ಹೊಸದಿಲ್ಲಿ: 2019 ಏಕದಿನ ವಿಶ್ವಕಪ್‌ನಲ್ಲಿ ಭಾರತ ತಂಡದಲ್ಲಿ ಸ್ಥಾನ ಪಡೆಯಲು ಕಲಾತ್ಮಕ ಬ್ಯಾಟ್ಸ್‌ಮನ್ ವಿಫಲವಾಗಿದ್ದರು. ಆದರೆ ಅಲ್ಲಿಗೆ ಸೋಲೊಪ್ಪಿಕೊಳ್ಳಲು ರಹಾನೆ ತಯಾರಿರಲಿಲ್ಲ. ಕಠಿಣ ಪರಿಶ್ರಮದ ಮೂಲಕ ವಿಶೇಷವಾಗಿಯೂ ಟೆಸ್ಟ್ ಕ್ರಿಕೆಟ್‌ನಲ್ಲಿ ಲಯ ಮರಳಿ ಪಡೆಯುವಲ್ಲಿ ಯಶಸ್ವಿಯಾಗಿದ್ದಾರೆ. ಈ ನಿಟ್ಟಿನಲ್ಲಿ ಭಾರತದ ಮಾಜಿ ನಾಯಕ ಹಾಗೂ ವಾಲ್ ಖ್ಯಾತಿಯ ಬೀರುರುವ ಪ್ರಭಾವವನ್ನು ವಿವರಿಸುತ್ತಾರೆ. ಏಕದಿನ ವಿಶ್ವಕಪ್ ಬಳಿಕ ವೆಸ್ಟ್‌ಇಂಡೀಸ್ ಪ್ರವಾಸಕ್ಕಿಂತ ಮೊದಲು ಬೆಂಗಳೂರಿನ ರಾಷ್ಟ್ರೀಯ ಕ್ರಿಕೆಟ್ ಅಕಾಡೆಮಿಯಲ್ಲಿ ಮಾಜಿ ದಿಗ್ಗಜನ ಜೊತೆಗೆ ಅಜಿಂಕ್ಯ ರಹಾನೆ ಅಮೂಲ್ಯ ಸಮಯವನ್ನು ಕಳೆದಿದ್ದರು. ಇದು ರಹಾನೆ ವೃತ್ತಿ ಜೀವನಕ್ಕೆ ಹೊಸ ತಿರುವು ನೀಡುವಂತಾಗಿದೆ. ರಾಹುಲ್ ದ್ರಾವಿಡ್ ಜತೆಗಿನ ಸಮಾಲೋಚನೆಯು ನನ್ನೆಲ್ಲ ಪ್ರಶ್ನೆಗಳಿಗೆ ಉತ್ತರ ದೊರಕುವಂತೆ ಮಾಡಿತು. "ಸಾಧ್ಯವಾದಷ್ಟು ನನ್ನ ಬ್ಯಾಟಿಂಗ್ ಸರಳವಾಗಿಡಲು ಪ್ರಯತ್ನಿಸುತ್ತಿದ್ದೇನೆ. ಒಮ್ಮೆಗೆ ಒಂದು ಪಂದ್ಯವನ್ನಷ್ಟೇ ಮಾತ್ರ ಗಮನಕ್ಕೆ ತೆಗೆದುಕೊಳ್ಳುತ್ತೇನೆ. ಪ್ರತಿಯೊಂದು ಪಂದ್ಯದಲ್ಲಿ ಧನಾತ್ಮಕ ಮನೋಸ್ಥಿತಿಯಿಂದ ಆಡಲು ಪ್ರಯತ್ನಿಸುತ್ತೇನೆ" ಎಂದು ತಿಳಿಸಿದ್ದಾರೆ. "ಇದೀಗ ನಾನು ಉತ್ತಮ ಮಾನಸಿಕ ಪರಿಸ್ಥಿತಿಯನ್ನು ಹೊಂದಿದ್ದೇನೆ. ಹಿಂದೆ ನಡೆದಿದ್ದೆಲ್ಲ ಮುಗಿದು ಹೋದ ಅಧ್ಯಾಯ. ನಾನೀನ ಮುಂಬರುವ ಸರಣಿಗಳ ಮೇಲೆ ಗಮನ ಹರಿಸುತ್ತಿದ್ದೇನೆ" ಎಂದು ರಹಾನೆ ಸೇರಿಸಿದರು. ವೆಸ್ಟ್‌ಇಂಡೀಸ್ ಪ್ರವಾಸದಲ್ಲಿ ಮೂರಂಕಿಯನ್ನು ತಲುಪಿರುವ ರಹಾನೆ, ಮೂರು ವರ್ಷಗಳ ಶತಕದ ದಾಹಕ್ಕೆ ವಿರಾಮ ಹಾಡಿದ್ದರು. ತದಾ ಬಳಿಕ ದಕ್ಷಿಣ ಆಫ್ರಿಕಾ ವಿರುದ್ಧ ತವರು ನೆಲದಲ್ಲೂ ಶತಕ ಸಾಧನೆ ಮಾಡಿದ್ದರು. ಏಕದಿನ ಹಾಗೂ ಟ್ವೆಂಟಿ-20 ತಂಡದ ಖಾಯಂ ಅಂಗವಲ್ಲದಿದ್ದರೂ ದೀರ್ಘ ಪ್ರಕಾರದ ಕ್ರಿಕೆಟ್‌ನಲ್ಲಿ ಟೀಮ್ ಇಂಡಿಯಾ ಪರ ಆಪತ್ಬಾಂಧವ ಎಂದೆನಿಸಿದ್ದಾರೆ. ಅಲ್ಲದೆ ಟೆಸ್ಟ್‌ನಲ್ಲಿ ಉಪನಾಯಕ ಜವಾಬ್ದಾರಿ ವಹಿಸುತ್ತಿರುವ ರಹಾನೆ, ಐಸಿಸಿ ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್‌ನಲ್ಲಿ ಭಾರತದ ಗೆಲುವಿನ ಓಟದಲ್ಲಿ ನಿರ್ಣಾಯಕ ಪಾತ್ರ ವಹಿಸಿದ್ದಾರೆ. ಅದೇ ಹೊತ್ತಿಗೆ ಏಕದಿನ ತಂಡದಲ್ಲೂ ಕಮ್ ಬ್ಯಾಕ್ ಮಾಡುವ ವಿಶ್ವಾಸ ವ್ಯಕ್ತಪಡಿಸಿದರು. ಕಳೆದೆರಡು ವರ್ಷಗಳಲ್ಲಿ ನನ್ನ ದಾಖಲೆ ಉತ್ತಮವಾಗಿದೆ ಎಂದು ಹೇಳಲು ಬಯಸಲಾರೆ. ಹೌದು, ನನ್ನ ದಾಖಲೆ ಉತ್ತಮವಾಗಿದೆ. ಕ್ರಿಕೆಟ್ ಫನ್ನಿ ಆಟವಾಗಿದ್ದು, ಏನೂ ಬೇಕಾದರೂ ನಡೆಯಬಹುದು ಎಂದರು. ಅದೇ ಹೊತ್ತಿಗೆ ಪತ್ನಿ ಹಾಗೂ ಕುಟುಂಬದಿಂದ ಸಿಗುವ ಬೆಂಬಲದ ಬಗ್ಗೆಯೂ ರಹಾನೆ ಮೆಲುಕು ಹಾಕಿದರು. "ಪತ್ನಿ ರಾಧಿಕಾ ಧನಾತ್ಮಕ ವ್ಯಕ್ತಿತ್ವವನ್ನು ಮೈಗೂಡಿಸುತ್ತಾರೆ. ನನ್ನ ಮೇಲೆ ನಂಬಿಕೆಯನ್ನಿರಿಸಿದ್ದಾರೆ. ಜೀವನಸಾಥಿ ನಿಮ್ಮ ಮೇಲೆ ನಂಬಿಕೆಯನ್ನಿಟ್ಟಾಗ ಶೇಕಡಾ 100ಕ್ಕಿಂತಲೂ ಹೆಚ್ಚಿನ ಪರಿಶ್ರಮ ವಹಿಸಲು ಸಾಧ್ಯವಾಗುತ್ತದೆ. ನನ್ನ ಪೋಷಕರು, ಸೋದರ, ಸೋದರಿ ಎಲ್ಲರೂ ಧನಾತ್ಮಕ ಪ್ರಭಾವವನ್ನು ಬೀರುತ್ತಾರೆ. ನಾನೀಗ ಅಪ್ಪನಾಗಿದ್ದೇನೆ. ಅಭ್ಯಾಸದ ಬಳಿಕ ಅತೀವ ದಣಿದು ಮನೆಗೆ ಆಗಮಿಸಿದಾಗ ಮಗಳೊಂದಿಗೆ ಆಡಲು ಬಯಸುತ್ತೇನೆ. ಅವಳ ಸಣ್ಣ ನಗು ನನ್ನ ದಣಿವನ್ನು ಮಾಯವಾಗಿಸುತ್ತದೆ. ಇದು ನಿಜಕ್ಕೂ ವಿಶೇಷ ಅನುಭವ" ಎಂದರು.
from Sports News in Kannada, Latest Kannada Sports News | ಕ್ರೀಡೆ-ಕ್ರಿಕೆಟ್ ಸುದ್ದಿ, - Vijaya Karnataka https://ift.tt/364LCxi
