ್ಲವೇ? ಇದು ಹಾಗೆಯೇ 'ನಮ್ಮಿಷ್ಟ' ಎಂದು ನಾಳೆ ಒಂದು ಒಂದು ಡಾಲರಿಗೆ ಅಥವಾ ಪೌಂಡ್‌ಗೆ ಸಮ ಎನ್ನುವ ನಿರ್ಧಾರ ಮಾಡಲಾಗದು. ಅಧಿಕಾರ ನಮ್ಮ ಕೈಲಿದೆ ಎಂದು ಮಾಡಿದರೆ, ಅದು ಆತ್ಮಹತ್ಯೆಯಾಗುತ್ತದೆ. ನಮ್ಮ ವ್ಯಾಪಾರ ವಹಿವಾಟು ಒಮ್ಮೆಲೇ ಕುಸಿತಕಂಡು ಸಮಾಜದಲ್ಲಿ ಅರಾಜಕತೆ ಹೆಚ್ಚುತ್ತದೆ. ನಾವು ಮಾಡದೇ ಕೆಲವೊಮ್ಮೆ ನಮ್ಮ ಹಣ ಅಪಮೌಲ್ಯ ಹೊಂದುತ್ತದೆ. ಇದನ್ನು ಕುಸಿತ ಎನ್ನಬಹುದು. ವಾರದ ಹಿಂದೆ ಒಂದು ಡಾಲರ್‌ಗೆ 63 ಅಥವಾ 64 ರೂಪಾಯಿ, ಇಂದು 66 ರೂಪಾಯಿ ಆಗಬಹುದು. ಅಂದರೆ ನಾವು ಒಂದು ಬ್ಯಾರೆಲ್‌ ತೈಲಕ್ಕೆ ವಾರದ ಹಿಂದೆ 64*42= 2,688 ರೂ. ಸಂದಾಯ ಮಾಡುತ್ತಿದ್ದೆವು , ಇಂದು 66*42 = 2,772 ರೂ. ಅಪಮೌಲ್ಯ ಮಾಡುವುದು ನಮ್ಮ ದೇಶದ ಆರ್ಥಿಕತೆಗೆ ಲಾಭವಾಗುವುದಾದರೆ ಓಕೆ. ಇದು ಕೂಡ ಸಮಯ ಮತ್ತು ಸಂದರ್ಭದ ಮೇಲೆ ಅವಲಂಬಿತ. ಕೆಲವೊಮ್ಮೆ ಅಪಮೌಲ್ಯ ಮಾಡುವುದು ದೇಶದ ದೃಷ್ಟಿಯಿಂದ ಒಳ್ಳೆಯದೇ ಆಗಿರುತ್ತದೆ. ಹೀಗಾಗಿ ಅಪಮೌಲ್ಯ ಎಂದ ತಕ್ಷಣ ಅದು ಕೆಟ್ಟದ್ದು ಅಥವಾ ಭಾರತದ ಆರ್ಥಿಕತೆ ಕುಸಿದಿದೆ ಎನ್ನುವ ಅರ್ಥವಂತೂ ಅಲ್ಲವೇ ಅಲ್ಲ. ಹಾಗೆಯೇ 'ಒಂದು ರೂಪಾಯಿಗೆ ಒಂದು ಸಮ' ಎಂದ ತಕ್ಷಣ ನಾವು ಅಮೆರಿಕಾದಷ್ಟೆ ಬಲಿಷ್ಟವಾದೆವು ಎಂದು ಹಿಗ್ಗುವಂತಿಲ್ಲ. - ರಂಗಸ್ವಾಮಿ ಮೂಕನಹಳ್ಳಿ, ಆರ್ಥಿಕ ಸಲಹೆಗಾರರು
from India & World News in Kannada | VK Polls https://ift.tt/37eilQZ
