ಬೆಂಗಳೂರು: ಜೀವನಶೈಲಿ ಹಾಗೂ ಆಹಾರ ಪದ್ಧತಿಯ ಬದಲಾವಣೆ, ತಡವಾಗಿ ಮದುವೆಯಾಗುವುದು, ನಗರಗಳಲ್ಲಿಪತಿ- ಪತ್ನಿ ಇಬ್ಬರೂ ಕೆಲಸದ ಒತ್ತಡದಿಂದಾಗಿ ವೈಯಕ್ತಿಕ ಜೀವನದ ಕಡೆ ಗಮನಹರಿಸಲು ಸಾಧ್ಯವಾಗದಿರುವುದು, ರಾತ್ರಿ ಪಾಳಿಯ ಕೆಲಸ ಮೊದಲಾದವು ಆರೋಗ್ಯದ ಮೇಲೆ ದುಷ್ಪರಿಣಾಮ ಬೀರುತ್ತಿವೆ. ಇವೆಲ್ಲವೂ ಪುರುಷ ಹಾಗೂ ಮಹಿಳೆಯರಲ್ಲಿ ಬಂಜೆತನ ಉಂಟು ಮಾಡಲು ಕಾರಣವಾಗುತ್ತಿದೆ. ಈ ಎಲ್ಲಸಮಸ್ಯೆಗಳಿಗೆ ಪರಿಹಾರ ಕಂಡುಕೊಳ್ಳುವ ಕುರಿತು ಜನರು ದೂರವಾಣಿ ಕರೆ ಮಾಡಿ ಪ್ರಶ್ನೆಗಳನ್ನು ಕೇಳಿದರು. ಒಂದೂವರೆ ಗಂಟೆ ಕಾಲ ನಡೆದ ಫೋನ್‌- ಇನ್‌ ಕಾರ್ಯಕ್ರಮದಲ್ಲಿ ಪ್ರಶ್ನೆಗಳ ಮಹಾಪೂರವೇ ಹರಿದು ಬಂದಿದ್ದು, ಆಯ್ದ ಪ್ರಶ್ನೆಗಳಿಗೆ ಮಾತ್ರ ಉತ್ತರ ನೀಡಲು ಸಾಧ್ಯವಾಯಿತು. ಫೋನ್‌- ಇನ್‌ನಲ್ಲಿ ಪಾಲ್ಗೊಂಡ ಕಮ್ಮನಹಳ್ಳಿಯ ನೋವಾ ಐವಿಎಫ್‌ ಫರ್ಟಿಲಿಟಿ ಆಸ್ಪತ್ರೆಯ ತಜ್ಞೆ ಡಾ. ಅಪೂರ್ವ ಸತೀಶ್‌ ಅಮರನಾಥ್‌ ಅವರು ಕರೆ ಮಾಡಿದವರ ಸಮಸ್ಯೆಗಳನ್ನು ಸೂಕ್ಷ್ಮವಾಗಿ ಆಲಿಸಿ ಪರಿಹಾರ ಸೂಚಿಸಿದರು. ಬೆಂಗಳೂರು ನಗರ, ಗ್ರಾಮಾಂತರ, ಕೋಲಾರ, ದಾವಣಗೆರೆ, ಬಳ್ಳಾರಿ, ಹಾವೇರಿ, ಕಲಬುರಗಿ, ಶಿವಮೊಗ್ಗಸೇರಿದಂತೆ ನಾನಾ ಜಿಲ್ಲೆಗಳಿಂದ ದೂರವಾಣಿ ಕರೆಗಳು ಬಂದವು. ಹೊರ ರಾಜ್ಯದಿಂದಲೂ ಕರೆಗಳು ಬಂದಿದ್ದವು. ಸಹಜ ಗರ್ಭಧಾರಣೆಯಾಗದಿದ್ದರೆ 'ಇನ್‌ ವಿಟ್ರೊ ಫರ್ಟಿಲೈಸೇಷನ್‌'(ಐವಿಎಫ್‌) ವಿಧಾನದ ಮೂಲಕ ಮಗು ಪಡೆಯವುದು ಹೇಗೆ ಎಂಬುದನ್ನು ಡಾ.ಅಪೂರ್ವ ವಿವರಿಸಿದರು. ಐವಿಎಫ್‌ನಿಂದ ಮಗು ಹೊಂದುವ ವಿಧಾನ, ಐವಿಎಫ್‌ನ ಅಗತ್ಯಹಾಗೂ ಅದರ ಬಗೆಗಿರುವ ತಪ್ಪು ಕಲ್ಪನೆಗಳನ್ನು ವೈದ್ಯರು ನಿವಾರಿಸಿದರು. ಐವಿಎಫ್‌ನಿಂದ ಮಗು ಪಡೆಯಲು ನಿರ್ಧರಿಸಿದ ಅನೇಕ ದಂಪತಿಗಳು ಈ ವಿಧಾನಕ್ಕೆ ಮಾಡಬೇಕಾದ ಖರ್ಚು, ಅದರ ಬಗೆಗಿನ ಆತಂಕಗಳನ್ನು ಹೇಳಿಕೊಂಡರು. ಈ ಎಲ್ಲ ಗೊಂದಲಗಳನ್ನು ವೈದ್ಯರು ನಿವಾರಿಸಿದರು. 'ವಿಕ ಫೇಸ್‌ಬುಕ್‌ ಪೇಜ್‌'ನಲ್ಲಿಫೋನ್‌ ಇನ್‌ ಕಾರ್ಯಕ್ರಮದ ನೇರ ಪ್ರಸಾರ ಮಾಡಲಾಯಿತು. ಇಲ್ಲಿಯೂ ಅನೇಕರು ತಮ್ಮ ಸಮಸ್ಯೆಗಳನ್ನು ಕಾಮೆಂಟ್‌ ಮೂಲಕ ಹೇಳಿಕೊಂಡರು. ಈ ಪ್ರಶ್ನೆಗಳಿಗೂ ವೈದ್ಯರು ಉತ್ತರ ಹೇಳಿ ಗೊಂದಲ ಬಗೆಹರಿಸಿದರು. ರವಿಕುಮಾರ್‌, ಹೊಸಪೇಟೆ ಪ್ರಶ್ನೆ: ಮದುವೆಯಾಗಿ ಐದು ವರ್ಷವಾದರೂ ಮಕ್ಕಳಾಗಿಲ್ಲ. ನನ್ನ ವೀರ‍್ಯ ಕಣಗಳ ಸಂಖ್ಯೆ ಕಡಿಮೆ ಇದೆ ಎಂದು ವೈದ್ಯರು ಹೇಳಿದ್ದಾರೆ. ಈಗೇನು ಮಾಡಲಿ? - ಬೇರೆ ಚಿಕಿತ್ಸೆಗಳನ್ನು ಮಾಡಬೇಕು. ಇಂತಹ ಸಮಯದಲ್ಲಿಐವಿಎಫ್‌ ಅಗತ್ಯವಿದೆಯೇ ಎಂದೂ ಪರಿಶೀಲಿಸಬೇಕು. ಮೊದಲು ತಪಾಸಣೆ ಮಾಡಿಸಿ. ಬಿ.ಎ. ಚೌಡಯ್ಯ, ಪಾವಗಡ ಪ್ರಶ್ನೆ: ಮಗನಿಗೆ ಮದುವೆಯಾಗಿ 10 ವರ್ಷ ಆಗಿದೆ. ಮದುವೆಯಾದ 3 ತಿಂಗಳಲ್ಲಿಯೇ ಸೊಸೆ ಗರ್ಭ ಧರಿಸಿದ್ದರು. ಆದರೆ, ಆನಂತರ ಎರಡು ಸಲ ಗರ್ಭಪಾತವಾಯಿತು. ನಂತರ ಗರ್ಭ ಕಟ್ಟುತ್ತಿಲ್ಲ? - ಗರ್ಭ ನಿಲ್ಲದಿರುವುದಕ್ಕೆ ಕಾರಣ ಏನೆಂಬುದನ್ನು ಪರೀಕ್ಷಿಸಬೇಕು. ಆನಂತರ ಪತಿಯ ವೀರ‍್ಯ ಕಣ ಹಾಗೂ ಪತ್ನಿಯ ಅಂಡಾಣು ಉತ್ಪತ್ತಿ ಶಕ್ತಿ ಮತ್ತಿತರ ಅಂಶಗಳ ಬಗ್ಗೆ ಪರೀಕ್ಷೆ ನಡೆಸಿದ ನಂತರ ಮುಂದೇನು ಮಾಡಬಹುದು ಎಂಬುದನ್ನು ಹೇಳಬಹುದು. ರಾಜು ಜೋರಾಪುರ, ಧಾರವಾಡ ಪ್ರಶ್ನೆ: ಮದುವೆಯಾಗಿ 18-19 ವರ್ಷವಾಗಿದೆ. ಹೆಂಡತಿಗೆ ಐವಿಎಫ್‌ ಚಿಕಿತ್ಸೆ ಮಾಡಿಸಿಕೊಂಡಿದ್ದರು. ಆದರೆ, ಫಲ ನೀಡಲಿಲ್ಲ. ನಂತರ ಎರಡನೇ ಮದುವೆ ಆದೆ. ಆಕೆಗೂ ಮಕ್ಕಳಾಗಲಿಲ್ಲ, ಏನು ಮಾಡುವುದು? - ಇಲ್ಲಿವಯಸ್ಸಿನ ಸಮಸ್ಯೆ ಇದೆ ಎನಿಸುತ್ತಿದೆ. ಪತ್ನಿಯರಿಗೂ ವಯಸ್ಸಾಗಿದೆ. ಅವರ ಅಂಡಾಣು ಉತ್ಪಾದನೆ ಸ್ಥಿತಿ ಹೇಗಿದೆ, ಅದರ ಗುಣಮಟ್ಟ ಹೇಗಿದೆ ಎಂದು ಪರೀಕ್ಷಿಸಿ, ನಿಮ್ಮ ವೀರ್ಯಾಣು ತೆಗೆದು ಪತ್ನಿಯ ಅಂಡಾಣುವಿನಲ್ಲಿಟ್ಟು ಐವಿಎಫ್‌ ಮೂಲಕ ಮಕ್ಕಳನ್ನು ಪಡೆಯುವ ಸಾಧ್ಯತೆ ಇದೆ. ವೈದ್ಯರಲ್ಲಿಪರೀಕ್ಷಿಸಿಕೊಂಡು ಸೂಕ್ತ ಚಿಕಿತ್ಸೆ ಪಡೆದುಕೊಳ್ಳಿ. ವಿಶಾಲಾಕ್ಷಿ, ಕೊಪ್ಪ ಪ್ರಶ್ನೆ: ಮದುವೆಯಾಗಿ 7 ವರ್ಷವಾಗಿದೆ, ಮಕ್ಕಳಾಗಿಲ್ಲ. ಹಿಂದೆ ಗರ್ಭಧರಿಸಿ 3 ತಿಂಗಳಾಗಿದ್ದಾಗ ಗರ್ಭಪಾತವಾಗಿತ್ತು? ಆನಂತರ ಗರ್ಭ ಧರಿಸಿಲ್ಲಏನು ಮಾಡುವುದು? - ನಿಮ್ಮ ಪತಿಯ ವೀರ‍್ಯ ಪರೀಕ್ಷೆ ಮಾಡಿಸಿಕೊಳ್ಳಬೇಕು ಮತ್ತು ಜತೆಗೆ ನೀವು ಕೂಡ ಅಂಡಾಣುವಿನ ಉತ್ಪತ್ತಿ, ಅದರ ಗುಣಮಟ್ಟದ ಬಗ್ಗೆ ಪರೀಕ್ಷೆ ಮಾಡಿಸಿಕೊಂಡು ಸೂಕ್ತ ಚಿಕಿತ್ಸೆ ಪಡೆದರೆ ಮಗು ಪಡೆಯಬಹುದು. ಬಾಲು, ಮೈಸೂರು ಪ್ರಶ್ನೆ: ಮದುವೆಯಾಗಿ ಎರಡು ವರ್ಷ, ನಾಲ್ಕೈದು ಬಾರಿ ಐಯುಐ ಚಿಕಿತ್ಸೆ ಮಾಡಿಸಿಕೊಂಡಿದ್ದೇವೆ, ಆದರೂ ಮಕ್ಕಳಾಗಿಲ್ಲ? - ವಿರಾರ‍ಯಣು ಬಾರ್ಡರ್‌ಲೈನ್‌ನಲ್ಲಿಇರುವುದರಿಂದ ಕೂಡ ಕೆಲವು ಸಲ ಗರ್ಭ ಧರಿಸುವ ಸಾಧ್ಯತೆ ಇಲ್ಲ. ವೀರ್ಯಾಣು ಚಲನೆ ವೇಗ ನೋಡಬೇಕು, ಐವಿಎಫ್‌ ಚಿಕಿತ್ಸೆ ಮೂಲಕ ಮಗು ಹೊಂದಬಹುದು. ಚಂದಪ್ಪ, ರಾಯಚೂರು ಪ್ರಶ್ನೆ: ಮದುವೆಯಾಗಿ 11 ವರ್ಷವಾದರೂ ಮಕ್ಕಳಾಗಿಲ್ಲ. ಪತ್ನಿಯ ಗರ್ಭದಲ್ಲಿಸರಿಯಾಗಿ ಅಂಡಾಣು ಉತ್ಪತ್ತಿಯಾಗುತ್ತಿಲ್ಲಎಂದು ತಿಳಿದು ಬಂದಿದೆ. - ಅಂಡಾಣು ಚೆನ್ನಾಗಿ ಉತ್ಪಾದನೆಯಾಗಲು ಔಷಧಿ ನೀಡಬಹುದು. ಆದರೆ ಒಮ್ಮೆ ಸಂಪೂರ್ಣ ತಪಾಸಣೆ ನಡೆಸಿ ಕಾರಣ ತಿಳಿಯಬೇಕು. ಜ್ಯೋತಿ, ಕೋಲಾರ ಪ್ರಶ್ನೆ: ಮದುವೆಯಾಗಿ 13 ವರ್ಷವಾಗಿದೆ, ಆಸ್ಪತ್ರೆಗೆ ತೋರಿಸಿದ್ದೇವೆ. ಐವಿಎಫ್‌ ಚಿಕಿತ್ಸೆ ಪಡೆದಿದ್ದೇವೆ, ಆದರೆ ಅದು ಫಲ ನೀಡಲಿಲ್ಲ. ಈಗ 37 ವರ್ಷ. ಇನ್ನೊಮ್ಮೆ ಐವಿಎಫ್‌ ಮಾಡಿಸಿಕೊಳ್ಳಬಹುದೇ? - ನಿಮ್ಮಲ್ಲಿ ಅಂಡಾಣು ಉತ್ಪಾದನೆ ಶಕ್ತಿ ಹೇಗಿದೆ ಎಂದು ಪರೀಕ್ಷಿಸಿಕೊಳ್ಳಬೇಕು, ನಂತರ ಐವಿಎಫ್‌ ಆಯ್ಕೆ ಬಗ್ಗೆ ಪರಿಶೀಲಿಸಬಹುದು, ಇಲ್ಲವೇ ಅಂಡಾಣು ದಾನ ಪಡೆದು ವೀರ್ಯಾಣು ಜೊತೆ ಸೇರಿಸಿ ಭ್ರೂಣ ಮಾಡಬಹುದು. ಶೈಲಜಾ, ಬೆಂಗಳೂರು ಪ್ರಶ್ನೆ: ಐವಿಎಫ್‌ ಚಿಕಿತ್ಸೆ ಮಾಡಿಸಿಕೊಂಡಿದ್ದೆ, ಎರಡು ಭ್ರೂಣ ಬೆಳೆದಿದ್ದವು, ಆದರೆ ನಂತರ ಅವುಗಳ ಹೃದಯಬಡಿತ ಸರಿ ಇಲ್ಲಎಂದು ಗರ್ಭಪಾತ ಮಾಡಲಾಯಿತು, ಇದೀಗ ಮತ್ತೆ ಅದೇ ಚಿಕಿತ್ಸೆ ಪಡೆಯಬಹುದೇ? - ಮತ್ತೆ ಚಿಕಿತ್ಸೆ ಕೊಡಿಸಬಹುದು. ಆದರೆ ಮತ್ತ ಗರ್ಭ ಕಟ್ಟಿದಾಗ ಏನೂ ತೊಂದರೆ ಆಗದಂತೆ ಮೊದಲೇ ಮುನ್ನೆಚ್ಚರಿಕೆ ವಹಿಸಬೇಕು. ಒಂದು ವೇಳೆ ಮತ್ತೆ ಭ್ರೂಣದಲ್ಲಿಹೃದಯಬಡಿತ ಸಮಸ್ಯೆ ಕಂಡು ಬಂದರೆ ಚಿಕಿತ್ಸೆ ಕೊಡಿಸಬಹುದು. ಸೌಮ್ಯಾ, ಮೈಸೂರು ಪ್ರಶ್ನೆ: ಸ್ವಲ್ಪ ದಪ್ಪ ಇದ್ದೇನೆ, ಐವಿಎಫ್‌ ಚಿಕಿತ್ಸೆ ಪಡೆದುಕೊಳ್ಳಬಹುದೇ? - ನಿಮ್ಮ ದೇಹದ ತೂಕ ಇಳಿಸಿಕೊಂಡ ನಂತರ ನೀವು ಸೂಕ್ತ ಪರೀಕ್ಷೆಗಳನ್ನು ಮಾಡಿಸಿಕೊಂಡು ಐವಿಎಫ್‌ ಚಿಕಿತ್ಸೆ ಪಡೆಯಬಹುದು ಉಷಾ ಪ್ರಕಾಶ್‌, ಮೈಸೂರು ಪ್ರಶ್ನೆ: ಬಂಜೆತನಕ್ಕೆ ಕೇವಲ ಹೆಣ್ಣು ಮಾತ್ರ ಹೊಣೆ ಎಂದು ಟೀಕಿಸುತ್ತಾರಲ್ಲಾ? ಅದು ಸರಿಯೇ? ಮಕ್ಕಳಾಗದಿರಲು ಒತ್ತಡವೂ ಕಾರಣವಾಗುವುದೇ? - ಬಂಜೆತನಕ್ಕೆ ಹೆಣ್ಣು ಮಾತ್ರ ಕಾರಣವಲ್ಲ. ಪತಿ-ಪತ್ನಿ ಇಬ್ಬರೂ ಕಾರಣ. ಬಂಜೆತನಕ್ಕೆ ಶೇ.30 ಮಹಿಳೆ, ಶೇ.30ರಷ್ಟು ಪುರುಷ ಹಾಗೂ ಶೇ.30ರಷ್ಟು ಇಬ್ಬರೂ ಹಾಗೂ ಶೇ.10ರಷ್ಟು ಇತರೆ ತೊಂದರೆಗಳು ಕಾರಣ. ಹಾಗಾಗಿ, ಹೆಣ್ಣನ್ನು ದೂಷಿಸುವುದು ಮಾತ್ರ ತಪ್ಪು. ಒತ್ತಡವೂ ಸಹ ಸ್ವಲ್ಪ ಮಟ್ಟಿಗೆ ಮಕ್ಕಳಾಗದಿರಲು ಕಾರಣ. ಯೋಗ ಮತ್ತು ಧ್ಯಾನದ ಮೂಲಕ ಒತ್ತಡ ನಿರ್ವಹಿಸಿಕೊಂಡರೆ ಗರ್ಭ ಧರಿಸುವ ಸಾಧ್ಯತೆಗಳಿರುತ್ತವೆ. ರಾಜೇಶ್‌, ನೆಲಮಂಗಲ ಪ್ರಶ್ನೆ: ಮದುವೆಯಾಗಿ 