ಕಾನ್ಪುರ: ದೇಶಾದ್ಯಂತ ಈಗ ವಿರುದ್ಧವಾಗಿ ಭಾರಿ ಪ್ರತಿಭಟನೆ ನಡೆಯುತ್ತಿದೆ. ಇದು ಜಾತಿ/ಧರ್ಮಗಳ ನಡುವಿನ ಸಂಘರ್ಷಕ್ಕೂ ಕಾರಣವಾಗಿದೆ. ಇದರಿಂದ ದೇಶದ ಹಲವೆಡೆ ಹಿಂದೂ-ಮುಸ್ಲಿಂ ನಡುವೆ ಗಲಭೆ ಕೂಡ ನಡೆಯುತ್ತಿದೆ. ಅದರಲ್ಲೂ ಉತ್ತರ ಪ್ರದೇಶದಲ್ಲಿ ಪ್ರತಿಭಟನೆ ಹಿಂಸಾರೂಪಕ್ಕೆ ತಿರುಗಿದೆ. ಆದರೆ ಇದಕ್ಕೆ ಅಪವಾದ ಎಂಬಂತೆ ಕಾನ್ಪುರದಲ್ಲಿ ಹಿಂದೂ-ಮುಸ್ಲಿಂ ಸಾಮರಸ್ಯ ಎಲ್ಲರಿಗೂ ಮಾದರಿಯಾಗಿದೆ. ಕಾನ್ಪುರದ ಜೀನತ್‌ ಎಂಬುವರು ಪ್ರತಾಪಗಢದ ಹಸ್ನನ್‌ ಫಾರೂಕಿ ಜತೆ ಷಾದಿ ಪಕ್ಕಾ ಆಗಿತ್ತು. ಮದುವೆ ದಿನದಂದು ಕಾನ್ಪುರದಲ್ಲಿ ಭಾರಿ ಪ್ರತಿಭಟನೆ, ಹಿಂಸಾಚಾರದಿಂದಾಗಿ ಕರ್ಫ್ಯೂ ಜಾರಿಗೊಳಿಸಲಾಗಿತ್ತು. ಇದರಿಂದ ವರನ ಮನೆ ಕಡೆಯವರು ಬರಲು ತೀವ್ರ ತೊಂದರೆ ಉಂಟಾಗಿತ್ತು. ಉಭಯ ಕುಟುಂಬ ಸದಸ್ಯರು ತೀವ್ರ ಚರ್ಚೆಯಲ್ಲಿ ತೊಡಗಿದರು. ಜೀನತ್‌ ಅವರ ಅಂಕಲ್‌ ವಾಜಿದ್‌ ಫಜಲ್‌ ಜತೆ ಮಾತನಾಡಿದಾಗ ಬಾರಾತ್‌ ಅನ್ನು ರದ್ದುಗೊಳಿಸಬೇಕೇ ಬೇಡವೇ ಎಂಬ ಬಗ್ಗೆಯೂ ಚರ್ಚೆ ನಡೆದಿತ್ತು. ಆದರೆ ಯಾರಿಗೂ ಬಾರಾತ್‌ ರದ್ದುಪಡಿಸುವ ಮನಸ್ಸು ಇರಲಿಲ್ಲ. ಖಾನ್‌ ಕುಟುಂಬದಲ್ಲಿ ನಡೆಯುತ್ತಿದ್ದ ಚರ್ಚೆ ನೆರೆ ಮನೆಯಲ್ಲಿದ್ದ ವಿಮಲ್ ಚಪಾಡಿಯಾ ಎಂಬುವರ ಗಮನಕ್ಕೂ ಬಂತೂ. ಕೂಡಲೇ ತಮ್ಮ ಸ್ನೇಹಿತ ವಾಜಿದ್‌ ಫಜಲ್‌ ಜತೆ ಮಾತುಕತೆ ನಡೆಸಿದ ವಿಮಲ್, ಯಾವುದೇ ರೀತಿಯಲ್ಲೂ ಗಾಬರಿಯಾಗಬೇಡಿ. ಬಾರಾತ್‌ಗೆ ಎಲ್ಲವನ್ನೂ ಸಿದ್ಧಮಾಡಿಕೊಳ್ಳಿ ನಾವು ನೋಡಿಕೊಳ್ಳುತ್ತೇವೆ ಎಂದು ಭರವಸೆ ನೀಡಿದರು. ವಿಮಲ್ ಕೂಡಲೇ ತಮ್ಮ ಸ್ನೇಹಿತರಾದ ಸೋಮನಾಥ್‌ ತಿವಾರಿ, ನೀರಜ್‌ ತಿವಾರಿ ಜತೆ ಚರ್ಚೆ ನಡೆಸಿದರು. ಕ್ಷಣಮಾತ್ರದಲ್ಲಿ 50ಕ್ಕೂ ಹೆಚ್ಚು ಜಮಾಯಿಸಿದರು ಸುಮಾರು 70 ಜನರಿದ್ದ ಬಾರಾತಿಗಳನ್ನು ಮಾನವ ಸರಪಳಿ ನಿರ್ಮಿಸಿ ಕರೆದುಕೊಂಡು ಬಂದರು. ಸುಮಾರು ಒಂದು ಕಿಲೋ ಮೀಟರ್‌ಗೆ ಹೆಚ್ಚು ದೂರದಲ್ಲಿದ್ದ ಮದುವೆ ನಡೆಯುವ ಸ್ಥಳಕ್ಕೆ ಹಿಂದೂಗಳ ರಕ್ಷಣೆಯಲ್ಲಿ ಆಗಮಿಸಿದರು. ಇಡೀ ಮೆರವಣಿಗೆಯುದ್ದಕ್ಕೂ ಯಾವುದೇ ರೀತಿಯ ತೊಂದರೆ ಎದುರಾಗಲಿದ್ದಾರೆ. ಮದುವೆ ಎಲ್ಲ ಮುಗಿದ ಮೇಲೆ ತವರು ಮನೆಗೆ ಆಗಮಿಸಿದ ಜೀನತ್‌ ಮೊದಲು ಮಾಡಿದ ಕೆಲಸ ಎಂದರೆ ನೆರೆಯ ವಿಮಲ್ ಮನೆಗೆ ತೆರಳಿ ಆಶೀರ್ವಾದ ಪಡೆದರು. 12ನೇ ವರ್ಷದಲ್ಲೇ ತಂದೆಯನ್ನು ಕಳೆದುಕೊಂಡ ನನಗೆ ತಂದೆಯ ಸ್ಥಾನದಲ್ಲಿ ನಿಂತು ವಾಜೀದ್‌ ಮತ್ತು ವಿಮಲ್ ಅಂಕಲ್‌ ಷಾದಿ ಮಾಡಿಸಿದ್ದಾರೆ. ವಿಮಲ್ ಅಂಕಲ್‌ ಅಂತೂ ನಮ್ಮ ಜೀವನದ ಪಾಲಿಗೆ "ಫರಿಷ್ತಾ' ಎಂದು ಜೀನತ್‌ ತಿಳಿಸಿದ್ದಾರೆ. ಈ ಕುರಿತು ಪ್ರತಿಕ್ರಿಯೆ ನೀಡಿರುವ ವಿಮಲ್, ಜೀನತ್‌ ನಮ್ಮ ಪಕ್ಕದ ಮನೆ ಹುಡುಗಿ. ನಮ್ಮ ಕಣ್ಣ ಮುಂದೆಯೇ ಬೆಳೆದಿದ್ದಾಳೆ. ಆಕೆಯ ಷಾದಿ ಸಂದರ್ಭದಲ್ಲಿ ತೊಂದರೆಯಾದಾಗ ಬೇಸರ ಎನಿಸಿತು. ಆಕೆಗೆ ನೋವು ಮಾಡಬಾರದು ಎಂದು ಸ್ನೇಹಿತರೊಂದಿಗೆ ಸೇರಿ ಬಾರಾತ್‌ಗೆ ಅನುವು ಮಾಡಿಕೊಟ್ಟೆವು ಎಂದು ಹೇಳಿದರು.
from India & World News in Kannada | VK Polls https://ift.tt/2ETX3fl
