ಜೋಧಪುರ: 1999ರ ಕಾರ್ಗಿಲ್ ಯುದ್ಧದಲ್ಲಿ ಪಾಕಿಸ್ತಾನವನ್ನು ಮಣಿಸುವಲ್ಲಿ ಪ್ರಮುಖ ಪಾತ್ರವಹಿಸಿದ್ದ ಭಾರತೀಯ ವಾಯುಪಡೆಯ 'ಮಿಗ್ 27' ಇನ್ನು ಕೇವಲ ಗತವೈಭವವಾಗಿ ಉಳಿಯಲಿದೆ. ವಾಯುಪಡೆ ಬಳಿ ಕೇವಲ ಏಳು ರಷ್ಯಾ ನಿರ್ಮಿತ ಮಾತ್ರ (ಲಾಸ್ಟ್ ಸ್ಕ್ಯಾಡ್ರನ್) ಉಳಿದಿದ್ದು, ಇದಕ್ಕೆ ಸ್ಕಾರ್ಪಿಯನ್ 29 ಎಂಬ ಹೆಸರಿದೆ. ಅವುಗಳನ್ನು ರಾಜಸ್ಥಾನದ ಜೋಧ್ಪುರ ವಾಯುನೆಲೆಯಲ್ಲಿ(ನೈರುತ್ಯ ವಾಯುಪಡೆ) ಇರಿಸಲಾಗಿದೆ. ಡಿ. 27ಕ್ಕೆ ಕೊನೆಯ ಬಾರಿಗೆ ಈ ಏಳು ವಿಮಾನಗಳು ಆಗಸದಲ್ಲಿ ಹಾರಾಟ ನಡೆಸಲಿವೆ. ನಂತರ ಅವುಗಳನ್ನು ನಿಷ್ಕ್ರೀಯಗೊಳಿಸಲು ತೀರ್ಮಾನಿಸಲಾಗಿದೆ. ಅಲ್ಲಿಗೆ ಇನ್ನೆರಡು ದಿನಗಳಲ್ಲಿ ದೇಶಾದ್ಯಂತ ಮಿಗ್-27 ಹಾರಾಟ ಬಂದ್ ಆಗಲಿದೆ ಎಂದು ರಕ್ಷಣಾ ಇಲಾಖೆ ವಕ್ತಾರ ಕರ್ನಲ್ ಸೊಂಬಿತ್ ಘೋಷ್ ಅವರು ಹೇಳಿದ್ದಾರೆ. ಸದ್ಯ ವಿಶ್ವದ ಯಾವುದೇ ದೇಶದಲ್ಲಿ ಮಿಗ್-27 ಯುದ್ಧ ವಿಮಾನ ಬಳಕೆಯಲ್ಲಿಲ್ಲ. ಹಾಗಾಗಿ ಈ ಯುದ್ಧವಿಮಾನ ಚರಿತ್ರೆಯ ಪುಟಗಳನ್ನು ಸೇರಲಿದೆ. ಕಳೆದ ವರ್ಷ ಜೋಧ್ಪುರ ವಾಯುನೆಲೆಯಲ್ಲಿಇದ್ದಂಥ ಎರಡು ಮಿಗ್27 ಸ್ಕ್ಯಾಡ್ರನ್ಗಳ ಪೈಕಿ ಒಂದನ್ನು ನಿಷ್ಕ್ರೀಯಗೊಳಿಸಲಾಗಿತ್ತು. 1963ರಲ್ಲಿ ಭಾರತೀಯ ವಾಯುಪಡೆಗೆ ಮಿಗ್ ಸರಣಿಯ ಯುದ್ಧವಿಮಾನಗಳ ಸೇರ್ಪಡೆಯಾಗಿತ್ತು. ಸೋವಿಯತ್ ಒಕ್ಕೂಟದ ಮಿಕೊಯಾನ್ ಗೌರೆವಿಚ್ ಮಿಗ್ ವಿಮಾನಗಳ ನಿರ್ಮಾತೃ ಸಂಸ್ಥೆಯಾಗಿದೆ. ಮಿಗ್-21, ಮಿಗ್-23ಎಂಎಫ್, ಮಿಗ್-23ಬಿನ್, ಮಿಗ್-25, ಮಿಗ್-27 ಮಿಗ್ ಸರಣಿ ವಿಮಾನಗಳಾಗಿವೆ.
from India & World News in Kannada | VK Polls https://ift.tt/2Mqm8CI