4 ವರ್ಷವಾಗಿದೆ. ಪತ್ನಿಯ ತಿಂಗಳ ಖುತುಚಕ್ರ ಸರಿಯಾಗಿ ಆಗುತ್ತಿಲ್ಲ, ಆಸ್ಪತ್ರೆಯಲ್ಲಿಚಿಕಿತ್ಸೆ ಪಡೆಯಬಹುದೇ? - ಅಂಡಾಣು ಉತ್ಪತ್ತಿ ಜಾಸ್ತಿಯಾದಾಗ ಸಹ ಖುತುಚಕ್ರ ಏರುಪೇರಾಗಬಹುದು. ಹಾರ್ಮೋನ್‌ ಉತ್ಪತ್ತಿಯಲ್ಲಿವ್ಯತ್ಯಯವೂ ಕಾರಣ. ಸೂಕ್ತ ಚಿಕಿತ್ಸೆ ಪಡೆಯಬಹುದು. ಅಕ್ಷತಾ, ಬೆಂಗಳೂರು ಪ್ರಶ್ನೆ: ಅಂಡಾಣು ಉತ್ಪತ್ತಿ ಸಮಯದಲ್ಲಿಮಸಾಲೆ ತಿಂದರೆ ಸಮಸ್ಯೆಯಾಗುತ್ತದಾ? - ಅಂಡಾಣು ಉತ್ಪತ್ತಿ ವೇಳೆ ಮನೆ ಊಟ ಚೆನ್ನಾಗಿ ತಿನ್ನಬೇಕು, ನೀರು ಕುಡಿಯಬೇಕು, ಆಗ ಮಾತ್ರ ಪ್ರೆಗ್ನೆಂಟ್‌ ಆಗುವ ಸಾಧ್ಯತೆ ಹೆಚ್ಚಿರುತ್ತದೆ. ಪ್ರೇಮಾ, ಶಿವಮೊಗ್ಗ ಪ್ರಶ್ನೆ: ಮದುವೆಯಾಗಿ ಐದು ವರ್ಷವಾಗಿದೆ, ಮಗು ಇದೆ, ಸಾಮಾನ್ಯ ಖುತುಚಕ್ರ ವ್ಯತ್ಯಾಸವಾಗುತ್ತಿದೆ, ಕಾರಣವೇನು? - ಪಿಸಿಒಡಿ ಸಮಸ್ಯೆಯಿಂದಲೂ ಪೀರಿಯೆಡ್ಸ್‌ ಮುಂದೆ ಹೋಗಬಹುದು. ಥೈರಾಯ್ಡ್‌ನಿಂದಲೂ ಹಾರ್ಮೋನ್‌ ಅಸಮತೋಲನ ಉಂಟಾಗಬಹುದು. ಯಾವುದಕ್ಕೂ ಪರೀಕ್ಷೆ ಮಾಡಿಸಿಕೊಂಡು ಚಿಕಿತ್ಸೆ ಪಡೆದುಕೊಳ್ಳಿ. ನಾಗರಾಜ್‌, ದಾವಣಗೆರೆ ಪ್ರಶ್ನೆ: ಮದುವೆಯಾಗಿ 8 ವರ್ಷ, ಐವಿಎಫ್‌ ಚಿಕಿತ್ಸೆ ಪಡೆದರೂ ಅದು ಯಶಸ್ವಿಯಾಗುತ್ತಿಲ್ಲ, ಮತ್ತೆ ಚಿಕಿತ್ಸೆ ಪಡೆದರೆ ಮಕ್ಕಳಾಗುವ ಸಾಧ್ಯತೆ ಎಷ್ಟಿರುತ್ತದೆ? - 2ನೇ ಐವಿಎಫ್‌ ಚಿಕಿತ್ಸೆ ಪಡೆದುಕೊಳ್ಳಬಹುದು, ಮಕ್ಕಳಾಗುವ ಸಾಧ್ಯತೆ ಶೇ.80ರಷ್ಟಿರುತ್ತದೆ. ಶಮಿತಾ, ಉಡುಪಿ ಪ್ರಶ್ನೆ: ಮದುವೆಯಾದ ನಂತರ ಕ್ಯಾನ್ಸರ್‌ ಕಾಯಿಲೆ ಕಾಣಿಸಿಕೊಂಡಿತು, ಅದಕ್ಕೆ ಚಿಕಿತ್ಸೆ ಪಡೆಯುತ್ತಿದ್ದೆ. ನಂತರ ಬೋನ್‌ ಮ್ಯಾರೋ ಟ್ರಾನ್ಸ್‌ಪ್ಲಾಂಟ್‌ ಚಿಕಿತ್ಸೆ ಪಡೆದೆ, ಈಗ ಪುನಃ ಮಕ್ಕಳನ್ನು ಮಾಡಿಕೊಳ್ಳಲು ಪ್ರಯತ್ನಿಸಬಹುದೇ? - ಮೊದಲು ನೀವು ಕ್ಯಾನರ್ಸ್ನಿಂದ ಸಂಪೂರ್ಣ ಗುಣಮುಖರಾಗಬೇಕು. ಆನಂತರ ನಿಮ್ಮಲ್ಲಿಅಂಡಾಣು ಉತ್ಪತ್ತಿ ಶಕ್ತಿ ಪರೀಕ್ಷೆ ನಡೆಸಿ, ಪತಿಯ ವೀರ್ಯಾಣು ಪರೀಕ್ಷೆ ಮಾಡಿಸಿ ಚಿಕಿತ್ಸೆ ಪಡೆದು ಮಗು ಮಾಡಿಕೊಳ್ಳಲು ಪ್ರಯತ್ನಿಸಬಹುದು. ಜಲಜಾಕ್ಷಿ, ಮಂಡ್ಯ ಪ್ರಶ್ನೆ: ಮದುವೆಯಾಗಿ ಹತ್ತು ವರ್ಷವಾಗಿದೆ, ಐವಿಎಫ್‌ ಮಾಡಿಸಿಕೊಂಡಿದ್ದೆವು, ಆದರೆ ವಿಫಲವಾಯಿತು ಏನು ಮಾಡುವುದು? - ನೀವು ಮತ್ತೆ ಪ್ರಗ್ನೆನ್ಸಿ ಗೆ ಪ್ರಯತ್ನಿಸುವ ಬದಲು, ಒಮ್ಮೆ ನಿಮ್ಮ ಅಂಡಾಣು ಉತ್ಪತ್ತಿ ಶಕ್ತಿಯ ಬಗ್ಗೆ ಪರೀಕ್ಷೆ ಮಾಡಿಸಿಕೊಳ್ಳಿ. ಜೊತೆಗೆ ಗರ್ಭಕೋಶದ ಲೈನಿಂಗ್‌ ಕರೆಕ್ಟಾಗಿ ಇದೆಯೇ ಎಂದು ಪರೀಕ್ಷಿಸಿ, ಇಲ್ಲವಾದರೆ ಅದನ್ನು ಸರಿಪಡಿಸಿಕೊಳ್ಳಿ. ಆಗ ನಿಮಗೆ ಐವಿಎಫ್‌ ಯಶಸ್ವಿಯಾಗುವ ಸಾಧ್ಯತೆಗಳಿರುತ್ತವೆ. ದಿವ್ಯಾ, ಚಾಮರಾಜಪೇಟೆ ಪ್ರಶ್ನೆ: ಮದುವೆಯಾಗಿ 5 ವರ್ಷವಾಗಿದೆ, 2 ಸಲ ಐವಿಎಫ್‌ ಮಾಡಿಸಿಕೊಂಡರೂ ವಿಫಲವಾಗಿದೆ, ಕಾರಣವೇನಿರಬಹುದು? - ಇದಕ್ಕೆ ಗರ್ಭಕೋಶ ತೊಂದರೆ ಕಾರಣವಿರಬಹುದು, ಭ್ರೂಣದಲ್ಲಿಗುಣಮಟ್ಟವಿಲ್ಲವೆಂದರೆ ಅದೂ ತೊಂದರೆಯಾಗುತ್ತದೆ. ಇಆರ್‌ಎ ಪರೀಕ್ಷೆ ನಡೆಸಿ ಚಿಕಿತ್ಸೆ ನೀಡಿದರೆ ಗರ್ಭ ಧರಿಸುವ ಸಾಧ್ಯತೆ ಹೆಚ್ಚಿರುತ್ತದೆ. ಕವಿತಾ, ಹಾಸನ ಪ್ರಶ್ನೆ: ಮದುವೆಯಾಗಿ ಏಳು ವರ್ಷವಾದರೂ ಮಗುವಾಗಲಿಲ್ಲ. ನಂತರ ಐವಿಎಫ್‌ ಮಾಡಿಸಿದರೂ ಗರ್ಭಪಾತವಾಯಿತು. ಎರಡನೇ ಸಲ ಐವಿಎಫ್‌ ಮಾಡಿಸಬಹುದೇ? - ಗರ್ಭ ಅಥವಾ ರಕ್ತದಲ್ಲಿಏನಾದರೂ ಸಮಸ್ಯೆ ಇದ್ದಿದ್ದರಿಂದ ಹೀಗಾಗಿರಬಹುದು. ಆದರೂ ಐವಿಎಫ್‌ ಏಕೆ ವಿಫಲವಾಯಿತು ಎಂಬುದನ್ನು ಸರಿಯಾಗಿ ತಿಳಿಯಬೇಕು. ನಂತರ ಗರ್ಭಧಾರಣೆ ಮಾಡಲು ಯಾವ ವಿಧಾನ ಅನುಸರಿಸಬೇಕೆಂದು ನಿರ್ಧರಿಸಬಹುದು. ರೂಪಾ, ಹಿರಿಯೂರು ಪ್ರಶ್ನೆ: ಐವಿಎಫ್‌ಗೂ, ಸಕ್ಕರೆ ಕಾಯಿಲೆಗೂ ಸಂಬಂಧವಿದೆಯೇ? - ಐವಿಎಫ್‌ ಚಿಕಿತ್ಸೆಗೂ ಮಧುಮೇಹ ಕಾಯಿಲೆಗೂ ಸಂಬಂಧವಿಲ್ಲ, ಸಕ್ಕರೆ ಕಾಯಿಲೆ ಇದ್ದರೆ ಗರ್ಭಧಾರಣೆ ನಂತರ ಸಮಸ್ಯೆ ಆಗುವುದರಿಂದ ಅದನ್ನು ನಿಯಂತ್ರಿಸಿಕೊಂಡು ಚಿಕಿತ್ಸೆ ಪಡೆಯಬಹುದು. ಸ್ವಾಮಿ, ಬೆಂಗಳೂರು ಪ್ರಶ್ನೆ: ಮದುವೆಯಾಗಿ ಎರಡು ವರ್ಷ ಆಯಿತು, ನನ್ನದು ಹೀಟ್‌ ಬಾಡಿ, ಐವಿಎಫ್‌ ಚಿಕಿತ್ಸೆ ಮಾಡಿಸಿದರೂ ಏನೂ ಪ್ರಯೋಜನವಾಗಲಿಲ್ಲ? - ಹೀಟ್‌ ಬಾಡಿ ಇದ್ದರೆ ತೊಂದರೆ ಇಲ್ಲ, ದೇಹ ಅದನ್ನು ನಿಯಂತ್ರಿಸಿಕೊಳ್ಳುತ್ತದೆ. ಪತಿ-ಪತ್ನಿ ಇಬ್ಬರೂ ಸೂಕ್ತ ಪರೀಕ್ಷೆ ಮಾಡಿಸಿಕೊಂಡು ಚಿಕಿತ್ಸೆ ಪಡೆದುಕೊಂಡರೆ ಮಕ್ಕಳನ್ನು ಹೊಂದಬಹುದು. ನಾಗರಾಜು, ಹಾವೇರಿ ಪ್ರಶ್ನೆ: ಮದುವೆಯಾಗಿ ನಾಲ್ಕು ವರ್ಷವಾದರೂ ಮಕ್ಕಳಾಗಿಲ್ಲ, ಆಸ್ಪತ್ರೆಯಲ್ಲಿತೋರಿಸಿದಾಗ ವೀರ್ಯಾಣು ಕೌಂಟ್‌ ಸಮಸ್ಯೆ ಇದೆ ಎಂದರು, ಅದಕ್ಕೆ ಚಿಕಿತ್ಸೆ ಇದೆಯೇ? - ವೀರ್ಯಾಣು ಕೌಂಟ್‌ ಕಡಿಮೆ ಇದ್ದರೆ ಗರ್ಭಧರಿಸುವ ಸಾಧ್ಯತೆ ಕಡಿಮೆ ಹಾಗೂ ಅದಕ್ಕೆ ಚಿಕಿತ್ಸೆ ಪಡೆದು ನಂತರ ಐವಿಎಫ್‌ ಮಾಡಿಸಿದರೆ ಆಗ ಮಗು ಮಾಡಿಕೊಳ್ಳಲು ಪ್ರಯತ್ನ ಮಾಡಬಹುದು. ಸುರೇಶ್‌, ಕಲಬುರಗಿ ಪ್ರಶ್ನೆ: ಸೊಸೆಗೆ ಮೊದಲು ಒಂದು ಮಗು ಆಗಿ 8 ವರ್ಷ ಆಯ್ತು, ಈಗ ಇನ್ನೊಂದು ಮಗು