ಮುಂಬಯಿ: ಇಲ್ಲಿನ ವಾಂಖೆಡೆ ಮೈದಾನಲ್ಲಿ ನಡೆದ 2019-20ನೇ ಸಾಲಿನ ಪಂದ್ಯದಲ್ಲಿ ರೈಲ್ವೇಸ್ ವಿರುದ್ಧ ಹೀನಾಯ ಸೋಲಿಗೆ ಗುರಿಯಾಗಿದೆ. ಇದರೊಂದಿಗೆ ರಣಜಿ ಪಂದ್ಯದಿಂದ ಬಿಟ್ಟು ನಿಂತಿರುವ ಮುಂಬಯಿ ಆಟಗಾರರಾದ ಹಾಗೂ ಭಾರಿ ಟೀಕೆಗೆ ಗುರಿಯಾಗಿದ್ದಾರೆ. ವೆಸ್ಟ್‌ಇಂಡೀಸ್ ವಿರುದ್ಧ ಸರಣಿ ಗೆಲುವಿನ ಬಳಿಕ ಟೀಮ್ ಇಂಡಿಯಾ ಶ್ರೀಲಂಕಾ ವಿರುದ್ಧದ ಸರಣಿಯಲ್ಲಿ ಭಾಗವಹಿಸಲಿದೆ. ಹೊಸ ವರ್ಷದಲ್ಲಿ ಆರಂಭವಾಗಲಿರುವ ಸರಣಿಯು ಜನವರಿ 5ರಂದು ಆರಂಭವಾಗಲಿದೆ. ಈ ನಡುವೆ ಬೇಕಾದಷ್ಟು ವಿರಾಮದ ಸಮಯವಿದ್ದರೂ ಶ್ರೇಯಸ್ ಹಾಗೂ ಅಯ್ಯರ್ ರಣಜಿ ಪಂದ್ಯದಲ್ಲಿ ಭಾಗವಹಿಸದಿರುವುದು ಆಕ್ರೋಶಕ್ಕೆ ಕಾರಣವಾಗಿದೆ. ಅಜಿಂಕ್ಯ ರಹಾನೆ, ಪೃಥ್ವಿ ಶಾ, ಶಾರ್ದೂಲ್ ಠಾಕೂರ್ ಹಾಗೂ ಸೂರ್ಯಕುಮಾರ್ ಯಾದವ್ ಅವರಂತಹ ಹೆಸರಾಂತ ಆಟಗಾರರು ತಂಡದಲ್ಲಿದ್ದರೂ ಮುಂಬಯಿ ತಂಡವು ಕರ್ಣ್ ಶರ್ಮಾ ಬಳಗದ ವಿರುದ್ಧ ಮಂಡಿಯೂರಿ ಶರಣಾಗಿದೆ. ರೈಲ್ವೇಸ್ ತಂಡವು 10 ವಿಕೆಟ್ ಅಂತರದ ನೋಲಾಸ್ ಗೆಲುವು ಬಾರಿಸಿತ್ತು. ಮುಂಬಯಿ ಮಾಜಿ ಬ್ಯಾಟಿಂಗ್ ದಿಗ್ಗಜ ವಿನೋದ್ ಕಾಂಬ್ಳಿ ಇದನ್ನೇ ಬೊಟ್ಟು ಮಾಡಿದ್ದಾರೆ. "ಅಂತಾರಾಷ್ಟ್ರೀಯ ಕ್ರಿಕೆಟ್ ಪಂದ್ಯವು ಐದು ದಿನಗಳಷ್ಟು ದೂರವಿರಬೇಕಾದರೆ ಶ್ರೇಯಸ್ ಅಯ್ಯರ್ ಹಾಗೂ ಶಿವಂ ದುಬೆ ಆಡದಿರುವುದು ಬೇಸರಕ್ಕೆ ಕಾರಣವಾಗಿದೆ. ರಣಜಿ ಟ್ರೋಫಿಯಲ್ಲಿ ಸಾಧ್ಯವಾದಾಗ ಅತ್ಯುತ್ತಮ ತಂಡ ಆಡುವುದನ್ನೇ ನೋಡಲು ಬಯಸುತ್ತೇನೆ" ಎಂದಿದ್ದಾರೆ. ಇಲ್ಲಿ ಗಮನಾರ್ಹ ಸಂಗತಿಯೆಂದರೆ ವಿಂಡೀಸ್ ವಿರುದ್ಧ ಕೊನೆಯ ಏಕದಿನ ಪಂದ್ಯದಲ್ಲಿ ಭಾರತದ ಗೆಲುವಿನಲ್ಲಿ ನಿರ್ಣಾಯಕ ಪಾತ್ರ ವಹಿಸಿರುವ ಶಾರ್ದೂಲ್ ಠಾಕೂರ್, ಡಿಸೆಂಬರ್ 25ರಂದು ಆರಂಭವಾಗಿರುವ ರಣಜಿ ಪಂದ್ಯದಲ್ಲಿ ಭಾಗವಹಿಸಿದ್ದರು. ಓರ್ವ ಆಟಗಾರ ಬದ್ಧತೆ ಪ್ರದರ್ಶಿಸಿದಾಗ ಇನ್ನಿತರ ಇಬ್ಬರು ಯಾಕೆ ತಮ್ಮ ಕರ್ತವ್ಯವನ್ನು ಮರೆತಿದ್ದಾರೆ ಎಂಬುದು ಪ್ರಶ್ನೆಗೆ ಕಾರಣವಾಗಿದೆ. ಶ್ರೇಯಸ್ ಅಯ್ಯರ್ ಹಾಗೂ ಶಿವಂ ದುಬೆ ವಿಶ್ರಾಂತಿ ಪಡೆಯಲು ಬಿಸಿಸಿಐ, ಫಿಟ್ನೆಸ್ ತರಬೇತುದಾರರು ಸೂಚಿಸಿದ್ದಾರೆಯೇ ಅಥವಾ ಆಟಗಾರರು ಸ್ವಯಂ ಪ್ರೇರಿತವಾಗಿ ವಿಶ್ರಾಂತಿ ತೆಗೆದುಕೊಂಡಿದ್ದಾರೆಯೇ ಎಂಬುದು ತಿಳಿದು ಬಂದಿಲ್ಲ. ಈ ಬಗ್ಗೆ ಮುಂದಿನ ಸಭೆಯಲ್ಲಿ ಖಂಡಿತವಾಗಿ ಚರ್ಚಿಸಲಿದ್ದೇವೆ ಎಂದು ಮುಂಬಯಿ ಕ್ರಿಕೆಟ್ ಮಂಡಳಿ ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. ಮುಂಬಯಿ vs ರೈಲ್ವೇಸ್ ಸಂಕ್ಷಿಪ್ತ ಸ್ಕೋರ್ ಪಟ್ಟಿ ಇಂತಿದೆ: ಮುಂಬಯಿ ಮೊದಲ ಇನ್ನಿಂಗ್ಸ್ 114ಕ್ಕೆ ಆಲೌಟ್ (ಸೂರ್ಯಕುಮಾರ್ ಯಾದವ್ 39, ಪ್ರವೀಣ್ ಟಿ 37/6) ರೈಲ್ವೇಸ್ ಮೊದಲ ಇನ್ನಿಂಗ್ಸ್ 266ಕ್ಕೆ ಆಲೌಟ್ (ಕರ್ಣ್ ಶರ್ಮಾ 112*, ಅರಿಂದಮ್ ಘೋಷ್ 72, ತುಷಾರ್ ದೇಶಪಾಂಡೆ 44/4) ಮುಂಬಯಿ ದ್ವಿತೀಯ ಇನ್ನಿಂಗ್ಸ್ 198ಕ್ಕೆ ಆಲೌಟ್ (ಸೂರ್ಯಕುಮಾರ್ ಯಾದವ್ 65, ಹಿಮಾಂಷು ಸಾಂಗ್ವಾನ್ 60/5) ರೈಲ್ವೇಸ್ ದ್ವಿತೀಯ ಇನ್ನಿಂಗ್ಸ್ 47/0 (ಮೃುಣಾಲ್ ದೇವ್‌ಧರ್ 27*, ಪ್ರಥಮ್ ಸಿಂಗ್ 19*)
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/2ZsVxKH