ಮಾಡಿಕೊಳ್ಳಬಹುದೇ? - ಆಕೆಯಲ್ಲಿಅಂಡಾಣು ಉತ್ಪತ್ತಿ ಶಕ್ತಿ ಹೇಗಿದೆ ಎಂದು ಪರೀಕ್ಷೆ ನಡೆಸಬೇಕು, ನಾಳ ಬ್ಲಾಕ್‌ ಆಗಿದೆಯೇ ಇಲ್ಲವೇ ಪರೀಕ್ಷಿಸಬೇಕು. ಆನಂತರ ಚಿಕಿತ್ಸೆ ಪಡೆದು ಮಗು ಹೊಂದಲು ಪ್ರಯತ್ನಿಸಬಹುದು. ಶಾಂತಾ, ಯಲಹಂಕ ಪ್ರಶ್ನೆ: ಮೈದುನನಿಗೆ ಮದುವೆಯಾಗಿ ಎರಡು ವರ್ಷವಾಗಿದ್ದು, ಮಕ್ಕಳಾಗಿಲ್ಲ. ಪತ್ನಿಯ ಋುತುಸ್ರಾವ ಸರಿಯಾಗಿದೆ. - ಪತಿ, ಪತ್ನಿ ಇಬ್ಬರೂ ಬಂದು ತಪಾಸಣೆ ಮಾಡಿಸಿ ಸಮಸ್ಯೆಗೆ ಕಾರಣ ತಿಳಿಯುವುದು ಒಳ್ಳೆಯದು. ನಂತರ ಯಾವ ಚಿಕಿತ್ಸೆ ನೀಡಬೇಕೆಂದು ತೀರ್ಮಾನಿಸಬಹುದು. ಪಂಪಾಂಬಿಕಾ, ಮುಂಬಯಿ ಪ್ರಶ್ನೆ: ನನಗೆ 41 ವರ್ಷವಾಗಿದ್ದು, ಪತಿಗೆ ವೀರ‍್ಯ ಕಣಗಳ ಕೊರತೆ ಇದೆ. ಐವಿಎಫ್‌ ಮಾಡಿಸಬಹುದೇ? - ವೀರ‍್ಯ ಕಣಗಳ ಸಂಖ್ಯೆ ಹೆಚ್ಚಿಸಲು ಔಷಧ ನೀಡಬಹುದು. ಆದರೆ ಅದು ಪರಿಣಾಮಕಾರಿಯಲ್ಲ. ವಯಸ್ಸಾಗಿರುವುದರಿಂದ ಇನ್ನು ಗರ್ಭ ಧರಿಸಿದರೂ ಅಂಡಾಣು ಗುಣಮಟ್ಟ ಕಡಿಮೆ ಇರುತ್ತದೆ. ಹೀಗಾಗಿ, ಐವಿಎಫ್‌ ಸೂಕ್ತ. ಐವಿಎಫ್‌ನಿಂದ ಮಕ್ಕಳು ಪಡೆಯುವ ಸಾಧ್ಯತೆ ಶೇ.75 ರಿಂದ 80 ರಷ್ಟು ಇರುತ್ತದೆ. ಆದರೆ ಶೇ.100 ರಷ್ಟು ಗ್ಯಾರಂಟಿ ನೀಡುವುದಿಲ್ಲ. ಬಸವರಾಜ್‌, ಬಳ್ಳಾರಿ ಪ್ರಶ್ನೆ: ಮದುವೆಯಾಗಿ ನಾಲ್ಕು ವರ್ಷವಾದರೂ ಮಗುವಾಗಲಿಲ್ಲ. ಪರೀಕ್ಷೆ ಮಾಡಿಸಿದಾಗ ವೀರ‍್ಯ ಕಣ ಶೂನ್ಯ ಎಂದು ವರದಿ ಬಂತು. - ವೀರ‍್ಯ ಕಣ ಶೂನ್ಯವೇ ಎಂಬುದನ್ನು ಸರಿಯಾಗಿ ತಪಾಸಣೆ ಮಾಡಬೇಕು. ವೀರ‍್ಯ ಹೊರಗೆ ಬರಲು ಸಮಸ್ಯೆಯಾಗುತ್ತಿದ್ದರೆ ವೀರ‍್ಯ ತೆಗೆದು ಐವಿಎಫ್‌ ಮೂಲಕ ಗರ್ಭ ಧಾರಣೆ ಮಾಡಿಸಬೇಕು. ವೀರ‍್ಯದ ಮಟ್ಟವನ್ನು ಮೊದಲು ತಪಾಸಣೆ ಮಾಡಿಸಿ. ವಾಸು, ಬಾಗಲಕೋಟ ಪ್ರಶ್ನೆ: ಪತ್ನಿ ಒಮ್ಮೆ ಗರ್ಭಧರಿಸಿ ಗರ್ಭಪಾತವಾಯಿತು. ಆಪರೇಷನ್‌ ಮಾಡುವಾಗ ಗರ್ಭಕೋಶಕ್ಕೆ ಹಾನಿಯಾಗಿದೆ. ಇನ್ನೊಮ್ಮೆ ಗರ್ಭ ಧರಿಸಬಹುದೇ? - ಗರ್ಭಕೋಶದ ಸ್ಥಿತಿಯನ್ನು ಮೊದಲು ತಿಳಿಯಬೇಕು. ಗರ್ಭಕೋಶದಲ್ಲಿಜಾಗ ಕಡಿಮೆ ಇದ್ದರೆ ಮಗುವಾಗುವುದು ಕಷ್ಟ. ಪತಿಯ ವಯಸ್ಸು ಅಷ್ಟು ಮುಖ್ಯವಾಗುವುದಿಲ್ಲ. ಆದರೆ ಪತ್ನಿಯ ವಯಸ್ಸು ಹೆಚ್ಚು ಪರಿಣಾಮ ಬೀರುತ್ತದೆ. ಮಗುವಾಗಲು ಅನುಕೂಲವಾದ ಸ್ಥಿತಿ ಇದೆಯೇ ಎಂಬುದನ್ನು ಪರೀಕ್ಷಿಸಬೇಕು. ಇಬ್ಬರೂ ಆಸ್ಪತ್ರೆಗೆ ಬನ್ನಿ. ಶೋಭಾ, ನಂಜನಗೂಡುಪ್ರಶ್ನೆ: ಮದುವೆಯಾಗಿ ಮೂರು ವರ್ಷದ ಬಳಿಕ ಗರ್ಭ ಧರಿಸಿದೆ. ಆದರೆ ಗರ್ಭಪಾತವಾಯಿತು. ನಂತರ ಐವಿಎಫ್‌ ಮಾಡಿಸಿದರೂ ಗರ್ಭಧಾರಣೆಯಾಗಿಲ್ಲ. - ಗರ್ಭಕೋಶದ ನಾಳ ಕಟ್ಟಿಕೊಂಡಿದ್ದರೆ ಈ ರೀತಿಯ ಸಮಸ್ಯೆ ಕಂಡು ಬರುತ್ತದೆ. ಆದರೂ ಸರಿಯಾದ ತಪಾಸಣೆ ಮಾಡಿ ಕಾರಣ ಪತ್ತೆ ಮಾಡಬೇಕು. ಆಶಾ, ಮಂಗಳೂರುಪ್ರಶ್ನೆ: ತಡವಾಗಿ ವಿವಾಹವಾಗಿದ್ದು, ಈಗ 39 ವರ್ಷ ವಯಸ್ಸಾಗಿದೆ. ಕೆಲ ದಿನಗಳ ಹಿಂದೆ ಋುತುಸ್ರಾವ ಸ್ಥಗಿತವಾಗಿದೆ. ಬಿಪಿ ಸಮಸ್ಯೆ ಇದೆ. - ಋುತುಸ್ರಾವ ಏಕಾಗುತ್ತಿಲ್ಲವೆಂದು ತಪಾಸಣೆ ಮಾಡಬೇಕು. ರಕ್ತದೊತ್ತಡವು ಗರ್ಭಧಾರಣೆ ಮೇಲೆ ಹೆಚ್ಚು ಪರಿಣಾಮ ಬೀರುವುದಿಲ್ಲ. ವಯಸ್ಸಾಗಿರುವುದರಿಂದ ತಪಾಸಣೆ ಮಾಡಿ ಯಾವ ವಿಧಾನದಲ್ಲಿಗರ್ಭಧಾರಣೆ ಮಾಡಬಹುದೆಂದು ನಿರ್ಧರಿಸಬೇಕು. ಕೃಷ್ಣಮೂರ್ತಿ, ಚಿತ್ರದುರ್ಗಪ್ರಶ್ನೆ: ಅಕ್ಕನ ಮಗಳಿಗೆ 35 ವರ್ಷ ಹಾಗೂ ಆಕೆಯ ಪತಿಗೆ 40 ವರ್ಷ ವಯಸ್ಸು. ಗರ್ಭಧಾರಣೆ ಸಮಸ್ಯೆ ಇದೆ. - ವಯಸ್ಸಾಗುತ್ತಿದ್ದಂತೆ ಅಂಡಾಣು ಹಾಗೂ ವೀರ‍್ಯ ಶಕ್ತಿ ಕುಂದುತ್ತದೆ. ಒಮ್ಮೆ ತಪಾಸಣೆ ಮಾಡಿಸಿ. ಮಮತಾ, ಹೊಸಪೇಟೆಪ್ರಶ್ನೆ: ವಿವಾಹವಾಗಿ 14 ವರ್ಷವಾದರೂ ಮಕ್ಕಳಾಗಿಲ್ಲ. ಗರ್ಭಕೋಶದಲ್ಲಿಎರಡು ನಾಳ ಕಟ್ಟಿಕೊಂಡಿದೆ ಎಂದು ವೈದ್ಯರು ಹೇಳಿದ್ದರು. ಈ ಸಮಸ್ಯೆ ಪರಿಹಾರಕ್ಕೆ ಶಸ್ತ್ರಚಿಕಿತ್ಸೆ ಮಾಡಿಸಿಕೊಂಡೆ. - ವಯಸ್ಸಾಗಿರುವುದರಿಂದ ಸಹಜವಾಗಿ ಗರ್ಭ ಧರಿಸುವ ಬದಲು ಐವಿಎಫ್‌ ಮಾಡಿಸುವುದು ಸೂಕ್ತ. ಗರ್ಭಧಾರಣೆಯ ಸಾಧ್ಯತೆ ತಿಳಿಯಲು ಒಮ್ಮೆ ತಪಾಸಣೆ ಮಾಡಿಸಿ. ಶೈಲಜಾ, ದಾವಣಗೆರೆಪ್ರಶ್ನೆ: ತಂಗಿಗೆ ಮದುವೆಯಾಗಿ ಐದು ವರ್ಷವಾದರೂ ಮಗುವಾಗಿಲ್ಲ. ಆರೋಗ್ಯ ಚೆನ್ನಾಗಿದೆ ಎಂದು ವೈದ್ಯರು ಹೇಳಿದ್ದಾರೆ. - ಗರ್ಭಕೋಶದಲ್ಲಿಏನು ಸಮಸ್ಯೆ ಇದೆ ಎಂದು ಪತ್ತೆ ಮಾಡಬೇಕು. ಅಂಡಾಣುವಿನ ಉತ್ಪತ್ತಿ ಸಾಮರ್ಥ್ಯವನ್ನು ಪರೀಕ್ಷಿಸಬೇಕು. ವಿವೇಕಾನಂದ, ಜೆ.ಪಿ.ನಗರ, ಬೆಂಗಳೂರುಪ್ರಶ್ನೆ: ಮದುವೆಯಾಗಿ 10 ವರ್ಷಗಳು ಕಳೆದಿವೆ. ಪತ್ನಿಗೆ ಎರಡು ಬಾರಿ ಗರ್ಭಪಾತವಾಯಿತು. ಈಗ ಮಗು ಪಡೆಯಲು ನನಗೇ ಆಸಕ್ತಿ ಇಲ್ಲ. ಐವಿಎಫ್‌ ದುಬಾರಿ ಎಂದು ಸುಮ್ಮನಾಗಿದ್ದೇವೆ. - ಪತಿ, ಪತ್ನಿಯ ಆರೋಗ್ಯ ಹೇಗಿದೆ ಎಂದು ತಪಾಸಣೆ ಮಾಡಬೇಕು. ನಂತರ ಐವಿಎಫ್‌ ಅಗತ್ಯವಿದೆಯೇ ಎಂದು ತೀರ್ಮಾನಿಸಬೇಕು. ಐವಿಎಫ್‌ ಖರ್ಚು ಎಷ್ಟಾಗುತ್ತದೆಂದು ಈಗಲೇ ಹೇಳಲು ಸಾಧ್ಯವಿಲ್ಲ. ಮೊದಲು ತಪಾಸಣೆ ಮಾಡಬೇಕು. ಕಾವೇರಿ, ಕನಕಪುರಪ್ರಶ್ನೆ: ಏಳು ತಿಂಗಳ ಹಿಂದೆ ಗರ್ಭಪಾತವಾಯಿತು. ಈಗ ಮತ್ತೆ ಗರ್ಭಧಾರಣೆ ಆಗುತ್ತಿಲ್ಲ. ಪತಿ ಹಾಗೂ ನನ್ನಲ್ಲಿಯಾವುದೇ ಆರೋಗ್ಯ ಸಮಸ್ಯೆ ಇಲ್ಲ. - ಗರ್ಭಕೋಶದ ನಾಳದಲ್ಲಿಏನಾದರೂ ಸಮಸ್ಯೆ ಇದೆಯೇ ಎಂದು ಪತ್ತೆ ಮಾಡಬೇಕು. ಒಮ್ಮೆ ಸಂಪೂರ್ಣ ತಪಾಸಣೆ ಮಾಡಿಸಿ. ಗುಣವತಿ, ಬೆಂಗಳೂರುಪ್ರಶ್ನೆ: ಮಗಳಿಗೆ ನೀರುಗುಳ್ಳೆ ಸಮಸ್ಯೆ ಇದೆ. ಈಗ ಋುತುಸ್ರಾವ ಆಗುತ್ತಿಲ್ಲ. - ಪಿಸಿಒಡಿ ಸಮಸ್ಯೆ ಇರಬಹುದು. ಪ್ರತಿ ತಿಂಗಳು ಅಂಡಾಣು ಉತ್ಪತ್ತಿಯಾಗದಿದ್ದರೆ ಸೂಕ್ತ ಚಿಕಿತ್ಸೆ ನೀಡಬೇಕಾಗುತ್ತದೆ. ಪತಿಯ ವೀರ‍್ಯವನ್ನೂ ಪರೀಕ್ಷೆ ಮಾಡಬೇಕು. ವಿಷ್ಣುವರ್ಧನ, ಚಂದಾಪುರಪ್ರಶ್ನೆ: 6 ವರ್ಷವಾದರೂ ಮಕ್ಕಳಾಗಿರಲಿಲ್ಲ. ಎರಡು ತಿಂಗಳ ಹಿಂದಷ್ಟೆ ಪತ್ನಿಗೆ ಗರ್ಭಧಾರಣೆಯಾದರೂ ನಂತರ ಗರ್ಭಪಾತವಾಯಿತು. - ಗರ್ಭಪಾತ ಏಕಾಯಿತು ಎಂದು ಸರಿಯಾಗಿ ತಿಳಿಯಬೇಕು. ಅಂಡಾಣುವಿನ ಗುಣಮಟ್ಟವನ್ನು ಪರೀಕ್ಷಿಸಬೇಕು. ಒಮ್ಮೆ ಇಬ್ಬರೂ ಆಸ್ಪತ್ರೆಗೆ ಬಂದು ಸಂಪೂರ್ಣ ಪರೀಕ್ಷೆ ಮಾಡಿಸಿಕೊಳ್ಳಿ. ಶಬೀನಾ ಬೇಗಂ, ಬಾಪೂಜಿನಗರ, ಬೆಂಗಳೂರುಪ್ರಶ್ನೆ: ಎರಡು ಮಕ್ಕಳಿದ್ದು, ಕೊನೆಯ ಮಗುವಿನ ಗರ್ಭಧಾರಣೆ ಸಮಯದಲ್ಲಿಸಿಜೇರಿಯನ್‌ ಮಾಡಲಾಯಿತು. ಇನ್ನು ಮಕ್ಕಳಾಗಲ್ಲಎಂದು ವೈದ್ಯರು ಹೇಳಿದ್ದಾರೆ. - ಸಾಮಾನ್ಯ ಆರೋಗ್ಯ ತಪಾಸಣೆ ಮಾಡಿದ ಬಳಿಕ ಮಕ್ಕಳಾಗುತ್ತದೆಯೇ ಇಲ್ಲವೇ ಎಂದು ಹೇಳಲು ಸಾಧ್ಯ. ಗರ್ಭಕೋಶದ ನಾಳದಲ್ಲಿಏನಾದರೂ ಸಮಸ್ಯೆ ಇದೆಯೇ ಎಂದು ಪರೀಕ್ಷಿಸಬೇಕು. ರವಿ, ದಾವಣಗೆರೆಪ್ರಶ್ನೆ: ಮದುವೆಯಾಗಿ ಒಂದು ವರ್ಷವಾದರೂ ಮಕ್ಕಳಾಗಿಲ್ಲ. ನಂತರ ಹೆಪಟೈಟಿಸ್‌ ಬಿ ರೋಗ ಇದೆ ಎಂದು ಗೊತ್ತಾಯಿತು. - ಸಹಜವಾಗಿ ಗರ್ಭಧಾರಣೆಯಾಗದಿದ್ದರೆ ವೀರ‍್ಯ ಪಡೆದು ಸಂಗ್ರಹಿಸಿ ಇಟ್ಟು, ನಂತರ ಪತ್ನಿಗೆ ನೀಡಿ ಗರ್ಭ ಧರಿಸುವಂತೆ ಮಾಡಬೇಕು. ಒಮ್ಮೆ ಇಬ್ಬರೂ ಆಸ್ಪತ್ರೆಗೆ ಬನ್ನಿ. ಸೌಮ್ಯಾ, ಎಲೆಕ್ಟ್ರಾನಿಕ್‌ ಸಿಟಿ, ಬೆಂಗಳೂರುಪ್ರಶ್ನೆ: ಸೋದರನಿಗೆ ಮದುವೆಯಾಗಿ 20 ವರ್ಷವಾದರೂ ಮಕ್ಕಳಾಗಿಲ್ಲ. ಇತ್ತೀಚೆಗೆ ಆತನಿಗೆ ಅಪಘಾತವಾಗಿ ಕೈಗೆ ಶಸ್ತ್ರಚಿಕಿತ್ಸೆಯಾಗಿತ್ತು. ನಂತರ ಪಾಶ್ರ್ವವಾಯಿವಾಯಿತು. ಇದರಿಂದ ಮಕ್ಕಳಾಗಲ್ಲಎನ್ನುತ್ತಾರೆ. ನಿಜವೇ? - ಪಾಶ್ರ್ವವಾಯುವಾದ ನಂತರ ಮಕ್ಕಳಾಗಲು ಸಾಧ್ಯವಿಲ್ಲಎನ್ನುವುದು ನಿಜವಲ್ಲ. ವಯಸ್ಸಾಗಿರುವುದರಿಂದ ಮಕ್ಕಳಾಗದೇ ಇರಬಹುದು. ಇಬ್ಬರನ್ನೂ ಒಮ್ಮೆ ತಪಾಸಣೆ ಮಾಡಬೇಕು.
from India & World News in Kannada | VK Polls https://ift.tt/2t6Ae5C
